അകലൂർ കൂത്ത് താലപ്പൊലി വർണാഭം
text_fieldsഅകലൂർ കൂത്ത് താലപ്പൊലിയുടെ ഭാഗമായ അകലൂർ ദേശക്കമ്മിറ്റിയുടെ എഴുന്നള്ളിപ്പ്
അകലൂർ: ഭഗവതി ക്ഷേത്രത്തിലെ കൂത്ത് താലപ്പൊലി വിവിധ പരിപാടികളോടെ ആഘോഷിച്ചു. അകലൂർ ദേശക്കമ്മിറ്റിയുടെയും പേരൂർ ദേശക്കമ്മിറ്റിയുടെയും സ്പെഷൽ കമ്മിറ്റികളുടെയും വേലകൾ വൈകീട്ടോടെ ക്ഷേത്ര മൈതാനിയിലെത്തി. അകലൂർ ദേശത്തിന്റെ ചേന്ദപുരം വിഷ്ണു ക്ഷേത്രത്തിൽനിന്നും പേരൂർ ദേശത്തിന്റെ പേരക്കുളം മന്ദത്തുനിന്നും ഗജവീരന്മാരുടെ അകമ്പടിയോടെ കുമ്മാട്ടി പുറപ്പെട്ടു.
പാണ്ടിമേളം, ഇരട്ടത്തായമ്പക, മേളം, പഞ്ചവാദ്യം, എഴുന്നള്ളിപ്പ് എന്നിവയും നടന്നു. വൈകീട്ടോടെ വേലകൾ ക്ഷേത്ര മൈതാനിയിൽ അണിനിരന്നു. വ്യാഴാഴ്ച വൈകീട്ട് അകലൂർ, പേരൂർ ദേശക്കമ്മിറ്റികളുടെ ആനച്ചമയ പ്രദർശനവും ഉണ്ടായി. വീൽചെയറിലെത്തുന്ന ആളുകൾക്ക് വേല കാണാനുള്ള അവസരം ഇത്തവണ ഒരുക്കിയിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.