നാടിന്റെ ഉറക്കംകെടുത്തി പുതിയ ബിവറേജസ് ഔട്ട് ലെറ്റ്; പ്രദേശം സാമൂഹിക വിരുദ്ധരുടെ താവളമാവുന്നതായി പരാതി

വ​ണ്ടൂ​ർ: ശാ​ന്തി​ന​ഗ​ർ അ​ത്താ​ണി​ക്ക​ലി​ലെ ബി​വ​റേ​ജ​സ് ഔ​ട്ട് ലെ​റ്റ് കാ​ര​ണം പ്ര​ദേ​ശം സാ​മൂ​ഹി​ക വി​രു​ദ്ധ​രു​ടെ താ​വ​ള​മാ​വു​ന്ന​താ​യി പ​രാ​തി. നാ​ട്ടി​ൻ​പു​റ​ത്തെ ബി​വ​റേ​ജ​സ് ഔ​ട്ട്ലെ​റ്റി​ൽ നി​ന്ന് മ​ദ്യം വാ​ങ്ങി തൊ​ട്ട​ടു​ത്ത റ​ബ​ർ തോ​ട്ട​ങ്ങ​ളി​ലും ബ​സ് സ്റ്റോ​പ്പി​ലു​മൊ​ക്കെ​യാ​യി അ​ന്തി​യു​റ​ങ്ങു​ന്ന​വ​രെ​ക്കൊ​ണ്ട് പൊ​റു​തി​മു​ട്ടി​യ​താ​യി നാ​ട്ടു​കാ​ർ പ​റ​യു​ന്നു. ഇ​ത്ത​ര​ക്കാ​ർ രാ​ത്രി​യി​ൽ റോ​ഡി​ലൂ​ടെ ന​ട​ന്നു​പോ​കു​ന്ന സ്ത്രീ​ക​ളെ അ​ട​ക്കം ശ​ല്യം ചെ​യ്യു​ന്ന​താ​യും പ​രാ​തി​ക​ളു​ണ്ട്. ആ​ളൊ​ഴി​ഞ്ഞ പ്ര​ദേ​ശ​ത്താ​ണ് ബിവ​റേ​ജ​സ് ഔ​ട്ട്ലെ​റ്റ് പ്ര​വ​ർ​ത്തി​ക്കു​ന്ന​ത്.

ക​ഴി​ഞ്ഞ ഫെ​ബ്രു​വ​രി 22നാ​ണ് കേ​ന്ദ്രം ഇ​വി​ടെ പ്ര​വ​ർ​ത്ത​നം ആ​രം​ഭി​ച്ച​ത്. ദൂ​ര​സ്ഥ​ല​ങ്ങ​ളി​ൽ നി​ന്ന​ട​ക്കം ആ​ളു​ക​ൾ വാ​ഹ​ന​ങ്ങ​ളി​ൽ എ​ത്തി മ​ദ്യം വാ​ങ്ങി​യ​ശേ​ഷം വാ​ഹ​ന​ത്തി​ൽ ഇ​രു​ന്നും തൊ​ട്ട​ടു​ത്ത ഒ​ഴി​ഞ്ഞ പ​റ​മ്പു​ക​ളി​ലു​മാ​യും കൂ​ട്ട​മാ​യി മ​ദ്യ​പി​ച്ച് രാ​ത്രി ഏ​റെ വൈ​കി​യും ത​മ്പ​ടി​ക്കു​ക​യാ​ണെ​ന്ന് നാ​ട്ടു​കാ​ർ പ​റ​യു​ന്നു. ഇ​ത്ത​ര​ത്തി​ൽ സ്ത്രീ​ക​ളെ ശ​ല്യം​ചെ​യ്ത ര​ണ്ടു​പേ​രെ നാ​ട്ടു​കാ​ർ വി​വ​ര​മ​റി​യി​ച്ച​തി​നെ തു​ട​ർ​ന്ന് പൊ​ലീ​സെ​ത്തി ക​സ്റ്റ​ഡി​യി​ലെ​ടു​ത്തി​രു​ന്നു.

പൊ​ലീ​സ് പോ​യ​ശേ​ഷം സ​മാ​ന​സം​ഭ​വം അ​ര​ങ്ങേ​റി​യ​തോ​ടെ വീ​ണ്ടും പൊ​ലീ​സ് എ​ത്തി മ​റ്റൊ​രാ​ളെ കൂ​ടി ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. കേ​ന്ദ്രം ഇ​വി​ടെ​നി​ന്ന് മാ​റ്റ​ണ​മെ​ന്നാ​ണ് സ​മീ​പ​വാ​സി​ക​ളു​ടെ ആ​വ​ശ്യം. ഇ​ക്കാ​ര്യം നാ​ട്ടു​കാ​ർ മു​ഖ്യ​മ​ന്ത്രി​യു​ടെ ന​വ​കേ​ര​ള സ​ദ​സ്സി​ൽ അ​ട​ക്കം പ​രാ​തി ന​ൽ​കി​യി​രു​ന്നു. തു​ട​ർ​ന്ന് സം​ഭ​വ​ത്തെ​ക്കു​റി​ച്ച് അ​ന്വേ​ഷി​ക്കാ​ൻ ബി​വ​റേ​ജ​സ് ജ​ന​റ​ൽ മാ​നേ​ജ​ർ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്.