തൊഴില്‍ മേള നാളെ മുതൽ

പാലക്കാട്: സ്വകാര്യ സ്ഥാപനങ്ങളിലെ ഒഴിവുകള്‍ നികത്തുന്നതിന് ജില്ല എംപ്ലോയബിലിറ്റി സെന്റര്‍ എംപ്ലോയ്​മെന്‍റ്​ എക്സ്​ചേഞ്ച്​ മുഖേന നടത്തുന്ന തൊഴിൽ മേള വെള്ളി, ശനി തീയതികളിൽ നടക്കും. എംപ്ലോയബിലിറ്റി സെന്ററിൽ രജിസ്റ്റർ ചെയ്ത 18നും 35നുമിടയിൽ പ്രായമുള്ളവർക്ക്​ പ​ങ്കെടുക്കാം. ഇന്ന്​ മുതൽ ശനിയാഴ്ച വരെ രജിസ്​ട്രേഷനും അവസരമുണ്ടാകും. ഇതിനായി തിരിച്ചറിയല്‍ രേഖയുടെ പകര്‍പ്പും വണ്‍ടൈം രജിസ്ട്രേഷന്‍ ഫീസായ 250 രൂപയുമായി ജില്ല എംപ്ലോയ്​മെന്‍റ്​ എക്സ്​ചേഞ്ചിൽ എത്തണം. രജിസ്റ്റര്‍ ചെയ്തവർ രശീതി, ബയോഡാറ്റ പകര്‍പ്പ് മൂന്ന് നല്‍കിയാല്‍ മതിയെന്ന് ജില്ല എംപ്ലോയ്മെന്റ് ഓഫിസര്‍ അറിയിച്ചു. ഫോണ്‍ 0491 2505204 ----------------------- പബ്ലിക് റിലേഷന്‍സ് അസിസ്റ്റൻറ് നിയമനം പാലക്കാട്: ജില്ല ആശുപത്രിയില്‍ പുതുതായി ആരംഭിക്കുന്ന ഹെല്‍പ്പ് ഡെസ്‌കിലേക്ക് പബ്ലിക് റിലേഷന്‍സ് അസിസ്റ്റന്‍റിനെ നിയമിക്കുന്നു. എസ്.എസ്.എല്‍.സി യോഗ്യത, കമ്പ്യൂട്ടര്‍/ടൈപ്പിങ് പരിജ്ഞാനം, ആശയവിനിമയപാടവം അഭികാമ്യം. താത്പര്യമുള്ളവര്‍ പ്രായം, യോഗ്യത തെളിയിക്കുന്ന സര്‍ട്ടിഫിക്കറ്റ്, മാര്‍ക്ക് ലിസ്റ്റ് എന്നിവ സ്വയം സാക്ഷ്യപ്പെടുത്തിയ പകര്‍പ്പുകളുമായി ഫെബ്രുവരി 26ന് വൈകീട്ട് അഞ്ചിനകം ജില്ല ആശുപത്രി സൂപ്രണ്ടിന്റെ ഓഫിസില്‍ നേരിട്ട് നല്‍കണം. കൂടിക്കാഴ്ച പിന്നീട് അറിയിക്കും. ഫോണ്‍-0491 2533327, 2534524. -------------------- ഓക്‌സിജന്‍ ടെക്നീഷ്യന്‍: കൂടിക്കാഴ്ച 28ന് പാലക്കാട്: ജില്ല ആശുപത്രിയില്‍ ഓക്സിജൻ ടെക്നിഷ്യന്‍ ദിവസവേതനാടിസ്ഥാനത്തില്‍ നിയമിക്കുന്നതിന് ഫെബ്രുവരി 28ന് കൂടിക്കാഴ്ച നടത്തുന്നു. ഗവ. അംഗീകൃത ഡിപ്ലോമ ഇന്‍ ഇന്‍സ്ട്രുമെന്റേഷനുള്ളവരും ഓക്‌സിജന്‍ പ്ലാന്റ്-പി.എസ്.എ ആശുപത്രിയിലെ ഐ.സി.യു, ഓപ്പറേഷന്‍ തിയറ്റര്‍ എന്നിവയിലെ പ്രവൃത്തിപരിചയമുള്ളവരും ജനുവരി ഒന്ന് 2022 40 വയസ്സ് തികയാത്തവരുമായ ഉദ്യോഗാർഥികള്‍ക്ക് അപേക്ഷിക്കാം. അപേക്ഷകര്‍ പ്രായം, യോഗ്യത തെളിയിക്കുന്ന സര്‍ട്ടിഫിക്കറ്റ്, മാര്‍ക്ക് ലിസ്റ്റ് എന്നിവയുടെ സ്വയം സാക്ഷ്യപ്പെടുത്തിയ പകര്‍പ്പുമായി എത്തണം. ഫോണ്‍: 0491 2533327 ------------------------ ഡോക്ടര്‍ നിയമനം പാലക്കാട്: ജില്ല ആശുപത്രിയില്‍ ന്യൂറോളജി വകുപ്പില്‍ ഡോക്ടര്‍ തസ്തികയില്‍ താല്‍ക്കാലിക നിയമനം നടത്തുന്നു. യോഗ്യത-എം.ബി.ബി.എസ് (ടി സി.എം.സി രജിസ്‌ട്രേഷന്‍ നിര്‍ബന്ധം). 2022 ജനുവരി ഒന്നിന് 23നും 55 വയസ്സിനുമിടയിലുള്ളവരുമായിരിക്കണം. പ്രവൃത്തിപരിചയം അഭികാമ്യം. അപേക്ഷകര്‍ പ്രായം, യോഗ്യത സര്‍ട്ടിഫിക്കറ്റ്, മാര്‍ക്ക് ലിസ്റ്റ് പകര്‍പ്പുമായി ഫെബ്രുവരി 26ന് രാവിലെ 10ന് ജില്ല ആശുപത്രി സൂപ്രണ്ടിന്റെ ഓഫിസില്‍ എത്തണം.