ഗ്രീ​ൻ​ഫീ​ൽ​ഡ് ഹൈ​വേ പ​രി​ശോ​ധ​ന ന​ട​ത്തി

അ​ല​ന​ല്ലൂ​ർ: നി​ര്‍ദി​ഷ്ട ഗ്രീ​ന്‍ഫീ​ല്‍ഡ് ഹൈ​വേ ക​ട​ന്നു​പോ​കു​ന്ന മ​ണ്ണാ​ര്‍ക്കാ​ട് ഫോ​റ​സ്റ്റ് ഡി​വി​ഷ​ന് കീ​ഴി​ലു​ള്ള വ​നാ​തി​ര്‍ത്തി​ക​ളി​ല്‍ വ​നം​വ​കു​പ്പ് ഉ​ന്ന​ത ഉ​ദ്യോ​ഗ​സ്ഥ​രും, ദേ​ശീ​യ​പാ​ത അ​തോ​റി​റ്റി ഉ​ദ്യോ​ഗ​സ്ഥ​രും പ​രി​ശോ​ധ​ന ന​ട​ത്തി. വ​നാ​തി​ര്‍ത്തി​ക​ളി​ല്‍ മ​നു​ഷ്യ-​വ​ന്യ​ജീ​വി സം​ഘ​ര്‍ഷം ല​ഘൂ​ക​രി​ക്കാ​നു​ള്ള പ​രി​ഹാ​ര​മാ​ര്‍ഗം ക​ണ്ടെ​ത്താ​നാ​യി​രു​ന്നു സ​ന്ദ​ര്‍ശ​നം.

തി​രു​വി​ഴാം​കു​ന്ന് ഫോ​റ​സ്റ്റ് സ്റ്റേ​ഷ​ന്‍ പ​രി​ധി​യി​ലെ കാ​ഞ്ഞി​രം​കു​ന്ന്, തി​രു​വി​ഴാം​കു​ന്ന് ഫാം, ​പാ​ല​ക്ക​യം ഫോ​റ​സ്റ്റ് സ്റ്റേ​ഷ​ന്‍ പ​രി​ധി​യി​ലെ വേ​ലി​ക്കാ​ട് ഭാ​ഗം, കൂ​ടാ​തെ സൈ​ല​ന്റ് വാ​ലി വ​നാ​തി​ര്‍ത്തി​ല്‍ മ​നു​ഷ്യ​വ​ന്യ​ജീ​വി സം​ഘ​ര്‍ഷം രൂ​ക്ഷ​മാ​യ സ്ഥ​ല​ങ്ങ​ളി​ലു​മാ​ണ് ചീ​ഫ് വൈ​ല്‍ഡ് ലൈ​ഫ് വാ​ര്‍ഡ​ന്‍ ഡി. ​ജ​യ​പ്ര​സാ​ദി​ന്റെ നേ​തൃ​ത്വ​ത്തി​ല്‍ പ​രി​ശോ​ധ​ന ന​ട​ത്തി​യ​ത്. സ​മ്പൂ​ര്‍ണ വ​ന്യ​ജീ​വി പ്ര​തി​രോ​ധ പ​ദ്ധ​തി ന​ട​പ്പാ​ക്കാ​ൻ മൂ​ന്ന് ദി​വ​സ​ത്തി​ന​കം റി​പ്പോ​ര്‍ട്ട് സ​മ​ര്‍പ്പി​ക്കാ​നും അ​ദ്ദേ​ഹം ഫോ​റ​സ്റ്റ് ഡി​വി​ഷ​ന് നി​ര്‍ദേ​ശം ന​ല്‍കി.

നി​ര്‍ദി​ഷ്ട ഗ്രീ​ന്‍ഫീ​ല്‍ഡ് ഹൈ​വേ കോ​ട്ടോ​പ്പാ​ടം, അ​ല​ന​ല്ലൂ​ര്‍, മ​ണ്ണാ​ര്‍ക്കാ​ട്, പൊ​റ്റ​ശ്ശേ​രി ഭാ​ഗ​ങ്ങ​ളി​ലൂ​ടെ​യാ​ണ് ഏ​റെ​യും ക​ട​ന്നു​പോ​കു​ന്ന​ത്. കോ​ട്ടോ​പ്പാ​ടം പ​ഞ്ചാ​യ​ത്തി​ലെ കാ​ഞ്ഞി​രം​കു​ന്നി​ല്‍ 650 മീ​റ്റ​ര്‍ നി​ക്ഷി​പ്ത വ​ന​ഭൂ​മി​യും പ​ദ്ധ​തി​ക്കാ​യി ഏ​റ്റെ​ടു​ക്കു​ന്നു​ണ്ട്. വൈ​ല്‍ഡ് ലൈ​ഫ് സി.​സി.​എ​ഫ് ഷ​ബാ​ബ്, മ​ണ്ണാ​ര്‍ക്കാ​ട് ഡി.​എ​ഫ്.​ഒ ആ​ഷി​ക്ക് അ​ലി, റേ​ഞ്ച് ഓ​ഫി​സ​ര്‍ എ​ന്‍. സു​ബൈ​ര്‍, സൈ​ല​ന്റ് വാ​ലി റെ​യ്ഞ്ച് അ​സി. വൈ​ല്‍ഡ് ലൈ​ഫ് വാ​ര്‍ഡ​ന്‍ പ്ര​സാ​ദ്, ഭ​വാ​നി റേ​ഞ്ച് അ​സി. വൈ​ല്‍ഡ് ലൈ​ഫ് വാ​ര്‍ഡ​ന്‍ എ​ന്‍. ഗ​ണേ​ശ​ന്‍, തി​രു​വി​ഴാം​കു​ന്ന് ഫോ​റ​സ്റ്റ് ഡെ​പ്യൂ​ട്ടി റേ​ഞ്ച് ഓ​ഫി​സ​ര്‍ കെ. ​സു​നി​ല്‍കു​മാ​ര്‍ എ​ന്നി​വ​രും സം​ഘ​ത്തി​ലു​ണ്ടാ​യി​രു​ന്നു.

വ​ന്യ​ജീ​വി​ക​ള്‍ക്ക് കാ​ടി​നു​ള്ളി​ല്‍ തീ​റ്റ​യും വെ​ള്ള​വും ഉ​റ​പ്പാ​ക്കാ​നു​ള്ള സം​വി​ധാ​ന​ങ്ങ​ളും, അ​തോ​ടൊ​പ്പം കാ​ടി​റ​ങ്ങു​ന്ന​ത് ത​ട​യാ​ന്‍ വ​നാ​തി​ര്‍ത്തി​ക​ളി​ല്‍ വി​വി​ധ​ത​രം പ്ര​തി​രോ​ധ​വേ​ലി​ക​ള്‍, പ്ര​ത്യേ​ക ദ്രു​ത​പ്ര​തി​ക​ര​ണ സേ​ന തു​ട​ങ്ങി​യ​വ​ക്ക് മു​ന്‍ഗ​ണ​ന ന​ല്‍കി​യു​ള്ള റി​പ്പോ​ര്‍ട്ടാ​ണ് സ​മ​ര്‍പ്പി​ക്കു​ന്ന​ത്.