സംസ്ഥാന ജൂനിയർ വോളിബോൾ ചാമ്പ്യൻഷിപ് അയിലൂരിൽ

പാലക്കാട്: സ്പോർട്സ് കൗൺസിലിന്‍റെ ആഭിമുഖ്യത്തിൽ ജൂനിയർ വിഭാഗം ആൺ, പെൺ വിഭാഗത്തിന്‍റെ സംസ്ഥാനതല വോളിബാൾ ചാമ്പ്യൻഷിപ്​ മത്സരങ്ങൾ അയിലൂരിൽ മേയ്​ 17 മുതൽ 19 വരെ നടക്കുമെന്ന് സംഘാടകസമിതി വാർത്തസമ്മേളനത്തിൽ അറിയിച്ചു. സംസ്ഥാന വോളിബാൾ അസോസിയേഷന്‍റെ അഫിലിയേഷൻ നഷ്ടമായതോടെ ഇത്തവണ​ കൗൺസിൽ നേരിട്ടാണ്​​ മത്സരങ്ങൾ സംഘടിപ്പിക്കുന്നത്​. വിജയികൾക്ക്​ സർക്കാർ അംഗീകൃത സർട്ടിഫിക്കറ്റുകൾ സമ്മാനിക്കും. ജില്ലയിൽ വിവിധ വിഭാഗങ്ങളിൽ മത്സരങ്ങൾ നടത്തി തിരഞ്ഞെടുത്ത ടീമുകളാണ്​ സംസ്ഥാനതല ചാമ്പ്യൻഷിപ്പുകളിൽ പ​ങ്കെടുക്കുക. പരിപാടിയോടനുബന്ധിച്ച്​ നെന്മാറ എം.എൽ.എ കെ. ബാബു ചെയർമാനായി 101 അംഗ സംഘാടക സമിതി രൂപീകരിച്ചു. അയിലൂർ ജി.യു.പി സ്കൂളിൽ രണ്ടു കോർട്ടുകളും എസ്​.എം.എച്ച്​.എസ്​.എസിൽ ഒരു കോർട്ടുമായി 52 കളികളാണ്​ നടക്കുക​യെന്നും അധികൃതർ അറിയിച്ചു. എം. രാമചന്ദ്രൻ, അനന്തൻ, പി. രാജേഷ്, വി. ഗംഗാധരൻ എന്നിവർ വാർത്തസമ്മേളനത്തിൽ പ​ങ്കെടുത്തു.