ഓണക്കാലമല്ലേ... വിരിയാതിരിക്കാനാവുമോ?

ആ​ന​ക്ക​ര: പൊ​ന്നി​ന്‍ ചി​ങ്ങ​മാ​സം വ​ന്നാ​ല്‍ പാ​ട​ത്തും പ​റ​മ്പി​ലും ഇ​ട​വ​ഴി​ക​ളി​ലും ത​ല​യാ​ട്ടി​നി​ന്നി​രു​ന്ന പൂ​ക്ക​ളു​ടെ വ​സ​ന്ത​കാ​ലം ന​മു​ക്കു​ണ്ടാ​യി​രു​ന്നു. ക​ഷ്ട ദി​ന​ങ്ങ​ളു​ടെ ക​ടും ക​റ മാ​യു​ന്ന പു​തി​യ വ​സ​ന്ത​ത്തി​ന്റെ സാ​ന്ദ്ര ധ്വ​നി​ക​ളാ​ല്‍ പൂ​വേ പൊ​ലി പൂ​വേ... പൊ​ലി പൂ​വേ പൊ​ലി പൂ​വേ... എ​ന്ന പൂ​വി​ളി​ക​ളു​മാ​യി ഗ്രാ​മം ഉ​ണ​ര്‍ന്നി​രു​ന്നു. എ​ന്നാ​ല്‍, കാ​ലം ക​ട​ന്നു​പോ​യ​തോ​ടെ അ​വ​യെ​ല്ലാം വി​സ്മൃ​തി​യാ​ലാ​ണ്ടെ​ങ്കി​ലും ആ ​കാ​ല​ത്തെ പാ​ടെ ത​ള്ളാ​തെ ചി​ല പൂ​ക്ക​ള്‍ ഇ​പ്പോ​ഴും വി​ട​രു​ന്നു​ണ്ട്.

ഒ​രു​പാ​ട് കാ​ല​ങ്ങ​ള്‍ക്ക് ശേ​ഷ​മാ​ണ് ഗ്രാ​മ​ങ്ങ​ളി​ലെ തോ​ട്ടു​വ​ര​മ്പു​ക​ള്‍, റോ​ഡു​ക​ള്‍, കു​ന്നു​ക​ള്‍, പു​ഴ​യോ​രം എ​ന്നി​വി​ട​ങ്ങ​ളി​ല്‍ തു​മ്പ​പ്പൂ​ക്ക​ളു​ണ്ടാ​യ​ത്. കൂ​ടാ​തെ സൂ​ര്യ​കാ​ന്തി, വാ​ടാ​ര്‍മ​ല്ലി, ചെ​മ്പ​ര​ത്തി, കോ​ളാ​മ്പി, ചെ​മ​ന്തി തു​ട​ങ്ങി​യ​വ​യാ​ണ് വി​രി​ഞ്ഞു​നി​ല്‍ക്കു​ന്ന​ത്. മു​ന്‍കാ​ല​ത്ത് രാ​വി​ലെ പൂ ​കൂ​ട​ക​ളു​മാ​യാ​ണ് കു​ട്ടി​ക​ള്‍ പൂ​പ​റി​ക്കാ​ന്‍ പോ​കു​ക. തു​ട​ര്‍ന്ന് മു​റ്റ​ത്ത് മ​ണ്ണ് കൊ​ണ്ട് വ​ട്ട​ത്തി​ല്‍ ക​ള​മൊ​രു​ക്കി ചാ​ണ​കം മെ​ഴു​കി​യ ശേ​ഷം പൂ​വി​ട്ടു തു​ട​ങ്ങും. അ​ത്തം മു​ത​ല്‍ മു​ക്കു​റ്റി ന​ടു​വി​ല്‍ ചു​റ്റും തു​മ്പ​പ്പൂ മാ​ത്ര​മാ​ണ് ഇ​ടു​ക. തു​ട​ര്‍ന്ന് മൂ​ലം നാ​ള്‍ മു​ത​ല്‍ നാ​ലു മൂ​ല​ക​ളാ​യി ക​ളം തീ​ര്‍ത്ത് വ​ര്‍ണ്ണ​പൂ​ക്ക​ള്‍ ഉ​പ​യോ​ഗി​ക്കും.

പ​ണ്ട് കാ​ല​ത്ത് നാ​യ​ര്‍ ത​റ​വാ​ടു​ക​ളി​ല്‍ ക​ര്‍ക്ക​ട​ക​മാ​സ​ത്തി​ലെ തി​രു​വോ​ണ ദി​വ​സം മു​ത​ല്‍ ക​ള​മെ​ഴു​കി മു​ക്കു​റ്റി​യി​ടു​ക പ​തി​വാ​യി​രു​ന്നു. ഇ​പ്പോ​ള്‍ അ​തി​ല്ല. അ​ത്തം മു​ത​ല്‍ ത​ന്നെ ഈ​കാ​ല​ത്ത് ക​ള​ര്‍ പൂ​ക്ക​ള​മി​ടു​ന്നു​ണ്ട്. ഇ​തി​നു​പു​റ​മെ വ​ര​വ് പൂ​ക്ക​ള്‍ തേ​ടു​ന്ന​വ​ര്‍ക്കാ​യി എ​ല്ലാ​യി​ട​ങ്ങ​ളി​ലും വ്യാ​പ​ക​മാ​യി പൂ​കൃ​ഷി​യും യ​ഥേ​ഷ്ടം ചെ​യ്യു​ന്നു​ണ്ട്. വി​വി​ധ വ​ര്‍ണ​ത്തി​ലു​ള​ള ചെ​ണ്ട​മ​ല്ലി​ക​ളാ​ണ് കൃ​ഷി ചെ​യ്തി​ട്ടു​ള​ള​ത്.