അതിജീവന കരുത്തിന്​ കൈപിടിച്ച്​ കാലിക്കറ്റിലെ 'എബിലിറ്റി കഫേ'

തേ​ഞ്ഞി​പ്പ​ലം: ഇ​രു​ള​ട​ഞ്ഞ് പോ​കു​മാ​യി​രു​ന്ന കു​റെ​പ്പേ​രെ ജീ​വി​ത​ത്തി​ന്റെ തെ​ളി​മ​യി​ലേ​ക്ക് കൈ​പി​ടി​ച്ചു ന​ട​ത്തു​ക​യാ​ണ് ഇ​വി​ടെ. ന​ന്മ​യു​ടെ കൈ​ത്തി​രി കൊ​ളു​ത്തി വ​ഴി​കാ​ട്ടു​ക മാ​ത്ര​മ​ല്ല അ​വ​രെ ല​ക്ഷ്യ​ത്തി​ലെ​ത്തി​ക്കാ​നും സ്വ​ന്തം കാ​ലി​ല്‍നി​ന്ന് സ്വ​യം പ​ര്യാ​പ്ത നേ​ടാ​ൻ പ​ഠി​പ്പി​ക്കു​ക​യു​മാ​ണ് ഇ​വ​ർ. ജ​ന്മ​നാ മാ​ന​സി​ക-​ശാ​രീ​രി​ക വെ​ല്ലു​വി​ളി​ക​ള്‍ നേ​രി​ടു​ന്ന യു​വ​തി​ക​ള്‍ക്കും യു​വാ​ക്ക​ള്‍ക്കും അ​തി​ജീ​വ​ന​ത്തി​ന്റെ ക​രു​ത്ത് പ​ക​രു​ന്ന​ത് കാ​ലി​ക്ക​റ്റ് സ​ര്‍വ​ക​ലാ​ശാ​ല​യും സാ​മൂ​ഹി​ക നീ​തി വ​കു​പ്പും ചേ​ര്‍ന്നാ​ണ്.

മാ​ന​സി​ക വൈ​ക​ല്യ​ങ്ങ​ളാ​ല്‍ സ്വ​ന്തം വീ​ടു​ക​ളി​ല്‍ ത​ന്നെ ഒ​തു​ങ്ങി പോ​കു​മാ​യി​രു​ന്ന എ​ണ്‍പ​തോ​ളം ഭി​ന്ന​ശേ​ഷി​ക്കാ​രാ​ണ് സ​ര്‍വ​ക​ലാ​ശാ​ല​യു​ടെ​യും സാ​മൂ​ഹി​ക നീ​തി വ​കു​പ്പി​ന്റെ​യും പി​ന്തു​ണ​യോ​ടെ സ​മൂ​ഹ​ത്തി​ന്റെ മു​ഖ്യ​ധാ​ര​യി​ലേ​ക്കെ​ത്തു​ന്ന​ത്.

സ​ര്‍വ​ക​ലാ​ശാ​ല സൈ​ക്കോ​ള​ജി പ​ഠ​ന വി​ഭാ​ഗ​ത്തി​ന് കീ​ഴി​ല്‍ 2015ല്‍ ​സാ​മൂ​ഹി​ക നീ​തി വ​കു​പ്പി​ന്റെ പി​ന്തു​ണ​യോ​ടെ തു​ട​ങ്ങി​യ ക​മ്യൂ​ണി​റ്റി ഡി​സ​ബി​ലി​റ്റി മാ​നേ​ജ്‌​മെ​ന്റ് ആ​ൻ​ഡ്​ റീ​ഹാ​ബി​ലി​റ്റേ​ഷ​ന്‍ പ്രോ​ഗ്രാം എ​ന്ന മാ​തൃ​ക പ​ദ്ധ​തി​യാ​ണി​ത്. പ്രീ ​വൊ​ക്കേ​ഷ​ന​ല്‍ റി​ഹാ​ബി​ലി​റ്റേ​ഷ​ന്‍ പ്രോ​ജ​ക്ടി​ലൂ​ടെ 18 വ​യ​സ്സി​ന് മു​ക​ളി​ലു​ള്ള ഭി​ന്ന​ശേ​ഷി​ക്കാ​ര്‍ക്ക് തൊ​ഴി​ല​ധി​ഷ്ഠി​ത പ​രി​ശീ​ല​നം വി​ജ​യ​ക​ര​മാ​യി പൂ​ര്‍ത്തീ​ക​രി​ച്ച് 16 പേ​ര്‍ക്ക് സ​ര്‍വ​ക​ലാ​ശാ​ല കാ​മ്പ​സി​ല്‍ ത​ന്നെ 'എ​ബി​ലി​റ്റി ക​ഫേ' എ​ന്ന പേ​രി​ല്‍ ജോ​ലി ന​ല്‍കാ​നും ഈ ​ഉ​ദ്യ​മ​ത്തി​ലൂ​ടെ സാ​ധി​ച്ചു.

പ​രി​ശീ​ല​നം പൂ​ര്‍ത്തി​യാ​ക്കി​യ 15ല്‍ 11 ​പേ​ര്‍ക്കും സ്വ​ന്തം വ​രു​മാ​ന​മു​ണ്ടാ​ക്കാ​നു​ള്ള സൗ​ക​ര്യ​മൊ​രു​ക്കാ​നാ​യി. ഇ​വ​ര്‍ക്ക് കീ​ഴി​ല്‍ 12 പേ​ര്‍ നി​ല​വി​ല്‍ പ്രാ​യോ​ഗി​ക പ​രി​ശീ​ല​ന​ത്തി​ലാ​ണ്. സ​ര്‍വ​ക​ലാ​ശാ​ല ഭ​ര​ണ​കാ​ര്യാ​ല​യം, സൈ​ക്കോ​ള​ജി ബ്ലോ​ക്ക്, സ​യ​ന്‍സ് ബ്ലോ​ക്ക്, ച​രി​ത്ര പ​ഠ​ന​വി​ഭാ​ഗ​ങ്ങ​ള്‍ ഉ​ള്‍ക്കൊ​ള്ളു​ന്ന ന്യൂ ​ബ്ലോ​ക്ക്, കോ​ഴി​ക്കോ​ട് സി​വി​ല്‍ സ്റ്റേ​ഷ​ന്‍ എ​ന്നി​വി​ട​ങ്ങ​ളി​ല്‍ എ​ബി​ലി​റ്റി ക​ഫേ പ്ര​വ​ര്‍ത്തി​ക്കു​ന്നു​ണ്ട്. ര​ക്ഷി​താ​ക്ക​ളു​ടെ മേ​ല്‍നോ​ട്ട​ത്തി​ലാ​ണ് പ്ര​വ​ര്‍ത്ത​ന​മെ​ന്ന് പ്രോ​ഗ്രാം ജോ​യ​ന്റ് കോ ​ഓ​ഡി​നേ​റ്റ​ര്‍ എ.​കെ. മി​സ്ഹ​ബ് പ​റ​ഞ്ഞു. പ്രോ​ഗ്രാം ഡ​യ​റ​ക്ട​ര്‍ ഡോ. ​കെ. മ​ണി​ക​ണ്ഠ​ന്‍ മാ​ർ​ഗ​നി​ര്‍ദേ​ശ​ങ്ങ​ള്‍ ന​ല്‍കു​മ്പോ​ള്‍ ഭി​ന്ന​ശേ​ഷി​ക്കാ​രാ​യ​വ​രെ ആ​ത്മ​സ​മ​ര്‍പ്പ​ണ​ത്തോ​ടെ പ​രി​ശീ​ലി​പ്പി​ച്ച് കൂ​ടെ നി​ര്‍ത്തു​ന്ന​ത് ഒ​ക്കേ​ഷ​ന​ല്‍ കോ ​ഓ​ഡി​നേ​റ്റ​ര്‍ ജെ.​ടി. ഷാ​നി​ബ​യാ​ണ്.

എ​ബി​ലി​റ്റി ക​ഫേ​ക്ക് പു​റ​മെ ഇ​ല​ക്ട്രോ​ണി​ക്‌​സ്, വാ​ട്ട​ര്‍ സ​ര്‍വി​സ്, വീ​ടി​നോ​ടു ചേ​ര്‍ന്ന് സൂ​പ്പ​ര്‍മാ​ര്‍ക്ക​റ്റ്, വ​സ്ത്രാ​ല​യം മേ​ഖ​ല​ക​ളി​ലും ഭി​ന്ന​ശേ​ഷി കു​ട്ടി​ക​ള്‍ക്ക് പ്രോ​ജ​ക്ടി​ലൂ​ടെ തൊ​ഴി​ല​വ​സ​രം ഒ​രു​ക്കി​യി​രു​ന്നു. സ​ര്‍വ​ക​ലാ​ശാ​ല ബോ​ട്ട​ണി വി​ഭാ​ഗ​വു​മാ​യി സ​ഹ​ക​രി​ച്ച് ഗാ​ര്‍ഡ​നി​ങ്, ഇ​ന്‍സ്ട്രു​മെ​ന്റേ​ഷ​ന്‍ വി​ഭാ​ഗ​ത്തി​ല്‍ ഇ​ല​ക്ട്രോ​ണി​ക്‌​സ് സാ​ധ​ന​ങ്ങ​ളു​ടെ റി​പ്പ​യ​റി​ങ്, പാ​ഴ് വ​സ്തു​ക്ക​ളു​ടെ പു​ന​രു​പ​യോ​ഗം എ​ന്നി​വ​യി​ലും അ​വ​സ​രം ന​ല്‍കി. ഭി​ന്ന​ശേ​ഷി​ക്കാ​രാ​യ കു​ട്ടി​ക​ളു​ടെ നൈ​പു​ണ്യ​മു​ള്ള ര​ക്ഷി​താ​ക്ക​ളെ ഉ​പ​യോ​ഗ​പ്പെ​ടു​ത്തി പാ​ര​ന്റ് മീ​ഡി​യേ​റ്റ​ഡ് സ്‌​കി​ല്‍ ട്രെ​യി​നി​ങ് തു​ട​ങ്ങാ​നും പു​തി​യ പ​ദ്ധ​തി​യു​ണ്ട്. വ്യാ​പാ​രി വ്യ​വ​സാ​യി​ക​ളു​ടെ സ​ഹ​ക​ര​ണ​ത്തോ​ടെ പ​രി​ശീ​ല​നം നേ​ടി​യ ഭി​ന്ന​ശേ​ഷി​ക്കാ​ര്‍ക്ക് കൂ​ടു​ത​ല്‍ തൊ​ഴി​ല​വ​സ​ര​ങ്ങ​ള്‍ സൃ​ഷ്ടി​ക്കാ​ന്‍ സ​ര്‍ക്കാ​റി​ന്റെ സ​ഹാ​യം തേ​ടി​യി​ട്ടു​ണ്ട്.