കാലാവസ്ഥ മാറ്റം: നെൽകൃഷി മേഖല അസ്വസ്ഥം

ആ​ല​ത്തൂ​ർ: കാ​ലാ​വ​സ്ഥ മാ​റ്റം നെ​ൽ​കൃ​ഷി മേ​ഖ​ല​യെ അ​സ്വ​സ്ഥ​മാ​ക്കു​ന്നു. ഇ​ട​വ​ത്തി​ൽ ന​ട​ക്കേ​ണ്ട കൃ​ഷി​യി​റ​ക്ക​ലും അ​നു​ബ​ന്ധ ജോ​ലി​ക​ളും ക​ർ​ക്ക​ട​കം ആ​ദ്യ ആ​ഴ്ച​യാ​യി​ട്ടും പ​ല​യി​ട​ത്തും പൂ​ർ​ത്തി​യാ​യി​ട്ടി​ല്ല. മ​ഴ വൈ​കി​യ​താ​ണ് പ്ര​ധാ​ന കാ​ര​ണം. മേ​ട​ത്തി​ൽ ല​ഭി​ക്കേ​ണ്ട വേ​ന​ൽ മ​ഴ​യും ഇ​ട​വ​പ്പാ​തി​യി​ൽ എ​ത്തേ​ണ്ട കാ​ല​വ​ർ​ഷ​വും താ​ളം​തെ​റ്റി​യ​താ​ണ് നെ​ൽ​കൃ​ഷി മേ​ഖ​ല​യെ അ​ര​ക്ഷി​താ​വ​സ്ഥ​യി​ലെ​ത്തി​ച്ച​ത്.

ഇ​ട​വ​പ്പാ​തി​ക്ക് മു​മ്പ് മ​ഴ ല​ഭി​ക്കു​മെ​ന്ന പ്ര​തീ​ക്ഷ​യി​ൽ ഞാ​റ്റ​ടി ത​യാ​റാ​ക്കി​യ​വ​രാ​ണ് കൂ​ടു​ത​ൽ കു​ഴ​പ്പ​ത്തി​ലാ​യ​ത്. വി​ത ന​ട​ത്തി​യ​വ​ർ​ക്ക് ക​ള​വ​ർ​ധി​ച്ച​ത് പാ​ര​യാ​യി. ഞാ​റ്റ​ടി ത​യാ​റാ​ക്കി​യാ​ൽ 28 ദി​വ​സ​ത്തി​ന​കം പ​റി​ച്ച് ന​ട​ണ​മെ​ന്നി​രി​ക്കെ പ​ല ഭാ​ഗ​ത്തും ര​ണ്ടു മാ​സം വ​രെ​യാ​യി​ട്ടാ​ണ് ന​ടാ​ൻ ക​ഴി​ഞ്ഞ​ത്.

ഇ​തൊ​ക്കെ വി​ള​വെ​ടു​പ്പി​നെ​യും ബാ​ധി​ക്കു​മെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്. ഒ​ന്നാം​വി​ള കൊ​യ്തെ​ടു​ത്ത നെ​ല്ല് സ​ർ​ക്കാ​റി​ന് കൊ​ടു​ത്ത​തി​ന്റെ വി​ല ഇ​തു​വ​രെ കി​ട്ടി​യി​ട്ടി​ല്ല. അ​തി​ന്റെ വി​ഷ​മം നി​ല​നി​ൽ​ക്കു​മ്പോ​ഴാ​ണ് വീ​ണ്ടും കൃ​ഷി​യി​റ​ക്കാ​ൻ ക​ഴി​യാ​തെ​യു​ള്ള ദു​രി​ത​വും എ​ത്തി​യ​ത്. നെ​ൽ​കൃ​ഷി കു​റെ വ​ർ​ഷ​ങ്ങ​ളാ​യി പ​ല കാ​ര​ണ​ങ്ങ​ൾ കൊ​ണ്ട് പ​ല വി​ധ​ത്തി​ൽ ക​ർ​ഷ​ക​രെ കു​ഴ​ക്കു​ക​യാ​ണ്. ഇ​ട​ക്ക് പെ​യ്യു​ന്ന മ​ഴ​യി​ൽ കി​ട്ടി​യ വെ​ള്ളം ഉ​പ​യോ​ഗി​ച്ച് ഞാ​റ് പ​റി​ച്ച് ന​ടാ​മെ​ന്ന് ക​രു​തി നി​ല​മു​ഴു​ത് പാ​ക​പ്പെ​ടു​ത്തി​യ​പ്പോ​ഴാ​ണ് അ​ന്ത​ർ സം​സ്ഥാ​ന തൊ​ഴി​ലാ​ളി​ക​ൾ ഇ​ല്ലെ​ന്ന് അ​റി​വാ​യ​ത്. നാ​ട്ടി​ൽ കാ​ർ​ഷി​ക തൊ​ഴി​ലി​ന് തൊ​ഴി​ലാ​ളി​ക​ളെ കി​ട്ടാ​താ​യ​ത് പ​രി​ഹ​രി​ച്ചി​രു​ന്ന​ത് അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളെ ഉ​പ​യോ​ഗി​ച്ചാ​യി​രു​ന്നു. എ​ന്നാ​ൽ ഇ​ത്ത​വ​ണ ബം​ഗാ​ളി​ൽ പ​ഞ്ചാ​യ​ത്ത് തെ​ര​ഞ്ഞെ​ടു​പ്പ് വ​ന്ന​തി​നാ​ൽ മി​ക്ക​വ​രും നാ​ട്ടി​ലേ​ക്ക് പോ​യി. ഇ​തോ​ടെ കാ​ർ​ഷി​ക മേ​ഖ​ല​യി​ൽ പ​ണി​ക​ൾ ന​ട​ക്കാ​താ​യി.

കാ​ര​ണ​ങ്ങ​ൾ പ​ല​താ​ണെ​ങ്കി​ലും നെ​ൽ​കൃ​ഷി മേ​ഖ​ല കു​റ​ച്ച് വ​ർ​ഷ​ങ്ങ​ളാ​യി താ​ളം തെ​റ്റി​യാ​ണ് പോ​കു​ന്ന​ത്. അ​ടു​ത്ത സീ​സ​ണി​ലെ​ങ്കി​ലും തൊ​ഴി​ലാ​ളി ക്ഷാ​മം പ​രി​ഹ​രി​ക്കാ​ൻ തൊ​ഴി​ലു​റ​പ്പ് തൊ​ഴി​ലാ​ളി​ക​ളെ ഉ​പ​യോ​ഗ​പ്പെ​ടു​ത്തി​യാ​ലേ പ്ര​വൃ​ത്തി​ക​ൾ സ​മ​യ​ബ​ന്ധി​ത​മാ​യി ന​ട​ത്താ​ൻ ക​ഴി​യൂ എ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.