സൈലന്‍റ്​വാലിയിൽ വാച്ചറെ കാണാതായി

മുക്കാലി: സൈലന്‍റ്​വാലി ദേശീയോദ്യാനത്തിലെ വനത്തിൽ വനം വകുപ്പ് ജീവനക്കാരനെ കാണാതായി. മുക്കാലി പുളിക്കാഞ്ചേരി രാജനെയാണ്​ (55) സൈരന്ധ്രിയിലെ ഫോറസ്റ്റ് ക്യാമ്പ് ഷെഡിന് സമീപത്തുനിന്ന് കാണാതായത്. രാത്രി ഭക്ഷണത്തിനു ശേഷം ക്യാമ്പ് ഷെഡിന് സമീപത്തെ റൂമിലേക്ക് പോയതായിരുന്നു. ബുധനാഴ്ച രാവിലെയാണ് സഹപ്രവർത്തകർ കാണാതായ വിവരം അറിയുന്നത്. രാജൻ താമസിച്ചിരുന്ന മുറിക്ക്​ 20 മീറ്റർ അകലെ ഉടുമുണ്ടും ടോർച്ചും കണ്ടെത്തി. സമീപം പുലിയുടെ കാൽപ്പാടും കണ്ടിട്ടുണ്ടെന്ന് തിരച്ചിലിന്​ നേതൃത്വം നൽകുന്ന അഗളി സി.ഐ അരുൺ പ്രസാദ് അറിയിച്ചു. തിരച്ചിൽ വ്യാഴാഴ്ച തുടരും.