ചീ​റി​പ്പാ​യു​ന്നു; 'പിഴ'ച്ച യാ​ത്ര

മ​ല​പ്പു​റം: ഇ​രു​ച​ക്ര വാ​ഹ​നാ​പ​ക​ട​ങ്ങ​ൾ പെ​രു​കു​മ്പോ​ഴും ജി​ല്ല​യി​ൽ ഹെ​ൽ​മി​റ്റി​ല്ലാ​തെ​യു​ള്ള യാ​ത്ര​ക്ക്​ കു​റ​വി​ല്ല. ഹെ​ൽ​മ​റ്റി​ല്ലാ​തെ, ആ​ഡം​ബ​ര ബൈ​ക്കു​ക​ളി​ൽ ചീ​റി​പാ​യു​ന്ന​വ​രും നി​ര​വ​ധി. ഗ​താ​ഗ​ത നി​യ​മ​ലം​ഘ​ന​ത്തി​ന്‍റെ​പേ​രി​ൽ ജി​ല്ല​യി​ൽ ഏ​റ്റ​വു​മ​ധി​കം കേ​സു​ക​ൾ ര​ജി​സ്റ്റ​ർ ചെ​യ്യ​പ്പെ​ടു​ന്ന​ത്​ ഹെ​ൽ​മെ​റ്റ്​ ധ​രി​ക്കാ​ത്ത​തി​നാ​ണ്.

2024ൽ ​ജി​ല്ല​യി​ൽ മോ​​ട്ടോ​ർ​വാ​ഹ​ന വ​കു​പ്പ്​ എ​ൻ​ഫോ​ഴ്​​സ്​​മെ​ന്‍റ്​ വി​ഭാ​ഗം 3,46,375 പേ​രെ​യാ​ണ്​ ഹെ​ൽ​മ​റ്റ്​ വെ​ക്കാ​ത്ത​തി​ന്​ പി​ടി​കൂ​ടി​യ​ത്. ഏ​റ്റ​വും കു​ടു​ത​ൽ കേ​സു​ക​ൾ ഏ​​പ്രി​ലി​ലാ​ണ്, 40,747 എ​ണ്ണം. മേ​യ്​-38,857, മാ​ർ​ച്ച്​-34,997, ഫെ​ബ്രു​വ​രി-31,741, സെ​പ്​​റ്റം​ബ​ർ-29,303, ഓ​ഗ​സ്റ്റ്​ -29,150, ജൂ​ലൈ-22,641, ഒ​ക്​​ടോ​ബ​ർ-21,763, ന​വം​ബ​ർ-16,819, ഡി​സം​ബ​ർ-12,866 എ​ന്നി​ങ്ങ​നെ​യാ​ണ്​ മ​റ്റു മാ​സ​ങ്ങ​ളി​ലെ ഹെ​ൽ​മ​റ്റ്​ കേ​സു​ക​ൾ.

പൊ​ലീ​സ്​ പ​രി​ശോ​ധ​ന​യി​ലും ഹെ​ൽ​മ​റ്റ്​ ധ​രി​ക്കാ​ത്ത​തി​നാ​ണ്​ എ​റ്റ​വു​മ​ധി​കം കേ​സു​ക​ൾ ര​ജി​സ്റ്റ​ർ ​ചെ​യ്യു​ന്ന​ത്. ബൈ​ക്കു​ക​ളി​ൽ മൂ​ന്നു​പേ​ർ യാ​ത്ര ചെ​യ്യു​ന്ന​ത്​ ജി​ല്ല​യി​ൽ പ​തി​വു​കാ​ഴ്ച​യാ​ണ്. മൂ​ന്ന്​ പേ​ർ യാ​ത്ര ചെ​യ്ത​തി​ന്​ ജി​ല്ല​യി​ൽ ഈ ​വ​ർ​ഷം 9,389 ബൈ​ക്കു​ട​മ​ക​ൾ​ക്കാ​ണ്​ പി​ഴ​യി​ട്ട​ത്​. ജി​ല്ല​യി​ൽ ഹെ​ൽ​മ​റ്റ്​ ധ​രി​ക്കാ​ത്ത​വ​ർ കൂ​ടു​ത​ൽ ഉ​ൾ​പ്ര​ദേ​ശ​ങ്ങ​ളി​ലാ​ണെ​ന്ന്​ ഗ​താ​ഗ​ത വ​കു​പ്പ്​ അ​ധി​കൃ​ത​ർ പ​റ​യു​ന്നു. അ​വ​ബോ​ധ​ത്തി​ന്‍റെ കു​റ​വും എ​ൻ​ഫോ​ഴ്​​സ്​​മെ​ന്‍റ്​ പ​രി​ശോ​ധ​ന ഉ​ൾ​നാ​ടു​ക​ളി​ലെ​ത്താ​ത്ത​തും നി​യ​മ​ലം​ഘ​നം തു​ട​രാ​ൻ കാ​ര​ണ​മാ​ണ്. ഇ​തി​ന്​ പ​രി​ഹാ​ര​മാ​യി കൂ​ടു​ത​ൽ സ്ഥ​ല​ത്ത്​ എ.​ഐ കാ​മ​റ സ്ഥാ​പി​ക്കാ​ൻ ഗ​താ​ഗ​ത വ​കു​പ്പ്​ ആ​ലോ​ചി​ക്കു​ന്നു​ണ്ട്.

ചീ​റി​പാ​യു​ന്ന​ത് മ​ര​ണ​ത്തി​ലേ​ക്ക്​

ഇ​രു​ച​ക്ര വാ​ഹ​നം ഓ​ടി​ക്കു​ന്ന​വ​ർ നി​ർ​ബ​ന്ധ​മാ​യും ഹെ​ൽ​മെ​റ്റ് ചി​ൻ സ്ട്രാ​പ്പി​ട്ടു ധ​രി​ക്ക​ണം. ഐ.​എ​സ്.​ഒ മാ​ർ​ക്കു​ള്ള ഹെ​ൽ​മെ​റ്റ് മാ​ത്രം ധ​രി​ക്കാ​ൻ ശ്ര​ദ്ധി​ക്ക​ണ​മെ​ന്ന്​ മോ​ട്ടോ​ർ വാ​ഹ​ന വ​കു​പ്പ്​ പ​റ​യു​ന്നു. അ​മി​ത വേ​ഗ​മാ​ണ്​ ബൈ​ക്ക​പ​ക​ട​ങ്ങ​ൾ​ക്ക്​ പ്ര​ധാ​ന കാ​ര​ണം. മ​ണി​ക്കൂ​റി​ൽ 40 കി.​മി വ​രെ മാ​ത്ര​മേ ഹെ​ൽ​മെ​റ്റ്​ താ​ങ്ങു​ക​യു​ള്ളു. വീ​ഡി​യോ ഗെ​യി​മു​ക​ളി​ൽ​നി​ന്നും പ്ര​ചോ​ദ​ന​മു​ൾ​കൊ​ണ്ട്​ അ​പ​ക​ട​ക​ര​മാ​യി ബൈ​ക്കോ​ടി​ക്കു​ന്ന​വ​രു​ണ്ട്.

ബൈ​ക്ക്​ ഓ​ടി​ക്കു​ന്ന​വ​രി​ൽ ലൈ​സ​ൻ​സ് ​ഇ​ല്ലാ​ത്ത​വ​രു​മു​ണ്ട്. നാ​ല്​ വ​യ​സി​ന്​ മു​ക​ളി​ലു​ള്ള​വ​ർ​ക്ക്​ ഇ​രു​ച​ക്ര വാ​ഹ​ന​ങ്ങ​ളി​ൽ ഹെ​ൽ​മെ​റ്റ്​ നി​ർ​ബ​ന്ധ​മാ​ണ്. ബൈ​ക്കി​​ൽ സ​ഞ്ച​രി​ക്കു​ന്ന സ​ഹ​യാ​ത്രി​ക​നും ഹെ​ൽ​മെ​റ്റ്​ ധ​രി​ക്ക​ണം. നാ​ല്​ വ​യ​സി​ൽ താ​ഴെ​യു​ള്ള​വ​രെ പ്ര​ത്യേ​ക അ​ധി​ക​സു​ര​ക്ഷ സം​വി​ധാ​ന​ങ്ങ​ളോ​ടെ (സേ​ഫ്റ്റി ഹാ​ര്‍ന​സും ക്രാ​ഷ് ഹെ​ല്‍മെ​റ്റും) അ​ത്യാ​വ​ശ്യ​ഘ​ട്ട​ങ്ങ​ളി​ൽ കൂ​ടെ കൊ​ണ്ടു​പോ​കാം.

സീ​റ്റ്​ ബെ​ൽ​​റ്റ്​ ധ​രി​ക്കാ​ൻ മ​ടി

സീ​റ്റ്​ ബെ​ൽ​റ്റ്​ സീ​റ്റ്​ ബെ​ൽ​റ്റ്​ ധ​രി​ക്കാ​തെ​യു​ള്ള കാ​ർ യാ​ത്ര ജി​ല്ല​യി​ൽ സ​ർ​വ​സാ​ധാ​ര​ണ​മാ​ണ്. കേ​സു​ക​ളു​ടെ എ​ണ്ണ​ത്തി​ൽ ര​ണ്ടാം​സ്ഥാ​നം സീ​റ്റ്​ ബെ​ൽ​റ്റ്​ ധ​രി​ക്കാ​ത്ത​തി​നാ​ണ്. ക​ഴി​ഞ്ഞ വ​ർ​ഷം 192963 കേ​സു​ക​ൾ. ജ​നു​വ​രി (22,333), ​ഫെ​ബ്രു​വ​രി(19,933), കൂ​ടു​ത​ൽ ഡി​സം​ബ​റി​ലാ​ണ്(7,354) കു​റ​വ്. ഹെ​ൽ​മെ​റ്റ്, സീ​റ്റ്​​ബെ​ൽ​റ്റ്​ ധ​രി​ക്കാ​ത്ത​തി​ന്​ പി​ടി​ക്ക​പ്പെ​ട്ടാ​ൽ 500 രൂ​പ പി​ഴ ഒ​ടു​ക്ക​ണം. ​90 ദി​വ​സ​ത്തി​ന​കം​ അ​ട​ച്ചി​ല്ലെ​ങ്കി​ൽ കേ​സ്​ കോ​ട​തി​യി​ലെ​ത്തും. കോ​ട​തി​യി​ൽ 1000 രൂ​പ ന​ൽ​ക​ണം.

സൈ​ക്കി​ൾ യാ​ത്ര​ക്കാ​ർ​ക്കും വേ​ണം ശ്ര​ദ്ധ

സൈ​ക്കി​ളി​ൽ യാ​ത്ര ചെ​യ്യു​ന്ന​വ​ർ സു​ര​ക്ഷ മാ​ന​ദ​ണ്ഡം ക​ർ​ശ​ന​മാ​യി പാ​ലി​ക്ക​ണ​മെ​ന്ന് മോ​ട്ടോ​ർ വാ​ഹ​ന​വ​കു​പ്പ് അ​ധി​കൃ​ത​ർ പ​റ​യു​ന്നു. അ​പ​ക​ട​ത്തി​ൽ​പെ​ടു​ന്ന സൈ​ക്കി​ൾ യാ​ത്രി​ക​രു​ടെ എ​ണ്ണം കൂ​ടി​വ​രി​ക​യാ​ണ്. രാ​ത്രി​യാ​ത്ര ന​ട​ത്തു​ന്ന​വ​ർ സൈ​ക്കി​ളി​ൽ റി​ഫ്ല​ക്റ്റ​ർ ഘ​ടി​പ്പി​ക്ക​ണം. മ​ധ്യ ലൈ​റ്റ് ഉ​ണ്ടെ​ന്ന് ഉ​റ​പ്പാ​ക്ക​ണം. യാ​ത്രി​ക​ർ ഹെ​ൽ​മെ​റ്റ്, റി​ഫ്ല​ക്‌​ടീ​വ് ജാ​ക്ക​റ്റ് എ​ന്നി​വ ധ​രി​ക്ക​ണം. അ​മി​ത വേ​ഗ​ത്തി​ൽ സൈ​ക്കി​ൾ സ​വാ​രി ന​ട​ത്ത​രു​ത്.

ഡി​സം​ബ​റി​ൽ പി​ഴ​യി​ട്ട​ത്​ 1.85​ കോ​ടി രൂ​പ

ഗ​താ​ഗ​ത നി​യ​മ​ലം​ഘ​ന​ങ്ങ​ൾ​ക്ക്​ ക​ഴി​ഞ്ഞ ഡി​സം​ബ​റി​ൽ മാ​ത്രം ജി​ല്ല​യി​ൽ, മോ​ട്ടോ​ർ വാ​ഹ​ന​വ​കു​പ്പ്​ എ​ൻ​ഫോ​ഴ്​​സ്​​മെ​ന്‍റ്​ വി​ഭാ​ഗം പി​ഴ​യി​ട്ട​ത്​ 1.85​ കോ​ടി രൂ​പ. ഇ​തി​ൽ 95,03,391 രൂ​പ ഉ​ദ്യോ​ഗ​സ്ഥ​ർ ​നേ​രി​ട്ടു പ​രി​ശോ​ധി​ച്ച്​ പി​ഴ​യി​ട്ട​താ​ണ്. ബാ​ക്കി 90,92,500 രൂ​പ എ.​ഐ കാ​മ​റ​യി​ലൂ​ടെ പി​ടി​ക്ക​പ്പെ​ട്ട കേ​സു​ക​ൾ​ക്ക്​ പി​ഴ ചു​മ​ത്തി​യ​താ​ണ്. കോ​മ്പൗ​ണ്ടി​ങ് ഫീ​സി​ന​ത്തി​ൽ 1.10 കോ​ടി രൂ​പ​യാ​ണ്​ പി​രി​ഞ്ഞു​കി​ട്ടി​യ​ത്. ഡി​സം​ബ​റി​ൽ 1.74 കോ​ടി രൂ​പ പി​രി​ഞ്ഞു​കി​ട്ടാ​ൻ ബാ​ക്കി​യാ​ണ്.

ഗ​താ​ഗ​ത നി​യ​മ​ലം​ഘ​നം പി​ടി​കൂ​ടാ​ൻ ജി​ല്ല​യി​ൽ മോ​ട്ടോ​ർ​വാ​ഹ​ന വ​കു​പ്പ്​ 44 എ.​ഐ കാ​മ​റ​ക​ൾ സ്ഥാ​പി​ച്ചി​ട്ടു​ണ്ട്. ആ​കെ​യു​ള്ള 18,456 ഇ-​ചെ​ലാ​നു​ക​ളി​ൽ 14,082ഉം ​എ.​ഐ കാ​മ​റ​ക​ളി​ലൂ​ടെ ക​ണ്ടെ​ത്തി​യ കു​റ്റ​കൃ​ത്യ​ങ്ങ​ൾ​ക്ക്​ പി​ഴ​യി​ട്ട​തി​നാ​ണ്. ജി​ല്ല​യി​ൽ ഏ​ഴ്​ താ​ലൂ​ക്കു​ക​ളി​ലും ഗ​താ​ഗ​ത വ​കു​പ്പി​ന്​ ഓ​രോ എ​ൻ​ഫോ​ഴ്​​സ്​​മെ​ന്‍റ്​ സ്​​ക്വാ​ഡു​ക​ളു​ണ്ട്. ഗ​താ​ഗ​ത​നി​യ​മം ലം​ഘി​ച്ച​തി​ന്​ ഈ ​വ​ർ​ഷം 44 പേ​രു​ടെ ലൈ​സ​ൻ​സാ​ണ്​ ഗ​താ​ഗ​ത വ​കു​പ്പ്​ ​സ​സ്​​പെ​ന്‍റ്​ ചെ​യ്ത​ത്. ഏ​പ്രി​ലി​ൽ ഏ​ഴ്​ പേ​ർ​ക്കും ഫെ​ബ്രു​വ​രി, ജൂ​ലൈ മാ​സ​ങ്ങ​ളി​ൽ ആ​റു വീ​തം​പേ​ർ​ക്കും ഡി​സം​ബ​റി​ൽ ഒ​രാ​ൾ​ക്കും ലൈ​സ​ൻ​സ്​ ന​ഷ്ട​മാ​യി.