മഴയിൽ 50 ഏക്കർ നെൽകൃഷി നശിച്ചു
text_fieldsപ്രതീകാത്മക ചിത്രം
ഷൊർണൂർ: കനത്ത മഴയിൽ കവളപ്പാറ കാരക്കാട് ഭാഗത്തെ വിളവെടുപ്പിന് പാകമായ 50 ഏക്കറിലധികം വരുന്ന സ്ഥലത്തെ നെൽകൃഷി നശിച്ചു.
മൂന്ന് ദിവസമായി പെയ്ത ശക്തമായ മഴയിൽ രണ്ടാഴ്ച കഴിഞ്ഞാൽ കൊയ്തെടുക്കേണ്ട ക്യഷിയാണ് നശിച്ചത്.
കള്ളിക്കാട്ടിൽ രാമൻകുട്ടി, സുമതി, വേണുഗോപാലൻ, സുരേഷ്, വിജയ് പ്രകാശ് ശങ്കർ, മമ്പുറത്ത് താത്തുക്കുട്ടിയമ്മ എന്നിവരുടേതടക്കം മുപ്പതിലധികം പേരുടെ കൃഷിയാണ് നശിച്ചത്.
കൃഷിഭവനിൽനിന്ന് ലഭിച്ച നെൽവിത്ത് ഉപയോഗിച്ച് ഒന്നാം വിളയിറക്കിയ കർഷകർക്ക് വിത്ത് മുളക്കാത്തതിനെ തുടർന്ന് നഷ്്ടം നേരിട്ടിരുന്നു.
പെട്ടെന്ന് നഷ്്ടപരിഹാരം നൽകണമെന്നാവശ്യപ്പെട്ട് നിവേദനം നൽകിയതായി പാടശേഖര സമിതി സെക്രട്ടറി സി. ബിജു പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.