കടലുണ്ടിപ്പുഴയിൽ മണലൂറ്റ് സജീവം; തോണികൾ പിടികൂടി

വേങ്ങര: കടലുണ്ടിപ്പുഴയിൽ അനധികൃത മണലൂറ്റ് വീണ്ടും സജീവമാകുന്നു. കഴിഞ്ഞ ദിവസം വേങ്ങര പൊലീസ് നടത്തിയ റെയ്ഡിൽ മണൽ വാരാൻ ഉപയോഗിക്കുന്ന അഞ്ച് തോണികൾ പിടികൂടി. മുച്ചിറാണി, ഇല്ലിപിലാക്കൽ, പാലാണി, കല്ലക്കയം തുടങ്ങിയ കടവുകളിൽ നിന്നാണ് മണൽത്തോണികൾ പിടികൂടിയത്.

മലപ്പുറം എസ്.പി സുജിത് ദാസിന്റെ നിർദേശ പ്രകാരം നടത്തിയ റെയ്ഡിന് വേങ്ങര സ്റ്റേഷൻ ഹൗസ് ഓഫിസർ എം. മുഹമ്മദ് ഹനീഫ, എസ്.ഐ ഉണ്ണികൃഷ്ണൻ, സീനിയർ എസ്.പി.ഒ ഷബീർ, എസ്.പി.ഒ ഷിജിത് എന്നിവർ നേതൃത്വം നൽകി.