സംസ്ഥാന സമ്മേളനം

പാലക്കാട്​: കേന്ദ്രജീവനക്കാരുടെ വിവിധ തൊഴിലാളി സംഘടനകളുടെ കൂട്ടായ്മയായ കോൺഫെഡറേഷൻ ഓഫ്​ സെൻട്രൽ ഗവൺമെന്‍റ്​ എം​േപ്ലായീസ്​ ആൻഡ്​​ വർക്കേഴ്​സ്​ മേയ്, ഏഴ്​ എട്ട്​ തീയതികളിൽ സൂര്യരശ്മി കൺവെൻഷൻ സെന്‍ററിൽ നടക്കുമെന്ന് ഭാരവാഹികൾ അറിയിച്ചു. ശനിയാഴ്ച ഉച്ചതിരിഞ്ഞ്​ 2.30ന്​​ നടക്കുന്ന മഹിള സമ്മേളനം അഖിലേന്ത്യ ജനാധിപത്യ മഹിള അസോസിയേഷൻ അസി. സെക്രട്ടറി എൻ. സുകന്യ ഉദ്​ഘാടനം ചെയ്യും. തുടർന്ന് വൈകീട്ട്​ അഞ്ചിന്​​ നടക്കുന്ന പൊതുസെമിനാർ കേന്ദ്രകോൺഫെഡറേഷൻ സംസ്ഥാന ജനറൽ സെക്രട്ടറി പി.വി. രാജേന്ദ്രൻ ഉദ്​ഘാടനം ചെയ്യും. ഞായാഴ്ച രാവിലെ 9.30ന്​ നടക്കുന്ന ഉദ്​ഘാടന സമ്മേളനം സി.ഐ.ടി.യു ദേശീയ സെക്രട്ടറി കെ. ചന്ദ്രൻപിള്ള ഉദ്​ഘാടനം ചെയ്യും. സ്വാഗതസംഘം ജനറൽ കൺവീനർ സി. കൃഷ്ണദാസ്​, ജനറൽ സെക്രട്ടറി പി.വി. രാജേന്ദ്രൻ, രവീന്ദ്രനാഥൻ, ശിവദാസ്​ എന്നിവർ വാർത്തസമ്മേളനത്തിൽ പ​ങ്കെടുത്തു.