വള്ളിക്കുന്നിലെ മഞ്ഞപ്പിത്ത വ്യാപനം; മെഡിക്കൽ ക്യാമ്പിൽ എത്തിയത് 350ൽ അധികംപേർ

വ​ള്ളി​ക്കു​ന്ന്: ഗ്രാ​മ​പ​ഞ്ചാ​യ​ത്തി​ലെ കൊ​ട​ക്കാ​ട് പ്ര​ദേ​ശ​ത്ത് മ​ഞ്ഞ​പ്പി​ത്തം ബാ​ധ​യെ തു​ട​ർ​ന്ന് ന​ട​ത്തി​യ മെ​ഡി​ക്ക​ൽ ക്യാ​മ്പി​ൽ പ​രി​ശോ​ധ​ന​ക്ക്‌ എ​ത്തി​യ​ത് 350ല​ധി​കം ആ​ളു​ക​ൾ. കൊ​ട​ക്കാ​ട് കൂ​ട്ടു​മൂ​ച്ചി സ്വ​ദേ​ശി​യു​ടെ വി​വാ​ഹ​ത്തി​ൽ ചേ​ളാ​രി സ്മാ​ർ​ട്ട് ഓ​ഡി​റ്റോ​റി​യ​ത്തി​ൽ പ​ങ്കെ​ടു​ത്ത​വ​ർ​ക്കാ​ണ് മ​ഞ്ഞ​പ്പി​ത്തം സ്ഥി​രീ​ക​രി​ച്ച​ത്. മ​ഞ്ഞ​പ്പി​ത്തം റി​പ്പോ​ർ​ട്ട് ചെ​യ്ത സാ​ഹ​ച​ര്യ​ത്തി​ൽ ആ​രോ​ഗ്യ വ​കു​പ്പും വ​ള്ളി​ക്കു​ന്ന് ഗ്രാ​മ​പ​ഞ്ചാ​യ​ത്ത് ഭ​ര​ണ​സ​മി​തി​യും ക്യാ​മ്പ് ചെ​യ്ത് പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കു​ക​യാ​ണ്. 176 പേ​രാ​ണ് വി​വി​ധ ആ​ശു​പ​ത്രി​ക​ളി​ൽ ചി​കി​ത്സ​തേ​ടി​യെ​ത്തി​യ​ത്. വ​ള്ളി​ക്കു​ന്ന് ഗ്രാ​മ​പ​ഞ്ചാ​യ​ത്തും അ​ത്താ​ണി​ക്ക​ൽ കു​ടും​ബാ​രോ​ഗ്യ കേ​ന്ദ്ര​വും കൊ​ട​ക്കാ​ട് കെ.​എം.​സി.​സി ത​ന്മ ആ​തു​ര സേ​വ​ന സം​ഘ​ത്തി​ന്‍റെ​യും സ​ഹ​ക​ര​ണ​ത്തോ​ടെ​യാ​ണ് ക്യാ​മ്പ് ന​ട​ത്തി​യ​ത്.

അ​ന്നേ ദി​വ​സം വി​ഹാ​ഹ​ത്തി​ൽ പ​ങ്കെ​ടു​ത്ത​വ​ർ ജാ​ഗ്ര​ത പാ​ലി​ക്ക​ണ​മെ​ന്ന് ആ​രോ​ഗ്യ വ​കു​പ്പ് മു​ന്ന​റി​യി​പ്പ് ന​ൽ​കി. ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് എ. ​ഷൈ​ല​ജ, വൈ​സ് പ്ര​സി​ഡ​ന്‍റ് മ​നോ​ജ് കോ​ട്ടാ​ശ്ശേ​രി, ആ​രോ​ഗ്യ സ്റ്റാ​ഡി​ങ് ക​മ്മി​റ്റി ചെ​യ​ർ​പേ​ഴ്സ​ൻ എ.​പി. സി​ന്ധു, ഗ്രാ​മ​പ​ഞ്ചാ​യ​ത്ത് അം​ഗ​ങ്ങ​ളാ​യ എ.​പി.​കെ. ത​ങ്ങ​ൾ, രാ​ജി ക​ൽ​പാ​ല​ത്തി​ങ്ങ​ൾ, നി​സാ​ർ കു​ന്നു​മ്മ​ൽ മെ​ഡി​ക്ക​ൽ ഓ​ഫി​സ​ർ ഡോ. ​ശ്രീ​കു​മാ​ർ, ഹെ​ൽ​ത്ത് ഇ​ൻ​പെ​ക്ട​ർ പി.​കെ. സ്വ​പ്ന, ഡോ​ക്ട​ർ​മാ​രാ​യ പി. ​മു​ഹി​ദീ​ൻ, ആ​യി​ഷ റ​സി​യ, അ​ന​ഘ എ​ന്നി​വ​ർ ക്യാ​മ്പി​ന് നേ​തൃ​ത്വം ന​ൽ​കി.