ചെമ്മണാമ്പതി- തേക്കടി വനപാത കലക്ടർ എത്തും; സമരം അവസാനിപ്പിച്ചു

പ​റ​മ്പി​ക്കു​ളം: ചെ​മ്മ​ണാ​മ്പ​തി- തേ​ക്ക​ടി വ​ന​പാ​ത അ​നി​ശ്ചി​ത​മാ​യി നീ​ളു​ന്ന​തി​നെ​തി​രെ ആ​ദി​വാ​സി​ക​ൾ ന​ട​ത്തി​യ മൂ​ന്നാം​ഘ​ട്ട സ​മ​രം ജി​ല്ല ക​ല​ക്ട​ർ ച​ർ​ച്ച​ക്കെ​ത്തു​മെ​ന്ന ഉ​റ​പ്പി​ൽ അ​വ​സാ​നി​പ്പി​ച്ചു. തേ​ക്ക​ടി, അ​ല്ലി​മൂ​പ്പ​ൻ, ഒ​റ​വം​പാ​ടി, ക​ച്ചി​ത്തോ​ട്, മു​പ്പ​ത് ഏ​ക്ക​ർ കോ​ള​നി​ക​ളി​ൽ നി​ന്നു​ള്ള 200ല​ധി​കം സ്ത്രീ​ക​ളു​ൾ​പ്പെ​ടു​ന്ന ആ​ദി​വാ​സി​ക​ളാ​ണ് വ​ന​പാ​ത അ​നി​ശ്ചി​ത​മാ​യി നീ​ളു​ന്ന​തി​നെ​തി​രെ സ​മ​ര​രം​ഗ​ത്തെ​ത്തി​യ​ത്. 2020 ഒ​ക്ടോ​ബ​ർ ര​ണ്ടി​ന് വ​ഴി​വെ​ട്ട് സ​മ​രം ന​ട​ത്തി​യ ശേ​ഷം ഗ​താ​ഗ​ത​യോ​ഗ്യ​മാ​ക്കാ​ൻ സ​ർ​ക്കാ​ർ ത​ല​ത്തി​ൽ തു​ട​ർ​ന​ട​പ​ടി​ക​ളി​ല്ലാ​ത്ത​തി​ൽ പ്ര​തി​ഷേ​ധി​ച്ചാ​ണ് സ​മ​രം.

തി​ങ്ക​ളാ​ഴ്ച രാ​വി​ലെ പ​ത്തി​ന് പ​ഞ്ചാ​യ​ത്ത് ഓ​ഫി​സി​ന് മു​ന്നി​ൽ കു​ത്തി​യി​രി​പ്പ് സ​മ​ര​മാ​രം​ഭി​ച്ച ഇ​വ​ർ ജി​ല്ല ക​ല​ക്ട​ർ എ​ത്താ​തെ സ​മ​രം അ​വ​സാ​നി​പ്പി​ക്കി​ല്ലെ​ന്ന നി​ല​പാ​ടെ​ടു​ത്ത​തോ​ടെ എ.​ഡി.​എം അ​മൃ​ത​വ​ല്ലി​യു​ടെ നി​ർ​ദേ​ശ​പ്ര​കാ​രം ചി​റ്റൂ​ർ ത​ഹ​സി​ൽ​ദാ​ർ എ​ൻ.​എ​ൻ. മു​ഹ​മ്മ​ദ് റാ​ഫി സ്ഥ​ല​ത്തെ​ത്തി. സ​മ​ര​ക്കാ​രു​മാ​യി ച​ർ​ച്ച ന​ട​ത്തി​യ ഇ​ദ്ദേ​ഹം 23ന് ​പ​റ​മ്പി​ക്കു​ളം തേ​ക്ക​ടി​യി​ൽ ജി​ല്ല ക​ല​ക്ട​ർ എ​ത്തു​മെ​ന്ന ഉ​റ​പ്പ് ന​ൽ​കി​യ​തി​നെ തു​ട​ർ​ന്ന് സ​മ​രം അ​വ​സാ​നി​പ്പി​ച്ചു. കേ​ര​ള​ത്തി​ന​ക​ത്ത് കൂ​ടി പ​റ​മ്പി​ക്കു​ള​ത്തേ​ക്കു​ള്ള പാ​ത യാ​ഥാ​ർ​ഥ്യ​മാ​കു​ന്ന​ത് വൈ​കു​ന്ന​താ​ണ് സ​മ​ര​ത്തി​ലെ​ത്തി​ച്ച​ത്. ത​മി​ഴ്നാ​ടി​​ന്റെ അ​നു​വാ​ദം വാ​ങ്ങി ഉ​യ​ർ​ന്ന തു​ക​ക്ക് പെ​ർ​മി​റ്റ് നേ​ടി​യാ​ലേ സേ​ത്തു​മ​ട​യി​ൽ നി​ന്ന് തേ​ക്ക​ടി​യി​ലേ​ക്ക് വാ​ഹ​ന​ങ്ങ​ളെ ക​ട​ത്തി​വി​ടൂ​വെ​ന്ന നി​ല​പാ​ടും പ്ര​തി​ഷേ​ധം ശ​ക്ത​മാ​ക്കി.

ചെ​മ്മ​ണാ​മ്പ​തി​യി​ൽ നി​ന്ന് പ​റ​മ്പി​ക്കു​ളം തേ​ക്ക​ടി​യി​ലേ​ക്ക് ഊ​രു​മൂ​പ്പ​ൻ​മാ​രു​ടെ സാ​ന്നി​ധ്യ​ത്തി​ൽ ആ​ദി​വാ​സി​ക​ൾ ആ​രം​ഭി​ച്ച വ​ഴി​വെ​ട്ട​ൽ സ​മ​ര​ത്തി​നി​ടെ ഭീ​ഷ​ണി​യും കേ​സെ​ടു​ക്ക​ലു​മു​ണ്ടാ​യെ​ങ്കി​ലും ഇ​തൊ​ന്നും വ​ക​വെ​ക്കാ​തെ​യാ​ണ് 1300 മീ​റ്റ​റി​ല​ധി​കം നീ​ള​ത്തി​ൽ വ​ഴി വെ​ട്ടി​യ​ത്. വ​നാ​വ​കാ​ശ നി​യ​മ​ത്തി​ലൂ​ടെ 0.9975 ഹെ​ക്ട​ർ ഭൂ​മി​യാ​ണ് വ​ന​പാ​ത​ക്കാ​യി വ​നം​വ​കു​പ്പ് വി​ട്ടു​ന​ൽ​കി​യ​ത്. മ​ടി​വാ​യ്ക്ക് സ​മീ​പ​ത്തെ വ​ൻ പാ​റ​ക്കെ​ട്ടു​ക​ൾ മാ​റ്റാ​ൻ ന​ട​പ​ടി വേ​ണ​മെ​ന്ന തേ​ക്ക​ടി ഊ​രു​മൂ​പ്പ​ൻ​മാ​രു​ടെ ആ​വ​ശ്യം ന​ട​പ്പാ​യി​ട്ടി​ല്ല. നീ​രൊ​ഴു​ക്കു​ള്ള പ്ര​ദേ​ശ​ങ്ങ​ൾ ത​ട​സ്സ​പ്പെ​ടു​ത്താ​തെ വ​ന​പാ​ത യാ​ഥാ​ർ​ഥ്യ​മാ​ക്കാ​ൻ സ​ർ​ക്കാ​ർ ഇ​ട​പെ​ട​ണ​മെ​ന്ന് ഊ​രു​മൂ​പ്പ​ൻ രാ​മ​ൻ​കു​ട്ടി ആ​വ​ശ്യ​പ്പെ​ട്ടു.

ര​ണ്ട​ര വ​ർ​ഷം കാ​ത്തി​രു​ന്നി​ട്ടും ഫ​ല​മി​ല്ലാ​തെ വ​ന്ന​തോ​ടെ​യാ​ണ് സ​മ​ര​ത്തി​നി​റ​ങ്ങി​യ​തെ​ന്ന് ഒ​റ​വ​ൻ​പാ​ടി കോ​ള​നി മൂ​പ്പ​ൻ പി. ​അ​യ്യ​പ്പ​ൻ പ​റ​ഞ്ഞു. റോ​ഡ് നി​ർ​മാ​ണം ആ​രം​ഭി​ക്കാ​ൻ ന​ട​പ​ടി​യെ​ടു​ക്കു​മെ​ന്നും വൈ​ദ്യു​തി ലൈ​ൻ, ബി.​എ​സ്.​എ​ൻ.​എ​ൽ. ട​വ​ർ എ​ന്നി​വ സ്ഥാ​പി​ക്കാ​ൻ ന​ട​പ​ടി ആ​രം​ഭി​ച്ച​താ​യും മു​ത​ല​മ​ട പ​ഞ്ചാ​യ​ത്ത് പ്ര​സി​ഡ​ൻ​റ് ക​ൽ​പ​നാ ദേ​വി, വൈ​സ് പ്ര​സി​ഡ​ൻ​റ് താ​ജു​ദ്ദീ​ൻ എ​ന്നി​വ​ർ ഉ​റ​പ്പുന​ൽ​കി. ആം​ബു​ല​ൻ​സ് ഉ​ട​ൻ ഏ​ർ​പ്പെ​ടു​ത്തും. വ​നം റേ​ഞ്ച് ഓ​ഫി​സ​ർ പ്ര​മോ​ദ് കൃ​ഷ്ണ​ൻ, സെ​ക്ഷ​ൻ ഫോ​റ​സ്റ്റ​ർ മ​ണി​യ​ൻ, പ​ട്ടി​ക​വ​ർ​ഗ, റ​വ​ന്യു, പ​ഞ്ചാ​യ​ത്ത് അ​ധി​കൃ​ത​ർ എ​ന്നി​വ​ർ ച​ർ​ച്ച​യി​ൽ പ​ങ്കെ​ടു​ത്തു.