നെ​ൽ​വ​യ​ൽ നി​ക​ത്തി വീ​ട് നി​ർ​മാ​ണം; ക​ണ്ണ​ട​ച്ച്​ അ​ധി​കൃ​ത​രും

വേ​ങ്ങ​ര: നെ​ൽ​പ്പാ​ടം നി​ക​ത്തി വീ​ട് നി​ർ​മാ​ണ​ത്തി​ന് ക​ള​മൊ​രു​ങ്ങു​ന്നു. പാ​ട​ത്ത് ചെ​ങ്ക​ല്ല് ഇ​റ​ക്കി​ക്ക​ഴി​ഞ്ഞു. ക​ണ്ണ​മം​ഗ​ലം ഗ്രാ​മ​പ​ഞ്ചാ​യ​ത്തി​ൽ കി​ളി​ന​ക്കോ​ടി​ന​ടു​ത്ത് കൊ​ള​പ്പു​റം വ​യ​ലി​ലാ​ണ് വീ​ട് നി​ർ​മി​ക്കാ​നാ​യി ക​ല്ലു​ക​ൾ ഇ​റ​ക്കി​വെ​ച്ചി​ട്ടു​ള്ള​ത്.

വീ​ട് നി​ർ​മാ​ണ​ത്തി​ന് മ​റ്റു സ്ഥ​ല​ങ്ങ​ൾ ഇ​ല്ലാ​ത്ത​വ​ർ​ക്ക് മൂ​ന്നും അ​ഞ്ചും പ​ത്തും സെൻറ്​ പാ​ടം വി​ൽ​പ്പ​ന ന​ട​ത്തി​യാ​ണ് വീ​ട് പ​ണി​ക്കു​ള്ള ഒ​രു​ക്ക​ങ്ങ​ൾ ന​ട​ക്കു​ന്ന​ത്. കൂ​ടു​ത​ൽ സ്ഥ​ലം വി​ല​ക്ക് വാ​ങ്ങി ചെ​റി​യ പ്ലോ​ട്ടു​ക​ളാ​ക്കി വി​ൽ​പ​ന ന​ട​ത്തി​യാ​ണ് വീ​ടു​ക​ൾ നി​ർ​മി​ക്കു​ന്ന​തെ​ന്നു നാ​ട്ടു​കാ​ർ പ​റ​യു​ന്നു.

ഈ ​വ​യ​ലി​ൽ നേ​ര​ത്തെ വീ​ട് നി​ർ​മാ​ണം ന​ട​ന്ന​പ്പോ​ഴും വി​വ​രം റ​വ​ന്യു ഡി​പ്പാ​ർ​ട്ട്​​മെൻറി​നെ അ​റി​യി​ച്ചി​രു​ന്നെ​ങ്കി​ലും അ​ന​ധി​കൃ​ത നി​ർ​മാ​ണ​ത്തി​നെ​തി​രെ അ​ധി​കൃ​ത​ർ ന​ട​പ​ടി​ക​ളൊ​ന്നും സ്വീ​ക​രി​ച്ചി​ല്ലെ​ന്ന്​ നാ​ട്ടു​കാ​ർ​ക്ക് പ​രാ​തി​യു​ണ്ട്. ക​ണ്ണ​മം​ഗ​ലം വി​ല്ലേ​ജ് ഓ​ഫി​സ​ർ സ്ഥ​ലം സ​ന്ദ​ർ​ശി​ച്ചു വേ​ണ്ട ന​ട​പ​ടി​ക​ൾ സ്വീ​ക​രി​ക്കു​മെ​ന്ന് മാ​ധ്യ​മ​ത്തോ​ട് പ​റ​ഞ്ഞു.