യു.ഡി.ഐ.ഡി കാർഡ്; പരിഹാരം കാത്ത് 15,983 അപേക്ഷകൾ

മ​ല​പ്പു​റം: ഭി​ന്ന​ശേ​ഷി​ക്കാ​ർ​ക്ക് തി​രി​ച്ച​റി​യ​ൽ കാ​ർ​ഡ് ന​ൽ​കാ​നു​ള്ള സ്വാ​വ​ലം​ബ​ൻ (യു.​ഡി.​ഐ.​ഡി) വെ​ബ് പോ​ർ​ട്ട​ലി​ലെ അ​പാ​ക​ത കാ​ര​ണം ജി​ല്ല​യി​ൽ പ​രി​ഹ​രി​ക്കാ​ത്ത​ത് 15,983 അ​പേ​ക്ഷ​ക​ൾ. വി​ഷ​യം പ​രി​ഹ​രി​ക്കാ​ൻ കേ​ര​ള സാ​മൂ​ഹി​ക സു​ര​ക്ഷ മി​ഷ​ൻ (കെ.​എ​സ്.​എ​സ്.​എം) ഇ​ട​പെ​ടാ​ൻ വൈ​കു​ന്ന​താ​ണ് കാ​ര​ണം. 2022-23 കാ​ല​യ​ള​വി​ൽ 17,000 ത്തോ​ളം അ​പേ​ക്ഷ​ക​ളാ​ണ് പ​രി​ഹ​രി​ക്കാ​നു​ണ്ടാ​യി​രു​ന്ന​ത്. ഇ​വ ജി​ല്ല ആ​രോ​ഗ്യ വ​കു​പ്പി​ന്റെ നേ​തൃ​ത്വ​ത്തി​ൽ സ​മ​യ​ബ​ന്ധി​ത​മാ​യി പൂ​ർ​ത്തി​യാ​ക്കി​യി​രു​ന്നു. എ​ന്നാ​ൽ, 2024 മേ​യ് മു​ത​ൽ സ്വാ​വ​ലം​ബ​ൻ പോ​ർ​ട്ട​ൽ കേ​ന്ദ്ര സ​ർ​ക്കാ​ർ അ​പ്ഡേ​റ്റ് ചെ​യ്തു. തു​ട​ർ​ന്ന് ര​ണ്ട് മാ​സ​ത്തേ​ക്ക് പോ​ർ​ട്ട​ലി​ൽ ലോ​ഗി​ൻ ചെ​യ്യാ​നോ, അ​പേ​ക്ഷ​ക​ൾ പ​രി​ശോ​ധി​ക്കാ​നോ ആ​രോ​ഗ്യ വ​കു​പ്പി​ന് ക​ഴി​യാ​തെ വ​ന്നു.

ഇ​തോ​ടെ ജി​ല്ല​യി​ൽ മെ​ഡി​ക്ക​ൽ ബോ​ർ​ഡ് ന​ട​ന്നി​രു​ന്ന ഏ​ഴ് താ​ലൂ​ക്കു​ക​ളി​ലും ബോ​ർ​ഡ് ചേ​ർ​ന്ന് അ​പേ​ക്ഷ​ക​ൾ പ​രി​ശോ​ധി​ച്ച് സ​ർ​ട്ടി​ഫി​ക്ക​റ്റ് ന​ൽ​കാ​നാ​യി​ല്ല. നേ​ര​ത്തെ എ​ല്ലാ അ​പേ​ക്ഷ​ക​ളും ജി​ല്ല മെ​ഡി​ക്ക​ൽ ഓ​ഫി​സ​റു​ടെ ലോ​ഗി​നി​ലൂ​ടെ ക​ണ്ട് പ​രി​ശോ​ധി​ക്കാ​ൻ അ​വ​സ​ര​മു​ണ്ടാ​യി​രു​ന്നു. പു​തി​യ മാ​റ്റം വ​ന്ന​തോ​ടെ ഇ​ത് ന​ഷ്ട​മാ​യി. നി​ല​വി​ലു​ള്ള ആ​കെ 15,983 അ​പേ​ക്ഷ​ക​ളി​ൽ 8,020 എ​ണ്ണം മെ​ഡി​ക്ക​ൽ ബോ​ർ​ഡ് ചേ​ർ​ന്ന് പ​രി​ശോ​ധി​ക്കേ​ണ്ട​താ​ണ്. 7,963 അ​പേ​ക്ഷ​ക​ളി​ൽ വി​ശ​ദ പ​രി​ശോ​ധ​ന ന​ട​ത്തേ​ണ്ട​തു​ണ്ട്.

ഇ​തി​ൽ ജി​ല്ല മെ​ഡി​ക്ക​ൽ ഓ​ഫി​സ​ർ 1,501 അ​പേ​ക്ഷ​ക​ളാ​ണ് പ​രി​ഗ​ണി​ക്കേ​ണ്ട​ത്. ബാ​ക്കി അ​പേ​ക്ഷ​ക​ൾ ഓ​രോ ഏ​രി​യ ത​ല​ങ്ങ​ളി​ലെ മെ​ഡി​ക്ക​ൽ സൂ​പ്ര​ണ്ടു​മാ​രാ​ണ് പ​രി​ഗ​ണി​ക്കേ​ണ്ട​ത്. എ​ന്നാ​ൽ പോ​ർ​ട്ട​ലി​ലെ അ​പാ​ക​ത കാ​ര​ണം ഇ​തി​ന് ക​ഴി​യു​ന്നി​ല്ലെ​ന്ന് ആ​രോ​ഗ്യ വ​കു​പ്പ് അ​റി​യി​ച്ചു. അ​പേ​ക്ഷ സ​മ​ർ​പ്പി​ക്കു​ന്ന ഘ​ട്ട​ത്തി​ൽ മെ​ഡി​ക്ക​ൽ ബോ​ർ​ഡ് ചേ​രു​ന്ന സ്ഥാ​പ​ന​ങ്ങ​ളു​ടെ പേ​ര് കൃ​ത്യ​മാ​യി രേ​ഖ​പ്പെ​ടു​ത്തി​യാ​ൽ മാ​ത്ര​മേ ബ​ന്ധ​പ്പെ​ട്ട സ്ഥാ​പ​ന​ങ്ങ​ൾ​ക്ക് അ​പേ​ക്ഷ കാ​ണാ​നും ന​ട​പ​ടി സ്വീ​ക​രി​ക്കാ​നും സാ​ധ്യ​മാ​കൂ​വെ​ന്നും ആ​രോ​ഗ്യ വ​കു​പ്പ് വ്യ​ക്ത​മാ​ക്കി. മെ​ഡി​ക്ക​ൽ ബോ​ർ​ഡ് ചേ​രാ​ത്ത സ്ഥാ​പ​ന​ങ്ങ​ളു​ടെ പേ​ര് രേ​ഖ​പ്പെ​ടു​ത്തി​യാ​ൽ അ​പേ​ക്ഷ​ക​ളി​ൽ ന​ട​പ​ടി​യെ​ടു​ക്കാ​ൻ ക​ഴി​യി​ല്ലെ​ന്ന് ആ​രോ​ഗ്യ വ​കു​പ്പ് വി​വ​രി​ക്കു​ന്നു.