![wandoor night walk wandoor night walk](https://www.madhyamam.com/h-upload/2021/12/14/1325663-wandoor-night-walk.webp)
പൊതുയിടങ്ങൾ സ്വന്തമാക്കാൻ രാത്രി നടന്ന് സ്ത്രീകൾ - വിഡിയോ
text_fieldsമലപ്പുറം: പൊതുയിടങ്ങൾ സ്വന്തമാക്കാൻ വണ്ടൂരിലും രാത്രി നടന്ന് സ്ത്രീകൾ. ബ്ലോക്ക് പഞ്ചായത്ത് വൈസ് പ്രസിഡന്റ് കെ.കെ. സാജിത ഉദ്ഘാടനം ചെയ്തു.
10.30ഓടെയാണ് അമ്പതോളം വരുന്ന സ്ത്രീകൾ ജംഗ്ഷനിലെത്തിയത്. മെഴുക് തിരി തെളിയിക്കൽ, ജംഗ്ഷനിൽ ഒത്തുചേരൽ എന്നിവയുണ്ടായി.
നാലു സംഘങ്ങളായി തിരിഞ്ഞ് ജംഗ്ഷനിലെ നാലു റോഡിലൂടെയും നടന്ന സ്ത്രീകൾ തിരിച്ചെത്തി അനുഭവങ്ങൾ പങ്കുവെച്ചു. പലർക്കും ഇത് നവ്യാനുഭമായി. പൊതുയിടം സ്വന്തമാക്കാനും സ്ത്രീകൾക്ക് നേരെയുള്ള അതിക്രമങ്ങൾ തടയാനും വനിതാ ശിശു വികസന വകുപ്പാണ് രാത്രി നടത്തം സംഘടിപ്പിച്ചത്.
പഞ്ചായത്ത് ക്ഷേമകാര്യ സ്ഥിരംസമിതി ചെയർപേഴ്സൻ കെ. തസ്നിയാബാനു അധ്യക്ഷത വഹിച്ചു. സി.ഡി.പി.ഒ കെ.എം. ജയഗീത, ഐ.സി.ഡി.എസ് സൂപ്പർവൈസർ കെ. വിനോദിനി തുടങ്ങിയവർ നേതൃത്വം നൽകി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.