പുഴക്ക് നടുവിൽ അവർ നാലുപേർ; ജീവിതത്തിലേക്ക് കൈപിടിച്ച് അഗ്നിരക്ഷാസേന

ചി​റ്റൂ​ർ: ചി​റ്റൂ​ർ പു​ഴ​യി​ൽ കു​ടു​ങ്ങി​യ ക​ർ​ണാ​ട​ക സ്വ​ദേ​ശി​ക​ളാ​യ നാ​ലു​പേ​ർ​ക്ക് ര​ണ്ടു മ​ണി​ക്കൂ​റോ​ളം നീ​ണ്ട പ​രി​ശ്ര​മ​ത്തി​നൊ​ടു​വി​ൽ പു​തു​ജീ​വ​നേ​കി അ​ഗ്നി​ര​ക്ഷാ​സേ​ന. ര​ക്ഷ​പ്പെ​ട്ട​വ​രി​ൽ 70ഉം 65​ഉം വ​യ​സ്സു​ള്ള​വ​രും ഉ​ൾ​പ്പെ​ടും. തി​രി​​കെ​യെ​ത്തി​ക്ക​ൽ ക​ടു​ത്ത വെ​ല്ലു​വി​ളി​യാ​യെ​ങ്കി​ലും റോ​പ്പ് ഉ​പ​യോ​ഗി​ച്ച് അ​ഗ്നി​ര​ക്ഷാ​സേ​ന ഇ​വ​രെ സാ​ഹ​സി​ക​മാ​യി ര​ക്ഷ​പ്പെ​ടു​ത്തു​ക​യാ​യി​രു​ന്നു.

ചൊ​വ്വാ​ഴ്ച ഉ​ച്ച​യോ​ടെ 12നാ​യി​രു​ന്നു നാ​ടി​നെ മു​ൾ​മു​ന​യി​ലാ​ഴ്ത്തി​യ സം​ഭ​വം. കു​ളി​ക്കാ​നി​റ​ങ്ങി​യ ഒ​രു കു​ടും​ബ​ത്തി​ലെ നാ​ലു​പേ​രാ​ണ് അ​വി​ചാ​രി​ത​മാ​യി വെ​ള്ള​മു​യ​ർ​ന്ന​തി​നെ​ത്തു​ട​ർ​ന്ന് പു​ഴ​യു​ടെ ന​ടു​വി​ൽ കു​ടു​ങ്ങി​യ​ത്. മൈ​സൂ​രു സ്വ​ദേ​ശി​ക​ളാ​യ ല​ക്ഷ്മ​ൺ (70), ഭാ​ര്യ ദേ​വി (65), മ​ക​ൻ സു​രേ​ഷ് (35), പേ​ര​മ​ക​ൻ വി​ഷ്ണു (19) എ​ന്നി​വ​രാ​ണി​വ​ർ.

ക​ർ​ണാ​ട​ക​യി​ൽ​നി​ന്നെ​ത്തി പു​ഴ​യി​ൽ​നി​ന്ന് മീ​ൻ പി​ടി​ച്ച് വി​ൽ​പ​ന ന​ട​ത്തു​ക​യും മീ​ൻ​വ​ല നെ​യ്ത് വി​ൽ​പ​ന ന​ട​ത്തു​ക​യും ചെ​യ്യു​ന്ന സം​ഘ​ത്തി​ലു​ൾ​പ്പെ​ട്ട​വ​രാ​ണ്. ആ​ലാ​ങ്ക​ട​വി​ൽ ന​ല്ലേ​പ്പി​ള്ളി പ​ഞ്ചാ​യ​ത്തി​ന്റെ ഉ​ട​മ​സ്ഥ​ത​യി​ലു​ള്ള ഉ​പ​യോ​ഗ​ശൂ​ന്യ​മാ​യ കെ​ട്ടി​ട​ത്തി​ൽ താ​മ​സി​ക്കു​ന്ന കു​ടും​ബം കു​ളി​ക്കാ​നും വ​സ്ത്ര​ങ്ങ​ൾ അ​ല​ക്കാ​നു​മാ​യാ​ണ് പു​ഴ​യി​ലേ​ക്കി​റ​ങ്ങി​യ​ത്. ന​ടു​വി​ലെ പാ​റ​യി​ലി​രു​ന്ന് വ​സ്ത്ര​ങ്ങ​ൾ അ​ല​ക്കു​ന്ന​തി​നി​ടെ അ​പ്ര​തീ​ക്ഷി​ത​മാ​യി വെ​ള്ളം ഉ​യ​രു​ക​യാ​യി​രു​ന്നു. ഇ​തോ​ടെ കൂ​ടെ​യു​ണ്ടാ​യി​രു​ന്ന​വ​ർ വേ​ഗം ക​ര​ക്കു​ക​യ​റി. ഇ​വ​ർ​ക്ക് ക​യ​റാ​നാ​യി​ല്ല.

ക​ര​ക്കു ക​യ​റി​യ​വ​ർ നാ​ട്ടു​കാ​രെ അ​റി​യി​ക്കു​ക​യാ​യി​രു​ന്നു. തു​ട​ർ​ന്ന് ചി​റ്റൂ​രി​ൽ​നി​ന്ന് അ​ഗ്നി​ര​ക്ഷാ​സേ​ന​യെ​ത്തി ര​ക്ഷാ​പ്ര​വ​ർ​ത്ത​നം ന​ട​ത്തു​ക​യാ​യി​രു​ന്നു. സേ​ന​യി​ലെ നാ​ലം​ഗ​ങ്ങ​ൾ റോ​പ്പു​ക​ളും ലൈ​ഫ് ജാ​ക്ക​റ്റു​ക​ളു​മാ​യി പു​ഴ​യി​ലേ​ക്കി​റ​ങ്ങി ആ​ദ്യം വി​ഷ്ണു​വി​നെ​യും പി​ന്നീ​ട് ദേ​വി​യെ​യും ക​ര​ക്കെ​ത്തി​ച്ചു. മൂ​ന്നാ​മ​താ​യി ല​ക്ഷ്മ​ണി​നെ​യും ഒ​ടു​വി​ൽ സു​രേ​ഷി​നെ​യും ര​ക്ഷ​പ്പെ​ടു​ത്തി. വി​വ​ര​മ​റി​ഞ്ഞ് വൈ​ദ്യു​തി മ​ന്ത്രി കെ. ​കൃ​ഷ്ണ​ൻ​കു​ട്ടി​യും സ്ഥ​ല​ത്തെ​ത്തി.

ഭയപ്പാടിലും അവർ പറഞ്ഞു, മകനെയും പേരമകനെയും രക്ഷിക്കൂ...

ചി​റ്റൂ​ർ: ആ​ർ​ത്ത​ല​ച്ച് വ​രു​ന്ന വെ​ള്ള​പ്പാ​ച്ചി​ലി​നു മു​ന്നി​ൽ വി​റ​ങ്ങ​ലി​ച്ചു​നി​ന്ന ത​ങ്ങ​ൾ​ക്കു മു​ന്നി​ൽ ര​ക്ഷ​ക​രാ​യെ​ത്തി​യ അ​ഗ്നി​ര​ക്ഷ സേ​ന ജീ​വ​ന​ക്കാ​രോ​ട് ല​ക്ഷ്മ​ണും ഭാ​ര്യ ദേ​വി​യും ഒ​രേ സ്വ​ര​ത്തി​ൽ പ​റ​ഞ്ഞ​ത് ആ​ദ്യം പേ​ര​മ​ക​നെ​യും മ​ക​നെ​യും ര​ക്ഷി​ക്കൂ​വെ​ന്നാ​ണ്. പ്രാ​യ​മേ​റി​യ​വ​രെ ആ​ദ്യം ക​ര​ക്കെ​ത്തി​ക്ക​ണ​മെ​ന്നു​ണ്ടാ​യി​രു​ന്നെ​ങ്കി​ലും ഇ​വ​രു​ടെ നി​ർ​ബ​ന്ധ​ത്തി​ന് വ​ഴ​ങ്ങി​യാ​ണ് പേ​ര​മ​ക​ൻ വി​ഷ്ണു​വി​നെ ആ​ദ്യം ര​ക്ഷ​പ്പെ​ടു​ത്തി​യ​ത്. ഇ​തി​നി​ടെ പു​ഴ​യി​ലെ നീ​രൊ​ഴു​ക്കും വ​ർ​ധി​ച്ചു. കോ​രി​ച്ചൊ​രി​യു​ന്ന മ​ഴ​യി​ൽ കു​തി​ർ​ന്നു​നി​ൽ​ക്കു​ന്ന വ​യോ​ധി​ക​രു​ടെ ആ​രോ​ഗ്യ​സ്ഥി​തി മോ​ശ​മാ​കു​മെ​ന്ന​തി​നാ​ൽ ഇ​വ​രെ ര​ക്ഷി​ക്ക​ണ​മെ​ന്ന് സേ​നാം​ഗ​ങ്ങ​ൾ തീ​രു​മാ​നി​ക്കു​ക​യാ​യി​രു​ന്നു.

ഏ​റെ ത​ള​ർ​ന്ന ദേ​വി​യെ​യും പി​ന്നീ​ട് ല​ക്ഷ്മ​ണി​നെ​യും ക​ര​യി​ലെ​ത്തി​ച്ചു. ഇ​തി​നു​ശേ​ഷം മ​ഴ കൂ​ടു​ത​ൽ ക​ന​ത്ത​തോ​ടെ ര​ക്ഷാ​ദൗ​ത്യം ദു​ഷ്ക​ര​മാ​യി. മ​ക​ൻ സു​രേ​ഷി​നാ​യു​ള്ള പ്രാ​ർ​ഥ​ന​യോ​ടെ​യു​ള്ള കാ​ത്തി​രി​പ്പാ​യി​രു​ന്നു പി​ന്നീ​ട്. അ​ര മ​ണി​ക്കൂ​റി​ന​കം മ​ഴ​യൊ​ന്ന് ശ​മി​ച്ച​തോ​ടെ സു​രേ​ഷും സു​ര​ക്ഷി​ത​തീ​ര​ത്തെ​ത്തി. പേ​ടി​യു​ണ്ടാ​യി​രു​ന്നോ എ​ന്ന ആ​ളു​ക​ളു​ടെ ചോ​ദ്യ​ത്തി​നു മു​ന്നി​ൽ നി​റ​ചി​രി​യോ​ടെ കൈ​കൂ​പ്പി ന​ന്ദി പ​റ​ഞ്ഞാ​ണ് ദേ​വി​യും ല​ക്ഷ്മ​ണും മ​ട​ങ്ങി​യ​ത്.