ക്രാഷ്‌ ബാരിയർ നിർമാണം തുടങ്ങി

പട്ടാമ്പി: വിളയൂർ ഗ്രാമപഞ്ചായത്തിലെ ആലിക്കപ്പള്ള്യാലിൽ ക്രാഷ്‌ ബാരിയർ നിർമാണം ആരംഭിച്ചു. വാഹനാപകടം പതിവായ മേഖലയിൽ 50 ലക്ഷം ചെലവഴിച്ചാണ്‌ ക്രാഷ്​ ബാരിയർ നിർമാണവും താഴ്‌ന്ന ഭാഗങ്ങൾ ലെവൽ ചെയ്യുന്ന പ്രവൃത്തിയും പുരോഗമിക്കുന്നത്. മുഹമ്മദ്‌ മുഹ്​സിൻ എം.എൽ.എ പദ്ധതി പ്രദേശം സന്ദർശിച്ചു. ഗ്രാമപഞ്ചായത്തംഗം മുജീബ്‌ കരുവാൻകുഴി, പിന്നാക്ക കമീഷൻ അംഗം സുബൈദ ഇസ്‌ഹാഖ്​, ഗ്രാമപഞ്ചായത്ത്‌ പ്രസിഡന്‍റ്​ എം.കെ. ബേബി ഗിരിജ, പട്ടാമ്പി ബ്ലോക്ക്‌ പഞ്ചായത്തംഗം സരിത, ഗ്രാമപഞ്ചായത്തംഗങ്ങളായ രാജൻ പുന്നശ്ശേരി, രാജി മണികണ്ഠൻ, ടി. ഷാജി, സി.പി.എം ലോക്കൽ സെക്രട്ടറി മണികണ്ഠൻ, പി.ഡബ്ല്യു.ഡി എ.ഇ ബാബുരാജ്‌ എന്നിവരും കൂടെയുണ്ടായിരുന്നു. ഫോട്ടോ: PEWPTB 113 ആലിക്കപ്പള്ള്യാലിൽ ക്രാഷ്‌ ബാരിയർ നിർമിക്കുന്ന സ്ഥലം മുഹമ്മദ്‌ മുഹ്​സിൻ എം.എൽ.എ സന്ദർശിക്കുന്നു