വാക്സിൻ ചലഞ്ച്: ഇരുചക്ര വാഹനം വിൽപനക്ക് വെച്ച് അഭിഭാഷകൻ
text_fieldsവിൽപനക്ക് വെച്ച ഇരുചക്രവാഹനത്തിൽ അഡ്വ. സി. ഇബ്രാഹിംകുട്ടി
തിരൂരങ്ങാടി: വാക്സിൻ ചലഞ്ചിന് തുക സംഭാവന ചെയ്തതിനുപുറമേ മുഖ്യമന്ത്രിയുടെ ദുരിതാശ്വാസനിധിയിലേക്ക് ഫണ്ട് നൽകാൻ സ്വന്തം ഇരുചക്രവാഹനം വിൽപനയ്ക്ക് വെച്ച് പരപ്പനങ്ങാടി കോടതിയിലെ അഭിഭാഷകൻ. തിരൂരങ്ങാടി പതിനാറുങ്ങൽ സ്വദേശിയായ അഡ്വ. സി. ഇബ്രാഹിം കുട്ടിയാണ് ബൈക്ക് വിറ്റു കിട്ടുന്ന പണം മുഴുവൻ ദുരിതാശ്വാസനിധിയിലേക്ക് നൽകാൻ തീരുമാനിച്ചത്.
തെൻറയും കുടുംബത്തിെൻറയും വാക്സിനായി ചിലവാകുന്ന തുക കൂടാതെ തന്നെ നല്ലൊരു തുക ദുരിതാശ്വാസനിധിയിലേക്ക് നൽകിയ ഇബ്രാഹിംകുട്ടി കൂടുതൽ തുക നൽകാനാണ് ബൈക്ക് വിൽക്കാൻ തീരുമാനിച്ചത്.
സർക്കാർ വാക്സിൻ സൗജന്യമായാണ് നൽകുന്നതെങ്കിലും നമ്മൾ ഓരോരുത്തരും നൽകുന്ന സംഭാവന സമൂഹത്തിലെ പാവപ്പെട്ടവർക്ക് കൂടുതൽ ഉപകാരപ്രദമാകട്ടെ എന്ന ലക്ഷ്യം വെച്ചാണ് ബൈക്ക് വിൽപനക്ക് െവച്ചതെന്ന് സി.പി.എം തിരൂരങ്ങാടി ലോക്കൽ കമ്മിറ്റി സെക്രട്ടറി കൂടിയായ ഇബ്രാഹിംകുട്ടി പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.