വോ​ൾ​ട്ടേ​ജ് ക്ഷാ​മം; കു​ട്ടി​ക​ൾ അ​ക്ഷ​ര​വെ​ളി​ച്ചം തേ​ടു​ന്ന​ത് മെ​ഴു​കു​തി​രി വെ​ട്ട​ത്തി​ൽ

അ​ല​ന​ല്ലൂ​ർ: വ​ർ​ഷ​ങ്ങ​ളാ​യി വൈ​ദ്യു​തി ഉ​ണ്ടെ​ങ്കി​ലും വോ​ൾ​ട്ടേ​ജ് ക്ഷാ​മ​ത്താ​ൽ കു​ട്ടി​ക​ളു​ടെ പ​ഠ​നം മെ​ഴു​കു​തി​രി വെ​ട്ട​ത്തി​ൽ. എ​ട​ത്ത​നാ​ട്ടു​ക​ര ഉ​പ്പു​കു​ളം ക​ല്ലം​പ​ള്ളി​യാ​ലി​ലാ​ണ് അ​റു​പ​തോ​ളം കു​ടും​ബ​ങ്ങ​ൾ പ്ര​യാ​സ​ത്തി​ലാ​യ​ത്.

വോ​ൾ​ട്ടേ​ജ് ക്ഷാ​മം പ​രി​ഹ​രി​ക്കാ​ൻ അ​ല​ന​ല്ലൂ​ർ ഗ്രാ​മ​പ​ഞ്ചാ​യ​ത്ത് വൈ​ദ്യു​തി വ​കു​പ്പ് നി​ശ്ച​യി​ച്ച തു​ക അ​ട​ച്ചി​ട്ട് ഒ​ന്ന​ര വ​ർ​ഷം ക​ഴി​ഞ്ഞു. വേ​ന​ൽ ക​ടു​ത്ത​തോ​ടെ പ​രീ​ക്ഷ​യു​ള്ള കു​ട്ടി​ക​ളാ​ണ് ഏ​റെ​യും വ​ല​ഞ്ഞ​ത്. വൈ​ദ്യു​ത ഉ​പ​ക​ര​ണ​ങ്ങ​ളെ​ല്ലാം വോ​ൾ​ട്ടേ​ജ് കു​റ​വ് കാ​ര​ണം ത​ക​രാ​റി​ലാ​യി.

ചി​ല സ​മ​യ​ങ്ങ​ളി​ൽ തീ​രെ വോ​ൾ​ട്ടേ​ജി​ല്ലാ​താ​കു​മ്പോ​ൾ വൈ​ദ്യു​തി വ​രു​ന്ന​തും പോ​കു​ന്ന​തും അ​റി​യാ​റി​ല്ല. വൈ​ദ്യു​തി കൊ​ണ്ട് ഉ​പ​കാ​ര​മി​ല്ലാ​ത്ത​തി​നാ​ൽ ബി​ൽ അ​ട​ക്കി​ല്ലെ​ന്ന് ബ​ന്ധ​പ്പെ​ട്ട ജീ​വ​ന​ക്കാ​രെ അ​റി​യി​ച്ച​തോ​ടെ തി​ങ്ക​ളാ​ഴ്ച ഒ​രു വൈ​ദ്യു​തി തൂ​ൺ കൊ​ണ്ടു​വ​ന്ന് സ്ഥാ​പി​ച്ചു.

അ​പ്പോ​ഴും ലൈ​ൻ വ​ലി​ക്കാ​ൻ കേ​ബി​ളു​ക​ളോ ബ​ന്ധ​പ്പെ​ട്ട വ​സ്തു​ക്ക​ളോ എ​ത്തി​ച്ചി​ല്ല. ഉ​ട​ൻ പ​ണി ആ​രം​ഭി​ക്കു​മെ​ന്നാ​ണ് പ്ര​ദേ​ശ​വാ​സി​ക​ളോ​ട് ഇ​പ്പോ​ഴും അ​ധി​കാ​രി​ക​ൾ ആ​വ​ർ​ത്തി​ക്കു​ന്ന​ത്. കേ​ബി​ൾ ഇ​ടു​ന്ന​ത് ഇ​നി​യും നീ​ണ്ടാ​ൽ ശ​ക്ത​മാ​യ ജ​ന​കീ​യ സ​മ​ര​ങ്ങ​ൾ ന​ട​ത്താ​നാ​ണ് തീ​രു​മാ​നം.