പു​ലി ഭീ​തി​യി​ൽ ചെ​ക്കി​നി​പ്പാ​ടം: ര​ണ്ട് പ​ട്ടി​ക​ളെ ക​ടി​ച്ചു

അ​ക​ത്തേ​ത്ത​റ: ഗ്രാ​മ​പ​ഞ്ചാ​യ​ത്തി​ലെ വ​നാ​തി​ർ​ത്തി പ്ര​ദേ​ശ​മാ​യ ചെ​ക്കി​നി​പ്പാ​ട​ത്ത് വീ​ണ്ടും പു​ലി​ഭീ​തി. ര​ണ്ട് വീ​ട്ടു​കാ​രു​ടെ ഒ​ന്നു​വീ​തം വ​ള​ർ​ത്ത് പ​ട്ടി​ക​ളെ പു​ലി പി​ടി​ച്ച് കൊ​ണ്ടു​പോ​യി. ചെ​ക്കി​നി​പ്പാ​ടം മേ​ൽ​ഭാ​ഗ​ത്ത് ഓ​മ​ന​യു​ടെ പ​ട്ടി​യെ​യും പി​ടി​ച്ച് കൊ​ണ്ടു​പോ​യി. ഞാ​യ​റാ​ഴ്ച പു​ല​ർ​ച്ചെ ര​ണ്ട​ര​യോ​ടെ​യാ​ണ് സം​ഭ​വം. പ​ട്ടി​യു​ടെ ക​ര​ച്ചി​ൽ​കേ​ട്ട് വീ​ടി​ന്‍റെ വാ​തി​ൽ തു​റ​ന്ന് നോ​ക്കി​യ​പ്പോ​ഴാ​ണ് വി​വ​ര​മ​റി​യു​ന്ന​ത്. മൂ​ന്നാ​മ​ത്തെ പ്രാ​വ​ശ്യ​മാ​ണ് ഓ​മ​ന​യു​ടെ പ​ട്ടി​യെ പു​ലി പി​ടി​ച്ച് കൊ​ണ്ട് പോ​കു​ന്ന​ത്. വാ​ർ​ഡ് അം​ഗം സു​രേ​ഷ് കു​മാ​ർ വ​ന​പാ​ല​ക​രെ വി​വ​ര​മ​റി​യി​ച്ചു. വ​ന​പാ​ല​ക​രും ദ്രു​ത പ്ര​തി​ക​ര​ണ സം​ഘ​വും സ്ഥ​ലം പ​രി​ശോ​ധി​ച്ചു. പു​ലി​യു​ടെ​തെ​ന്ന് ക​രു​തു​ന്ന കാ​ൽ​പാ​ടു​ക​ൾ ക​ണ്ടെ​ത്തി. പു​ലി സാ​ന്നി​ധ്യം ഉ​റ​പ്പാ​ക്കാ​ൻ സ്ഥ​ല​ത്ത് നി​രീ​ക്ഷ​ണ കാ​മ​റ സ്ഥാ​പി​ക്കും. തു​ട​ർ​ന്നാ​ണ് പു​ലി​ക്കൂ​ട് സ്ഥാ​പി​ക്കു​ന്ന കാ​ര്യം പ​രി​ഗ​ണി​ക്കു​ക.

ര​ണ്ട് വ​ർ​ഷ​ക്കാ​ല​മാ​യി അ​ക​ത്തേ​ത്ത​റ പ​ഞ്ചാ​യ​ത്തി​ലെ ധോ​ണി, എ​ൻ​ജി​നീ​യ​റി​ങ് കോ​ള​ജ്, വ​ട​ക്കേ​ത്ത​റ, തെ​ക്കേ​ത്ത​റ വാ​ർ​ഡ് പ്ര​ദേ​ശ​ങ്ങ​ൾ പു​ലി ഭീ​തി​യി​ലാ​ണ്.

ഒ​രു മാ​സം മു​മ്പ് ചൂ​ലി​പ്പാ​ടം ശാ​ന്ത​യു​ടെ ആ​ടി​നെ പു​ലി ക​ടി​ച്ച് ക​ഴു​ത്തി​ന് മു​റി​വേ​ൽ​പ്പി​ച്ചി​രു​ന്നു. പി​ന്നീ​ട് പ്ര​ദേ​ശ​ത്ത് നി​രീ​ക്ഷ​ണ കാ​മ​റ സ്ഥാ​പി​ച്ചെ​ങ്കി​ലും പു​ലി വ​ന്ന ദൃ​ശ്യ​ങ്ങ​ൾ കാ​മ​റ​യി​ൽ പ​തി​ഞ്ഞി​രു​ന്നി​ല്ല. തു​ട​ർ​ന്ന് കെ​ണി ഒ​രു​ക്കി​യെ​ങ്കി​ലും കൂ​ട്ടി​ൽ ക​യ​റി​യി​രു​ന്നി​ല്ല.

അ​തേ​സ​മ​യം, മു​ണ്ടൂ​ർ ഗ്രാ​മ​പ​ഞ്ചാ​യ​ത്തി​ലെ ക​യ​റം​കോ​ടി​ന് സ​മീ​പം ക​യ​റ​ൻ​കാ​വ് ഭാ​ഗ​ത്ത് പ​ത്ര​വി​ത​ര​ണ​ക്കാ​ര​ൻ പു​ലി​യെ ക​ണ്ട​താ​യ വി​വ​രം അ​റി​ഞ്ഞെ​ത്തി​യ വ​ന​പാ​ല​ക​രും ദ്രു​ത പ്ര​തി​ക​ര​ണ സം​ഘ​വും സ്ഥ​ലം പ​രി​ശോ​ധി​ച്ചെ​ങ്കി​ലും പു​ലി​യെ ക​ണ്ടെ​ത്തി​യി​ല്ല.