എ​ങ്ങു​മെ​ത്താ​തെ ഉ​പ്പു​കു​ളം സ​ബ്സെ​ന്റ​ർ നി​ർ​മാ​ണം

അ​ല​ന​ല്ലൂ​ർ: ഫ​ണ്ട് വ​ക​യി​രു​ത്തി​യി​ട്ടും എ​ങ്ങു​മെ​ത്താ​തെ ഉ​പ്പു​കു​ളം സ​ബ് സെ​ന്റ​ർ പു​ന​ർ​നി​ർ​മാ​ണം. അ​ല​ന​ല്ലൂ​ർ സാ​മൂ​ഹ്യാ​രോ​ഗ്യ കേ​ന്ദ്ര​ത്തി​ന്റെ കീ​ഴി​ലാ​ണ് സ​ബ് സെ​ന്റ​ർ പ്ര​വ​ർ​ത്തി​ച്ചി​രു​ന്ന​ത്. ഗ​ർ​ഭി​ണി​ക​ൾ​ക്കും കു​ഞ്ഞു​ങ്ങ​ൾ​ക്കു​മ​ട​ക്കം ചി​കി​ത്സ സ​ഹാ​യം ഇ​വി​ടെ നി​ന്ന് ല​ഭി​ച്ചി​രു​ന്നു. പ​ഴ​യ കെ​ട്ടി​ടം പൊ​ളി​ച്ച് നീ​ക്കാ​ൻ പ​ഞ്ചാ​യ​ത്ത് ടെ​ൻ​ഡ​ർ ന​ട​പ​ടി​ക​ൾ​ക്ക് അ​നു​മ​തി ന​ൽ​കി​യി​ട്ടി​ല്ല. കെ​ട്ടി​ടം പൊ​ളി​ച്ച് മാ​റ്റാ​ൻ 2022 ജൂ​ലൈ 18ന് ​തി​രു​വ​ന​ന്ത​പു​ര​ത്ത് നി​ന്ന് ആ​രോ​ഗ്യ ഡ​യ​റ​ക്ട​ർ രേ​ഖാ​മൂ​ലം അ​ല​ന​ല്ലൂ​ർ ഗ്രാ​മ പ​ഞ്ചാ​യ​ത്തി​ന് ക​ത്ത് ന​ൽ​കി​യി​രു​ന്നു.

19,035 രൂ​പ​യി​ൽ കു​റ​യാ​ത്ത തു​ക​ക്ക് നി​ല​വി​ലെ ച​ട്ട​ങ്ങ​ൾ പാ​ലി​ച്ച് ഉ​പ​യോ​ഗ്യ​മ​ല്ലാ​ത്ത ഉ​പ്പു​കു​ളം സ​ബ് സെ​ന്റ​ർ കെ​ട്ടി​ടം പൊ​ളി​ക്കാ​നാ​ണ് ഉ​ത്ത​ര​വ് ന​ൽ​കി​യ​ത്. എ​ന്നാ​ൽ, ഒ​രു വ​ർ​ഷം ക​ഴി​ഞ്ഞി​ട്ടും പ​ഞ്ചാ​യ​ത്ത് അ​നു​മ​തി ന​ൽ​കാ​ത്ത​ത് മൂ​ലം പു​തി​യ കെ​ട്ടി​ടം നി​ർ​മി​ക്കാ​ൻ ക​ഴി​യാ​ത്ത അ​വ​സ്ഥ​യാ​ണ്. കെ​ട്ടി​ടം പൊ​ളി​ച്ച് മാ​റ്റാ​നു​ള്ള തു​ക​യും പ​ഞ്ചാ​യ​ത്ത് അ​ക്കൗ​ണ്ടി​ലേ​ക്ക് എ​ത്തി​യി​ട്ട് കാ​ല​ങ്ങ​ളാ​യി. കെ​ട്ടി​ടം പു​ന​ർ നി​ർ​മി​ക്കാ​ൻ നാ​ഷ​ണ​ൽ ഹെ​ൽ​ത്ത് മി​ഷ​ൻ 55.5 ല​ക്ഷം രൂ​പ വ​ക​യി​രു​ത്തി​യ​തി​ൽ 27,00,750 തു​ക പ​ഞ്ചാ​യ​ത്തി​ന് ന​ൽ​കി​യി​ട്ടു​ണ്ട്. ബാ​ക്കി തു​ക നി​ർ​മാ​ണം തു​ട​ങ്ങി​യ​തി​ന് ശേ​ഷം 2024ൽ ​നാ​ഷ​ന​ൽ ഹെ​ൽ​ത്ത് മി​ഷ​ൻ പ​ഞ്ചാ​യ​ത്തി​ന് കൈ​മാ​റും.

കെ​ട്ടി​ടം പൊ​ളി​ച്ച് മാ​റ്റി പു​തി​യ കെ​ട്ടി​ടം നി​ർ​മി​ക്കു​ന്ന​ത് വ​രെ സ​ബ് സെ​ന്റ​റി​ൽ നി​ന്നും ല​ഭ്യ​മാ​യി​രു​ന്ന സേ​വ​ന​ങ്ങ​ൾ ത​ട​സ്സ​മി​ല്ലാ​തെ ന​ട​ക്കു​ന്ന​തി​ന് വേ​ണ്ട ക്ര​മീ​ക​ര​ണ​ങ്ങ​ൾ ഏ​ർ​പ്പെ​ടു​ത്താ​നും ഉ​ത്ത​ര​വി​ൽ പ​റ​ഞ്ഞി​ട്ടു​ണ്ടെ​ങ്കി​ലും അ​തും പ്രാ​വ​ർ​ത്തി​ക​മാ​ക്കി​യി​ട്ടി​ല്ല. 40 വ​ർ​ഷം മു​മ്പ് നി​ർ​മി​ച്ച കെ​ട്ടി​ടം 13 വ​ർ​ഷ​മാ​യി ഉ​പ​യോ​ഗ​ശൂ​ന്യ​മാ​യി കി​ട​ക്കു​ക​യാ​ണ്. സ​ബ് സെ​ന്റ​റി​ന് പു​തി​യ കെ​ട്ടി​ടം നി​ർ​മി​ച്ച് സേ​വ​ന​ങ്ങ​ൾ ന​ൽ​കാ​ൻ ന​ട​പ​ടി ഉ​ട​നെ വേ​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.