58 പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ള്‍ കു​ടും​ബാ​രോ​ഗ്യ കേ​ന്ദ്ര​ങ്ങ​ളാ​യി

പാ​ല​ക്കാ​ട്: ജി​ല്ല​യി​ല്‍ ഇ​തു​വ​രെ 58 പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ള്‍ കു​ടും​ബാ​രോ​ഗ്യ കേ​ന്ദ്ര​ങ്ങ​ളാ​യി ഉ​യ​ര്‍ത്തി​യ​താ​യി ജി​ല്ല ക​ല​ക്ട​ര്‍ ഡോ. ​എ​സ്. ചി​ത്ര ‘ആ​ര്‍ദ്രം മി​ഷ​ന്‍’ അ​വ​ലോ​ക​ന യോ​ഗ​ത്തി​ല്‍ അ​റി​യി​ച്ചു. ആ​ര്‍ദ്രം മി​ഷ​ന്റെ ആ​ദ്യ​ഘ​ട്ട​ത്തി​ല്‍ ജി​ല്ല​യി​ല്‍ 16 പ്രാ​ഥ​മി​കാ​രോ​ഗ്യ​കേ​ന്ദ്ര​ങ്ങ​ളും ര​ണ്ടാം ഘ​ട്ട​ത്തി​ല്‍ 42 പ്രാ​ഥ​മി​കാ​രോ​ഗ്യ​കേ​ന്ദ്ര​ങ്ങ​ളു​മാ​ണ് കു​ടും​ബാ​രോ​ഗ്യ കേ​ന്ദ്ര​ങ്ങ​ളാ​യി ഉ​യ​ര്‍ത്തി​യ​ത്. മൂ​ന്നാം ഘ​ട്ട​ത്തി​ല്‍ 18 പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളെ കു​ടും​ബാ​രോ​ഗ്യ കേ​ന്ദ്ര​ങ്ങ​ളാ​ക്കും. ഇ​തി​ല്‍ ഒ​മ്പ​തെ​ണ്ണ​ത്തി​ന്റെ പ്ര​വൃ​ത്തി​ക​ള്‍ ആ​രം​ഭി​ച്ചു.

10 കു​ടും​ബാ​രോ​ഗ്യ കേ​ന്ദ്ര​ങ്ങ​ള്‍ക്ക് ഭ​ര​ണാ​നു​മ​തി ല​ഭി​ച്ചു. അ​ഞ്ചെ​ണ്ണ​ത്തി​ന്റെ ഡി.​പി.​ആ​ര്‍ ന​ട​ന്നു​വ​രി​ക​യാ​ണ്. ന​ട​പ്പു സാ​മ്പ​ത്തി​ക വ​ര്‍ഷ ബ​ജ​റ്റി​ല്‍ ഉ​ള്‍പ്പെ​ടു​ത്തി അ​ന​ങ്ങ​ന​ടി, മേ​ലാ​ര്‍കോ​ട്, കോ​ട്ട​പ്പു​റം കു​ടും​ബാ​രോ​ഗ്യ കേ​ന്ദ്ര​ങ്ങ​ളു​ടെ പു​തി​യ കെ​ട്ടി​ട​ങ്ങ​ളു​ടെ നി​ര്‍മാ​ണ​വും ന​ട​ക്കും. ഇ​തി​ല്‍ മേ​ലാ​ര്‍കോ​ട്, കോ​ട്ട​പ്പു​റം എ​ന്നി​വി​ട​ങ്ങ​ളി​ല്‍ നി​ര്‍മാ​ണം തു​ട​ങ്ങി.

ജി​ല്ല​യി​ല്‍ ആ​ദ്യ​ഘ​ട്ട​ത്തി​ല്‍ 60 ആ​രോ​ഗ്യ ഉ​പ​കേ​ന്ദ്ര​ങ്ങ​ളെ​യാ​ണ് കൂ​ടു​ത​ല്‍ ചി​കി​ത്സാ​സൗ​ക​ര്യ​ങ്ങ​ളൊ​രു​ക്കി ഹെ​ല്‍ത്ത് ആ​ന്‍ഡ് വെ​ല്‍നെ​സ് സെ​ന്റ​റു​ക​ളാ​ക്കു​ന്ന​ത്. ഇ​തി​ല്‍ 49 എ​ണ്ണ​ത്തി​ന്റെ പ്ര​വൃ​ത്തി​ക​ള്‍ പൂ​ര്‍ത്തി​യാ​യി. ര​ണ്ടാം ഘ​ട്ട​ത്തി​ല്‍ 73 ഉ​പ​കേ​ന്ദ്ര​ങ്ങ​ളെ ഹെ​ല്‍ത്ത് ആ​ന്‍ഡ് വെ​ല്‍നെ​സ് സെ​ന്റ​റാ​യി ഉ​യ​ര്‍ത്തും. എ​ന്‍.​എ​ച്ച്.​എം ജി​ല്ല നി​ര്‍മ്മി​തി കേ​ന്ദ്രം വ​ഴി ഓ​രോ സെ​ന്റ​റി​ലും ഏ​ഴ് ല​ക്ഷം രൂ​പ​യി​ലാ​ണ് ഹെ​ല്‍ത്ത് ആ​ന്‍ഡ് വെ​ല്‍നെ​സ് സെ​ന്റ​റു​ക​ളു​ടെ നി​ര്‍മാ​ണം ന​ട​ക്കു​ന്ന​ത്.

ജി​ല്ല​യി​ല്‍ എ​ല്ലാ ബ്ലോ​ക്കു​ക​ളി​ലും ക്യാ​ന്‍സ​ര്‍ നി​ര്‍ണ​യ ക്യാ​മ്പു​ക​ള്‍ ന​ട​ത്ത​ണം. നി​ല​വി​ല്‍ മ​ല​മ്പു​ഴ​യി​ല്‍ ക്യാ​മ്പ് പൂ​ര്‍ത്തി​യാ​യി. ശൈ​ലി ആ​പ്പി​ന്റെ പ്ര​വ​ര്‍ത്ത​ന​ങ്ങ​ള്‍ മു​ന്നോ​ട്ടു​പോ​ക​ണ​മെ​ന്നും 30 വ​യ​സി​ന് മു​ക​ളി​ലു​ള്ള​വ​രു​ടെ ജീ​വി​ത​ശൈ​ലീ രോ​ഗ​ങ്ങ​ള്‍ സം​ബ​ന്ധി​ച്ച് ആ​ശാ പ്ര​വ​ര്‍ത്ത​ക​ര്‍ മു​ഖേ​ന വീ​ടു​ക​ള്‍ സ​ന്ദ​ര്‍ശി​ച്ച് സ​ര്‍വേ പൂ​ര്‍ത്തി​യാ​ക്ക​ണ​മെ​ന്നും ക​ല​ക്ട​ര്‍ പ​റ​ഞ്ഞു. അ​ട്ട​പ്പാ​ടി​യി​ല്‍ അ​രി​വാ​ൾ രോ​ഗ​നി​ര്‍ണ​യം പൂ​ര്‍ത്തി​യാ​ക്ക​ണം.

ക​ല​ക്ട​റു​ടെ ചേം​ബ​റി​ല്‍ ന​ട​ന്ന യോ​ഗ​ത്തി​ല്‍ ജി​ല്ല മെ​ഡി​ക്ക​ല്‍ ഓ​ഫി​സ​ര്‍ ഡോ. ​കെ.​ആ​ര്‍. വി​ദ്യ, ന​വ​കേ​ര​ളം ജി​ല്ല മി​ഷ​ന്‍ കോ​ഓ​ഡി​നേ​റ്റ​ര്‍ പി. ​സെ​യ്ത​ല​വി, സ്ത്രീ​ക​ളു​ടെ​യും കു​ട്ടി​ക​ളു​ടെ​യും ആ​ശു​പ​ത്രി സൂ​പ്ര​ണ്ട് ഡോ. ​കെ.​ടി. പ്രേ​മ​കു​മാ​ര്‍, ആ​ര്‍ദ്രം മി​ഷ​ന്‍ നോ​ഡ​ല്‍ ഓ​ഫി​സ​ര്‍ ഡോ. ​അ​നൂ​പ്, നാ​ഷ​ണ​ല്‍ ഹെ​ല്‍ത്ത് മി​ഷ​ന്‍ ജി​ല്ല പ്രോ​ഗ്രാം മാ​നേ​ജ​ര്‍ ടി.​വി. റോ​ഷ്, വി​വി​ധ വ​കു​പ്പ് ഉ​ദ്യോ​ഗ​സ്ഥ​ര്‍, ഏ​ജ​ന്‍സി​ക​ള്‍ എ​ന്നി​വ​ര്‍ പ​ങ്കെ​ടു​ത്തു.