ക്വാറിയിൽ കുളിക്കാനിറങ്ങിയ യുവാവിനെ കാണാതായി

തിരൂർ (മലപ്പുറം): കുറ്റിപ്പുറം പകരനല്ലൂർ ഊരോത്ത് പള്ളിയാലിലെ ക്വാറിയിൽ കുളിക്കാനിറങ്ങിയ യുവാക്കളിൽ ഒരാളെ കാണാതായി. ആലത്തിയൂർ അണ്ണശ്ശേരി വീട്ടിൽ മുഹമ്മദ് ബഷീറിന്‍റെ മകൻ ബാദിർനെയാണ് (24) കാണാതായത്.

ഞായറാഴ്ച വൈകീട്ട് 5.30ഓടെയാണ് സംഭവം. ബാദിറും സുഹൃത്തുക്കളും ബന്ധുവീട്ടിലെത്തിയതായിരുന്നു. തുടർന്ന്​ പത്തുപേരടങ്ങുന്ന സംഘം ചിങ്കിളി മടക്ക് സമീപമുള്ള കരിങ്കൽ ക്വാറിയിൽ കുളിക്കാനിറങ്ങി.

ക്വാറിയിൽ മുങ്ങിത്താഴ്ന്ന ബാദിറിനെ കണ്ടെത്താൻ കുറ്റിപ്പുറം പൊലീസും തിരൂരിൽ നിന്നെത്തിയ ഫയർഫോഴ്സും രാത്രി വൈകിയും തിരച്ചിൽ നടത്തുകയാണ്.