പെൺപെരുമയുടെ കാഹളം
text_fieldsപെൺമയുടെ ആഘോഷമായി നാടെങ്ങും വനിതദിനം ആചരിച്ചു. ജീവിതത്തിലെ, വീടകങ്ങളിലെ ‘മൾട്ടിടാസ്കർ’മാർക്ക് ആദരമേകാൻ സംഘടനകളും കൂട്ടായ്മകളും പരിപാടികൾ സംഘടിപ്പിച്ചു. പെൺകൂട്ടായ്മകളുടെ നേതൃത്വത്തിലും ആഘോഷങ്ങൾ നടന്നു.
മലപ്പുറം: കേന്ദ്ര നൈപുണ്യ വികസന മന്ത്രാലയവും ജൻശിക്ഷൺ സൻസ്ഥാനും നടത്തിയ വനിത ദിനാചരണം പി.വി. അബ്ദുൽ വഹാബ് എം.പി ഉദ്ഘാടനം ചെയ്തു. നബാർഡ് പിന്തുണയോടെ നടത്തിയ ഉണർവ് പ്രദർശനം പി. ഉബൈദുല്ല എം.എൽ.എ ഉദ്ഘാടനം ചെയ്തു. ജെ.എസ്.എസിൽ പഠനം പൂർത്തിയാക്കി സംരംഭം തുടങ്ങിയവരുടെ ഉൽപന്നങ്ങളാണ് പ്രദർശനത്തിൽ ഉണ്ടായിരുന്നത്. എൻ.ജി.ഒ കോൺഫെഡറേഷനുമായി സഹകരിച്ച് 500 വനിതകൾക്ക് തയ്യൽ മെഷീൻ വിതരണം ചെയ്യുന്ന പദ്ധതി ജില്ല കലക്ടർ വി.ആർ. വിനോദ് നിർവഹിച്ചു. സർട്ടിഫിക്കറ്റ് വിതരണം നഗരസഭാധ്യക്ഷൻ മുജീബ് കാടേരി നിർവഹിച്ചു. നബാർഡ് ഡിസ്ട്രിക്ട് ഡവലപ്മെൻറ് മാനേജർ എ. മുഹമ്മദ് റിയാസ് സംരംഭകരെ ആദരിച്ചു. ജില്ല പഞ്ചായത്ത് പ്രസിഡന്റ് എം.കെ. റഫീഖ അധ്യക്ഷത വഹിച്ചു. വിവിധ മേഖലകളിൽ പരിശീലനം പൂർത്തീകരിച്ച് സംരംഭം ആരംഭിച്ച 500 വനിതകളെ ആദരിച്ചു. ജില്ലയുടെ വിവിധ ഭാഗങ്ങളിൽനിന്നായി 2500 വനിതകൾ പങ്കെടുത്തു.
മലപ്പുറം: കേരള സ്റ്റേറ്റ് സര്വിസ് പെന്ഷനേഴ്സ് യൂനിയന് മലപ്പുറം ടൗണ്, ബ്ലോക്ക് കമ്മിറ്റികളുടെ സംയുക്താഭിമുഖ്യത്തില് വനിത ദിനം ആചരിച്ചു. കെ.എസ്.ടി.എ സംസ്ഥാന കമ്മിറ്റി അംഗം കെ.കെ. ഗീത ഉദ്ഘാടനം ചെയ്തു. കെ.എസ്.എസ്.പി.യു മലപ്പുറം ടൗണ് പ്രസിഡന്റ് കെ.പി. പാര്വ്വതിക്കുട്ടി അധ്യക്ഷത വഹിച്ചു.
ടൗണ് വനിത കണ്വീനര് കെ. ശാന്തകുമാരി സ്വാഗതവും വനിത സബ് കമ്മിറ്റി കണ്വീനര് കെ.പി. തങ്കമ്മു നന്ദിയും പറഞ്ഞു.
മലപ്പുറം: ജോയന്റ് കൗൺസിൽ വനിത കമ്മിറ്റി ആഭിമുഖ്യത്തിൽ ‘എല്ലായിടവും എല്ലാവർക്കും’ എന്ന മുദ്രാവാക്യം ഉയർത്തി മലപ്പുറം സിവിൽ സ്റ്റേഷനിലെ വർഷവാഹിനി ഉദ്യാനത്തിൽ മദർ ഇന്ത്യ കോൺക്ലേവ് സംഘടിപ്പിച്ചു. സമീറ ഇളയിടത്ത് കോൺക്ലേവ് ഉദ്ഘാടനം ചെയ്തു
മലപ്പുറം: എഫ്.എസ്.ഇ.ടി.ഒ നേതൃത്വത്തിൽ പ്രഭാഷണം സംഘടിപ്പിച്ചു. മലപ്പുറം എൻ.ജി.ഒ.യൂനിയൻ ഹാളിൽ നടന്ന പ്രഭാഷണം സാമൂഹ്യപ്രവർത്തക സോണിയ ഉദ്ഘാടനം ചെയ്തു. വനിത സബ്കമ്മിറ്റി ചെയർമാൻ കെ. അനൂപ അധ്യക്ഷത വഹിച്ചു. ജില്ല സെക്രട്ടറി കെ. വിജയകുമാർ സ്വാഗതവും വനിത സബ്കമ്മിറ്റി കൺവീനർ വി.പി. സിനി നന്ദിയും പറഞ്ഞു.
മലപ്പുറം: ബി.എം.എസ് ജില്ല കമ്മിറ്റി വനിത സംഗമം സംഘടിപ്പിച്ചു. കാനറ ബാങ്ക് താനൂര് ബ്രാഞ്ച് മാനേജര് എം.എല്. ആതിര ഉദ്ഘാടനം ചെയ്തു. ബി.എം.എസ് ജില്ല ജോയന്റ് സെക്രട്ടറി എം. സ്മിത ബാലന് അധ്യക്ഷത വഹിച്ചു.
മങ്കട: കെ.എസ്.എസ്.പി.യു മങ്കട, അങ്ങാടിപ്പുറം ബ്ലോക്ക് കമ്മിറ്റികൾൽ വനിത ദിനാചരണം സംഘടിപ്പിച്ചു. സംസ്കാരിക പ്രവർത്തകയും അധ്യാപികയുമായ മഞ്ജുഷ പോർക്കുളത്ത് ഉദ്ഘാടനം ചെയ്തു. മങ്കട ബ്ലോക്ക് വനിത കൺവീനർ പി. ഉഷാകുമാരി അധ്യക്ഷത വഹിച്ചു. ഡെയ്സി, റഹീമ ബീഗം, എം. ഗണപതി, എൻ. സ്മിത എന്നിവർ സംസാരിച്ചു. പി. അംബിക സ്വാഗതവും കെ. ലത നന്ദിയും പറഞ്ഞു.
മലപ്പുറം: കേരള പൊലീസ് അസോസിയേഷൻ ജില്ല കമ്മിറ്റി മലപ്പുറം റണ്ണേഴ്സ് ക്ലബ്ബുമായി സഹകരിച്ച് വനിത കൂട്ടയോട്ടം നടത്തി. പരിപാടിയുടെ ഫ്ലാഗ് ഓഫ് കലക്ടർ വി.ആർ. വിനോദ് നിർവഹിച്ചു. ക്ലബ്ബ് പ്രസിഡന്റ് നൗഷാദ് വടക്കൻ, സെക്രട്ടറി അലി മീനാർക്കുഴി, ട്രഷറർ കെ.പി. ജയേഷ്, പൊലീസ് അസോസിയേഷൻ ജില്ല പ്രസിഡന്റ് ശരത് നാഥ് തുടങ്ങിയവർ നേതൃത്വം നൽകി.
മലപ്പുറം: വിമൻ ഇന്ത്യ മൂവ്മെന്റ് ജില്ല കമ്മിറ്റി പെൺ കൂട്ടായ്മ സംഘടിപ്പിച്ചു. സംസ്ഥാന സമിതി അംഗം സൽമ സ്വാലിഹ് ഉദ്ഘാടനം ചെയ്തു. ജില്ല പ്രസിഡന്റ് ലൈല ഷംസുദ്ദീൻ അധ്യക്ഷത വഹിച്ചു.
പെരിന്തൽമണ്ണ: പെരിന്തൽമണ്ണ ഐ.എം.എ വനിത വിഭാഗം സംരംഭങ്ങളുടെ പ്രദർശനം നടത്തി. വിവിധ ഉൽപന്നങ്ങളുടെ സ്റ്റാളുകൾ ഉണ്ടായിരുന്നു. പരിസ്ഥിതി സൗഹൃദ സംരംഭകത്വം എന്ന തലക്കെട്ടിലായിരുന്നു പ്രദർശനം. സമൂഹത്തിൽ വിവിധ രീതിയിൽ സ്വാധീനം ചെലുത്തിയ വനിതകളെ ആദരിച്ചു. വാൾട്ട് ഡിസ്നി കമ്പനി എന്റർടൈൻമെന്റ് വിഭാഗം വൈസ് പ്രസിഡന്റ് അമൃത നായർ ഉദ്ഘാടനം ചെയ്തു.
കഥാകൃത്ത് ഷബാന ബീഗം, സംരംഭക സബിത സലീം, സ്വന്തമായി നാലേക്കറോളം ജൈവ നെൽകൃഷി നടത്തുന്ന ബിജുല ബാലൻ, വനിത ഓട്ടോ ഡ്രൈവർ അനിത, പെട്രോൾ പമ്പ് ജീവനക്കാരി പാർവതി എന്നിവരെയാണ് ആദരിച്ചത്. പെരിന്തൽമണ്ണ ഐ.എം.എ വനിത വിഭാഗം അധ്യക്ഷ ഡോ.നിഷ മോഹൻ, സെക്രട്ടറി ശലണ്യ രത്നാകരൻ, ഡോ.വി.യു. സീതി, ഡോ.ജ്ഞാനദാസ്, ഡോ. ഷാജി അബ്ദുൽ ഗഫൂർ, ഡോ.കെ.ബി. ജലീൽ, ഡോ.കൊച്ചു എസ്. മണി, ഡോ. ഹേമ ശശിധരൻ, ഡോ. സൗമ്യ സത്യൻ എന്നിവർ സംസാരിച്ചു.
പെരിന്തൽമണ്ണ: മർച്ചന്റ്സ് അസോസിയേഷൻ വനിത വിങ്ങിന്റെ ആഭിമുഖ്യത്തിൽ സ്ത്രീകൾക്ക് ആരോഗ്യ ബോധവത്കരണ ക്ലാസ് നടത്തി. സ്ത്രീകളിലെ ജീവിതശൈലീരോഗങ്ങൾ, മാനസിക പിരിമുറുക്കം, വിവിധതരം അർബുദരോഗങ്ങൾ എന്നീ വിഷയങ്ങളിൽ ഡോ. ജിൻസൺ പോൾ, ഡോ. ആസ്യ മുസ്തഫ, ഡോ. രാഹുൽ ടി. ശങ്കർ എന്നിവർ ക്ലാസിന് നേതൃത്വം നൽകി. മർച്ചന്റ്സ് അസോസിയേഷൻ പ്രസിഡന്റ് പി.ടി.എസ്. മുസ്സു ഉദ്ഘാടനം നിർവഹിച്ചു. വനിത വിഭാഗം ജില്ല പ്രസിഡന്റ് ജമീല ഈസുദീൻ അധ്യക്ഷത വഹിച്ചു.
മലപ്പുറം: കാറ്ററിങ് മേഖലയിൽ വിജയം കൈവരിച്ച പ്രമീളക്ക് കെ.പി.എസ്.ടി.എ ജില്ല കമ്മിറ്റി ആദരവ് നൽകി. പരിപാടി ജില്ല പ്രസിഡന്റ് കെ.വി. മനോജ് കുമാർ ഉദ്ഘാടനം ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.