തൃത്താലയിൽ ഗവ. ഐ.ടി.ഐക്ക് മന്ത്രിസഭ അനുമതി

തൃ​ത്താ​ല: മണ്ഡലത്തിലെ നാ​ഗ​ല​ശ്ശേ​രി​യി​ല്‍ തു​ട​ങ്ങു​ന്ന ഗ​വ. ഐ.​ടി.​ഐ​ക്ക് മ​ന്ത്രി​സ​ഭ അ​നു​മ​തി ന​ൽ​കി​യ​താ​യി മ​ന്ത്രി എം.​ബി. രാ​ജേ​ഷ് അ​റി​യി​ച്ചു. ഇ​തി​നാ​യി നേ​ര​ത്തെ ത​ന്നെ നാ​ഗ​ല​ശ്ശേ​രി പ​ഞ്ചാ​യ​ത്ത്‌ സ്ഥ​ലം ക​ണ്ടെ​ത്തി​യി​രു​ന്നു. താ​ൽ​ക്കാ​ലി​ക ക്ലാ​സു​ക​ൾ ആ​രം​ഭി​ക്കാ​ൻ അ​നു​യോ​ജ്യ​മാ​യ സ്ഥ​ലം ഉ​ട​ൻ ക​ണ്ടെ​ത്തും. അ​ഡി​റ്റി​വ് മാ​നു​ഫാ​ക്ച​റി​ങ് ടെ​ക്നീ​ഷ്യ​ൻ (3ഡി ​പ്രി​ന്റി​ങ്), ക​മ്പ്യൂ​ട്ട​ർ എ​യ്ഡ​ഡ് ഡി​സൈ​ൻ, ഡ്രാ​ഫ്റ്റ്സ്മാ​ൻ (സി​വി​ൽ), ഇ​ൻ​ഫ​ർ​മേ​ഷ​ൻ ടെ​ക്നോ​ള​ജി എ​ന്നി​ങ്ങ​നെ നാ​ല് കോ​ഴ്സു​ക​ളാ​ണ് തു​ട​ക്ക​ത്തി​ൽ ആ​രം​ഭി​ക്കു​ക. ഏ​റ്റ​വും ആ​ധു​നി​ക​വും മി​ക​ച്ച​തു​മാ​യ കോ​ഴ്സു​ക​ളാ​ണ് ആ​രം​ഭി​ക്കു​ന്ന​തെ​ന്നും മ​ന്ത്രി പ​റ​ഞ്ഞു. ക​ഴി​ഞ്ഞ മൂ​ന്ന് വ​ർ​ഷ​മാ​യി തൃ​ത്താ​ല​യു​ടെ വി​ദ്യാ​ഭ്യാ​സ മേ​ഖ​ല​യി​ൽ വ​ൻ മാ​റ്റ​മാ​ണ് ഉ​ണ്ടാ​യി​ട്ടു​ള്ള​തെ​ന്ന് മ​ന്ത്രി പ​റ​ഞ്ഞു. എ​ല്ലാ ഗ​വ. സ്‌​കൂ​ളു​ക​ളി​ലും കി​ഫ്‌​ബി കെ​ട്ടി​ട​ങ്ങ​ൾ പൂ​ർ​ത്തി​യാ​വു​ക​യോ നി​ർ​മാ​ണം അ​ന്തി​മ ഘ​ട്ട​ത്തി​ലോ ആ​ണ്. മ​ണ്ഡ​ല​ത്തി​ലെ വി​വി​ധ വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ കെ​ട്ടി​ട​ങ്ങ​ൾ​ക്ക് മാ​ത്ര​മാ​യി 47.50 കോ​ടി​യാ​ണ് കി​ഫ്‌​ബി​യി​ലൂ​ടെ​യും പ്ലാ​ൻ ഫ​ണ്ടി​ലൂ​ടെ​യും എം.​എ​ൽ.​എ ഫ​ണ്ടി​ലൂ​ടെ​യു​മാ​യി ല​ഭ്യ​മാ​ക്കി​യ​ത്.

തൃ​ത്താ​ല​യി​ൽ ന​ഴ്സി​ങ് കോ​ള​ജ് ആ​രം​ഭി​ക്കു​ന്ന​തി​നു​ള്ള എ​ല്ലാ ന​ട​പ​ടി​ക​ളും പൂ​ർ​ത്തി​യാ​യി. തൃ​ത്താ​ല ഗ​വ. കോ​ള​ജി​ലെ കെ​ട്ടി​ട​ങ്ങ​ളു​ടെ നി​ർ​മാ​ണ​വും പൂ​ർ​ത്തീ​ക​രി​ച്ചു. സ്കൂ​ൾ ബ​സു​ക​ൾ​ക്കും ലാ​ബ്, ഫ​ർ​ണി​ച്ച​ർ എ​ന്നി​വ​ക്കെ​ല്ലാ​മാ​യി 2.17 കോ​ടി വേ​റെ​യും ചെ​ല​വ​ഴി​ച്ചു. ഇ​തി​നെ​ല്ലാം പു​റ​മെ​യാ​ണ് ഇ​പ്പോ​ൾ സം​സ്ഥാ​ന സ​ർ​ക്കാ​റി​ന്റെ ഓ​ണ​സ​മ്മാ​ന​മാ​യി സ​ർ​ക്കാ​ർ ഐ.​ടി.​ഐ അ​നു​വ​ദി​ച്ച​തെ​ന്നും മ​ന്ത്രി പ​റ​ഞ്ഞു.