തൂതയിലെ ബാലവിവാഹം: ക്ഷേ​ത്ര​ജീ​വ​ന​ക്കാ​ര​ന് സ​സ്പെ​ൻ​ഷ​ൻ, പെൺകുട്ടിയെ സി.ഡബ്ല്യൂ.സി കേന്ദ്രത്തിലേക്ക് മാറ്റി

ചെ​ർ​പ്പു​ള​ശ്ശേ​രി: പ്രാ​യ​പൂ​ർ​ത്തി​യാ​കാ​തെ തൂ​ത​യി​ൽ വി​വാ​ഹം ന​ട​ത്തി​യ മ​ണ്ണാ​ർ​ക്കാ​ട്ടെ 16കാ​രി​യെ പാ​ല​ക്കാ​ട് ശി​ശു​ക്ഷേ​മ സ​മി​തി കേ​ന്ദ്ര​ത്തി​ലേ​ക്ക് (സി.​ഡ​ബ്ല്യൂ.​സി) മാ​റ്റി. സി.​ഡ​ബ്ല്യൂ.​സി​യു​ടെ ആ​വ​ശ്യ​പ്ര​കാ​ര​മാ​ണ് മ​ണ്ണാ​ർ​ക്കാ​ട് പൊ​ലീ​സ് പാ​ല​ക്കാ​ട് സി.​ഡ​ബ്ല്യൂ.​സി ഓ​ഫി​സി​ൽ ഹാ​ജ​രാ​ക്കി​യ​ത്. കു​ട്ടി​യു​ടെ മൂ​ത്ത സ​ഹോ​ദ​രി​ക്കൊ​പ്പ​മാ​ണ് ഹാ​ജ​രാ​യ​ത്‌. അ​ന്വേ​ഷ​ണ​ങ്ങ​ൾ​ക്കും കൗ​ൺ​സ​ലി​ങ്ങി​നും ശേ​ഷം കു​ട്ടി​യെ ഡി.​ഡ​ബ്ല്യൂ.​സി സ​മി​തി കേ​ന്ദ്ര​ത്തി​ലേ​ക്ക് മാ​റ്റാ​ൻ തീ​രു​മാ​നി​ക്കു​ക​യാ​യി​രു​ന്നു. കു​ട്ടി​ക്ക് ആ​വ​ശ്യ​മാ​യ വി​ദ്യാ​ഭ്യാ​സ സൗ​ക​ര്യ​ങ്ങ​ളും മ​റ്റു പ​രി​ശീ​ല​ന അ​വ​സ​ര​ങ്ങ​ളും ഒ​രു​ക്കു​മെ​ന്ന് ജി​ല്ല ചെ​യ​ർ​മാ​ൻ എം.​വി. മോ​ഹ​ന​ൻ അ​റി​യി​ച്ചു. കു​ട്ടി​യു​ടെ ര​ക്ഷി​താ​ക്ക​ളും വി​വാ​ഹം ക​ഴി​ച്ച തൂ​ത സ്വ​ദേ​ശി​യും ഒ​ളി​വി​ലാ​ണ്. ഇ​വ​ർ​ക്കെ​തി​രെ ചെ​ർ​പ്പു​ള​ശ്ശേ​രി പൊ​ലീ​സ് ബാ​ല​വി​വാ​ഹ നി​രോ​ധ​ന നി​യ​മം ചു​മ​ത്തി ചൊ​വ്വാ​ഴ്ച കേ​സ് ര​ജി​സ്റ്റ​ർ ചെ​യ്തി​രു​ന്നു.

ക്ഷേ​ത്ര​ജീ​വ​ന​ക്കാ​ര​ന് സ​സ്പെ​ൻ​ഷ​ൻ

ചെ​ർ​പ്പു​ള​ശ്ശേ​രി: തൂ​ത ക്ഷേ​ത്ര​ത്തി​ൽ ന​ട​ന്ന പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യു​ടെ വി​വാ​ഹ​ത്തോ​ട​നു​ബ​ന്ധി​ച്ച് ക്ഷേ​ത്ര​ത്തി​ലെ ക്ല​ർ​ക്ക് രാ​മ​കൃ​ഷ്ണ​നെ സ​സ്‌​പെ​ൻ​ഡ് ചെ​യ്തു. വ​ധൂ വ​ര​ൻ​മാ​രു​ടെ പ്രാ​യം തെ​ളി​യി​ക്കു​ന്ന രേ​ഖ​ക​ൾ ക്ഷേ​ത്ര​ഫ​യ​ലു​ക​ളി​ൽ വാ​ങ്ങി വെ​ക്കാ​തെ ജോ​ലി​യി​ൽ വീ​ഴ്ച വ​രു​ത്തി​യ​തി​നാ​ണ് ന​ട​പ​ടി.

വീ​ഴ്ച പ​രി​ശോ​ധി​ക്കും-എം.​ആ​ർ. മു​ര​ളി

ചെ​ർ​പ്പു​ള​ശ്ശേ​രി: തൂ​ത ക്ഷേ​ത്ര​ത്തി​ൽ ന​ട​ന്ന പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യു​ടെ വി​വാ​ഹ ക​ർ​മ​ത്തി​ൽ ക്ഷേ​ത്രം ജീ​വ​ന​ക്കാ​രു​ടെ ഭാ​ഗ​ത്ത് നി​ന്നു​ള്ള വീ​ഴ്ച​ക​ൾ പ​രി​ശോ​ധി​ക്കു​ക​യും ന​ട​പ​ടി സ്വീ​ക​രി​ക്കു​ക​യും ചെ​യ്യു​മെ​ന്ന് മ​ല​ബാ​ർ ദേ​വ​സ്വം ബോ​ർ​ഡ് ചെ​യ​ർ​മാ​ൻ എം.​ആ​ർ. മു​ര​ളി അ​റി​യി​ച്ചു. ക്ഷേ​ത്ര​ത്തി​ൽ ന​ട​ത്തു​ന്ന വി​വാ​ഹ​ക​ർ​മ​ങ്ങ​ൾ​ക്ക് വ്യ​ക്ത​മാ​യ നി​ർ​ദേ​ശ​ങ്ങ​ളു​ണ്ട​ന്നും അ​ദ്ദേ​ഹം പ​റ​ഞ്ഞു.