പ​ന്നി​ശ​ല്യം രൂ​ക്ഷം; കൃ​ഷി ഉ​പേ​ക്ഷി​ച്ച് ക​ർ​ഷ​ക​ർ

ആ​ന​ക്ക​ര: പ​ന്നി​ക​ള്‍ വ്യാ​പ​ക​മാ​യി​കൃ​ഷി ന​ശി​പ്പി​ക്കു​ന്ന​തി​ൽ ക​ര്‍ഷ​ക​ര്‍ ദു​രി​ത​ത്തി​ല്‍. ആ​ന​ക്ക​ര, ക​പ്പൂ​ര്‍ മേ​ഖ​ല​യി​ലെ നെ​ല്‍ക​ര്‍ഷ​ക​ര്‍ ഇ​തു​മൂ​ലം വ​ലി​യ പ്ര​തി​സ​ന്ധി​യാ​ണ് നേ​രി​ടു​ന്ന​ത്. നെ​ല്‍കൃ​ഷി മാ​ത്ര​മ​ല്ല പ​ച്ച​ക്ക​റി​ക​ളും പ​ന്നി​ക​ള്‍ ന​ശി​പ്പി​ക്കു​ന്നു​ണ്ട്. 10 മു​ത​ല്‍ 15 വ​രെ പ​ന്നി​ക​ള്‍ അ​ട​ങ്ങു​ന്ന സം​ഘം വ​യ​ലി​നി​റ​ങ്ങി ന​ടീ​ലി​ന് ത​യ്യാ​റാ​ക്കി​യ ഞാ​റ്റ​ടി​യും പു​തു​താ​യി വെ​ച്ച വ​ര​മ്പു​ക​ളും കു​ത്തി​മ​റി​ക്കു​ന്ന​തും പ​തി​വാ​ണ്. വ​ര​മ്പു​ക​ള്‍ ത​ക​ര്‍ന്ന​തോ​ടെ കൃ​ഷി​യി​ട​ത്തി​ല്‍ വെ​ള്ളം നി​ര്‍ത്താ​ന്‍ ക​ഴി​യാ​ത്ത സാ​ഹ​ച​ര്യ​മാ​ണ്.

നെ​ല്‍വ​യ​ലി​ല്‍ മാ​ത്ര​മ​ല്ല തോ​ട്ട​ത്തി​ലും ഇ​വ നാ​ശം വി​ത​ക്കു​ന്നു​ണ്ട്. പ​ച്ച​ക്ക​റി​ക​ള്‍ക്ക് പു​റ​മേ തെ​ങ്ങ്, ക​വു​ങ്ങ് തൈ​ക​ള്‍ വ​രെ പ​ന്നി​ക്കൂ​ട്ടം ന​ശി​പ്പി​ക്കു​ന്നു. ഇ​ക്കാ​ര​ണ​ത്താ​ല്‍ ഒ​രു കൃ​ഷി​യും ന​ട​ത്താ​ന്‍ ക​ഴി​യാ​ത്ത സാ​ഹ​ച​ര്യ​മാ​ണെ​ന്ന് ക​ര്‍ഷ​ക​ര്‍ പ​റ‍യു​ന്നു. പാ​ട​ത്ത് സാ​രി​യും മു​ണ്ടും പ്ലാ​സ്റ്റി​ക് ഷീ​റ്റും മ​റ്റും ഉ​പ​യോ​ഗി​ച്ച് ക​ർ​ഷ​ക​ർ കെ​ട്ടി​യ മ​റ ത​ക​ര്‍ത്താ​ണ് പ​ന്നി​ക​ള്‍ കൃ​ഷി​യി​ട​ത്തി​റ​ങ്ങു​ന്ന​ത്. ആ​ന​ക്ക​ര ക​പ്പൂ​ര്‍ പ​ഞ്ചാ​യ​ത്തി​ല്‍ 1000ക​ണ​ക്കി​ന് വാ​ഴ​ക​ളാ​ണ് പ​ന്നി​ക്കൂ​ട്ടം ന​ശി​പ്പി​ച്ച​ത്. ഓ​ണ​ത്തി​ന് വി​ള​വെ​ടു​പ്പ് ല​ക്ഷ്യ​മാ​ക്കി കൃ​ഷി ചെ​യ്ത നേ​ന്ത്ര​വാ​ഴ​ക​ള്‍ വ​രെ പ​ല​യി​ട​ത്തും ന​ശി​പ്പി​ക്ക​പ്പെ​ട്ടു. ക​ടം വാ​ങ്ങി​യും ലോ​ണെ​ടു​ത്തു കൃ​ഷി​യി​റ​ക്കി​യ ക​ര്‍ഷ​ക​ര്‍ ഇ​തോ​ടെ തി​രി​ച്ച​ട​വി​ന് വ​ഴി​യി​ല്ലാ​തെ ന​ട്ടം തി​രി​യു​ക​യാ​ണ്. പ​ഞ്ചാ​യ​ത്ത് അ​ധി​കൃ​ത​ര്‍ ഇ​ട​പെ​ട്ട് ക​ര്‍ഷ​ക​രെ പ്ര​തി​സ​ന്ധി​യി​ല്‍നി​ന്ന് ക​ര​ക​യ​റ്റ​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം.