ഹൈമാസ്റ്റ് ലൈറ്റ് പ്രവർത്തനരഹിതം

നെന്മാറ: കടമ്പിടി ജങ്ഷനിൽ സ്ഥാപിച്ച ഹൈമാസ്റ്റ് ലൈറ്റ് തെളിയാതായിട്ട് ആഴ്ച രണ്ട്​ കഴിഞ്ഞെങ്കിലും അധികൃതർക്ക് അനക്കമില്ല. മഴക്കാലമായതിനാൽ രാത്രി ഇഴജന്തുക്കളുടെ ശല്യം ഏറെയാണ്. ഇവിടെ വെളിച്ചം ഇല്ലാതെ സഞ്ചരിക്കാൻ പ്രയാസമേറെയാണ്. ജോലി കഴിഞ്ഞ് ബസിറങ്ങി സന്ധ്യക്ക് വീട്ടിലേക്ക് പോകുന്ന നിരവധി പേർ ഈ പ്രദേശത്തുണ്ട്. അവരിൽ അധികം തൊഴിലാളികളാണ്. ഇവർക്കെല്ലാം ആശ്രയമായിരുന്നു ഈ വഴിവിളക്ക്. എന്നാൽ, വൈദ്യുതി അധികൃതർക്കും പഞ്ചായത്ത് അധികൃതർക്കും പരാതി നൽകിയിട്ടും ഫലമില്ലെന്ന് നാട്ടുകാർ പറയുന്നു.