സി.ബി.എസ്.ഇ പരീക്ഷ; പാലക്കാട് ജില്ലയിൽ 100 ശതമാനം വിജയം
text_fieldsപാലക്കാട്: സി.ബി.എസ്.ഇ 10, 12 ക്ലാസ് പരീക്ഷകളിൽ ജില്ലയിലെ സ്കൂളുകൾക്ക് മികച്ച വിജയം. പരീക്ഷയെഴുതിയ മുഴുവൻ കുട്ടികളും വിജയിച്ചു. പാലക്കാട് ഹേമാംബിക നഗറിലെ കേന്ദ്രീയ വിദ്യാലയത്തിൽ പത്താം തരത്തിൽ 157 പേർ പരീക്ഷയെഴുതി. മുഴുവൻ വിഷയങ്ങളിൽ ഒമ്പത് പേർക്ക് എ വൺ ലഭിച്ചു. പന്ത്രണ്ടാം ക്ലാസിൽ 95 പേർ പരീക്ഷയെഴുതി. മുഴുവൻ വിഷയത്തിൽ ഏഴ് പേർക്ക് എ വൺ ലഭിച്ചു.
മലമ്പുഴ ജവഹർ നവോദയ വിദ്യാലയത്തിൽ 78 പേർ പരീക്ഷയെഴുതി. മുഴുവൻ വിഷയങ്ങളിൽ നാല് പേർക്ക് എ വൺ ലഭിച്ചു. പന്ത്രണ്ടാം ക്ലാസിൽ 70 പേർ പരീക്ഷയെഴുതി. 12 പേർക്ക് മുഴുവൻ വിഷയത്തിലും എ വൺ ലഭിച്ചു. ഒറ്റപ്പാലം കേന്ദ്രീയ വിദ്യാലയത്തിൽ 135 പേർ പരീക്ഷയെഴുതി. മുഴുവൻ വിഷയങ്ങളിൽ ഏഴ് പേർക്ക് എ വൺ ലഭിച്ചു. പന്ത്രണ്ടാം ക്ലാസിൽ 131 പേർ പരീക്ഷയെഴുതി. 10 പേർക്ക് മുഴുവൻ വിഷയത്തിൽ എ വൺ ലഭിച്ചു. കഞ്ചിക്കോട് കേന്ദ്രീയ വിദ്യാലയത്തിൽ 144 പേർ പരീക്ഷയെഴുതി.
മുഴുവൻ വിഷയങ്ങളിൽ 10 പേർക്ക് എ വൺ ലഭിച്ചു. പന്ത്രണ്ടാം ക്ലാസിൽ 108 പേർ പരീക്ഷയെഴുതി. മുഴുവൻ വിഷയത്തിൽ 26 പേർക്ക് എ വൺ ലഭിച്ചു. ജില്ലയിൽ സഹോദയ സ്കൂൾ കോംപ്ലക്സിലെ അംഗങ്ങളായ 75 സ്കൂളുകളിൽ പരീക്ഷയെഴുതിയ എല്ലാ കുട്ടികളും വിജയിച്ചു. നൂറ് ശതമാനം വിജയം നേടിയതിനൊപ്പം നൂറ്റിയമ്പതോളം വിദ്യാർഥികൾ എല്ലാ വിഷയങ്ങളിലും എ വൺ ഗ്രേഡ് നേടി. പ്ലസ് ടു പരീക്ഷയിലും ജില്ലയിൽ സഹോദയ സ്കൂൾ കോംപ്ലക്സിൽ അംഗമായ എല്ലാ സ്കൂളുകളും നൂറു ശതമാനം വിജയം നേടി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.