റെയിൽവേ കണ്ണ് തുറന്നു; എറണാകുളം-കണ്ണൂർ ഇന്റർസിറ്റിക്ക് പട്ടാമ്പിയിൽ സ്റ്റോപ്പ്

പ​ട്ടാ​മ്പി: എ​റ​ണാ​കു​ളം-ക​ണ്ണൂ​ർ ഇ​ന്റ​ർ​സി​റ്റി എ​ക്സ്പ്ര​സി​ന് ഒ​ടു​വി​ൽ പ​ട്ടാ​മ്പി​യി​ൽ സ്റ്റോ​പ്പ് അ​നു​വ​ദി​ച്ചു. ആ​ഗ​സ്റ്റ് 18 മു​ത​ൽ പ​ട്ടാ​മ്പി​യി​ൽ വ​ണ്ടി നി​ർ​ത്തി​ത്തു​ട​ങ്ങും. ക​ണ്ണൂ​രി​ലേ​ക്കു​ള്ള യാ​ത്ര​യി​ൽ രാ​വി​ലെ 8.24നും ​എ​റ​ണാ​കു​ള​ത്തേ​ക്കു​ള്ള യാ​ത്ര​യി​ൽ വൈ​കീ​ട്ട് 5.22നും ​പ​ട്ടാ​മ്പി​യി​ൽ എ​ത്തും. അ​ര നൂ​റ്റാ​ണ്ടി​ലേ​റെ​യാ​യി അ​വ​ഗ​ണി​ക്ക​പ്പെ​ട്ട ആ​വ​ശ്യ​ത്തി​നാ​ണ് റെ​യി​ൽ​വെ പ​ച്ച​ക്കൊ​ടി വീ​ശി​യ​ത്. പ​ട്ടാ​മ്പി വി​ക​സ​ന സ​മി​തി, സീ​നി​യ​ർ സി​റ്റി​സ​ൺ ഫോ​റം, റെ​യി​ൽ​വേ പാ​സ​ഞ്ചേ​ഴ്സ് അ​സോ​സി​യേ​ഷ​ൻ, വി​വി​ധ രാ​ഷ്ട്രീ​യ-​സ​ന്ന​ദ്ധ സം​ഘ​ട​ന​ക​ൾ, ജ​ന​പ്ര​തി​നി​ധി​ക​ൾ എ​ന്നി​വ​രു​ടെ പ​തി​റ്റാ​ണ്ടു​ക​ളു​ടെ നി​ല​വി​ളി​ക്കാ​ണ് റെ​യി​ൽ​വേ ഉ​ത്ത​രം ന​ൽ​കി​യി​രി​ക്കു​ന്ന​ത്.

വ​രു​മാ​ന​ക്കു​റ​വും അ​ടു​ത്ത സ്റ്റേ​ഷ​നി​ലേ​ക്കു​ള്ള ദൂ​ര​വും ചൂ​ണ്ടി​ക്കാ​ണി​ച്ചാ​ണ് ഇ​തു​വ​രെ സ്റ്റോ​പ്പ് എ​ന്ന ആ​വ​ശ്യം റെ​യി​ൽ​വേ ത​ള്ളി​ക്ക​ള​ഞ്ഞി​രു​ന്ന​ത്. പ​ട്ടാ​മ്പി വി​ക​സ​ന സ​മി​തി സെ​ക്ര​ട്ട​റി ഡോ. ​കെ.​പി. മു​ഹ​മ്മ​ദ്‌​കു​ട്ടി​യു​ടെ നി​വേ​ദ​ന ശേ​ഖ​ര​ത്തി​ൽ ഏ​റെ​യും പ​ട്ടാ​മ്പി റെ​യി​ൽ​വേ സ്റ്റേ​ഷ​ൻ വി​ക​സ​ന​ത്തി​ന്റേ​താ​ണ്. അ​തി​ൽ ത​ന്നെ ദീ​ർ​ഘ​ദൂ​ര വ​ണ്ടി​ക​ൾ​ക്ക് സ്റ്റോ​പ്പ് വേ​ണ​മെ​ന്ന​തും. മാ​ധ്യ​മ​ങ്ങ​ളും വ​ർ​ഷ​ങ്ങ​ളാ​യി ഇ​ക്കാ​ര്യം റി​പ്പോ​ർ​ട്ട് ചെ​യ്തി​രു​ന്നു. റെ​യി​ൽ​വേ യാ​ത്ര​ക്കാ​രു​ടെ സം​ഘ​ട​ന​യും സ​മ​ര​മു​ഖ​ത്തു​ണ്ടാ​യി​രു​ന്നു.

മൂ​ന്ന് ദീ​ർ​ഘ​ദൂ​ര വ​ണ്ടി​ക​ൾ​ക്ക് പ​ട്ടാ​മ്പി​യി​ൽ സ്റ്റോ​പ്പ് അ​നു​വ​ദി​ക്ക​ണ​മെ​ന്ന നി​ല​വി​ളി പ​ഴ​കി​ത്തേ​ഞ്ഞ​താ​ണ്. എ​റ​ണാ​കു​ളം - ക​ണ്ണൂ​ർ ഇ​ന്റ​ർ​സി​റ്റി, ചെ​ന്നൈ -മം​ഗ​ളൂ​രു വെ​സ്റ്റ് കോ​സ്റ്റ്, ക​ണ്ണൂ​ർ - യ​ശ്വ​ന്ത്പു​ർ എ​ക്സ്പ്ര​സ്സ് വ​ണ്ടി​ക​ൾ നി​ർ​ത്തി​ക്കി​ട്ടാ​ൻ മു​ട്ടാ​ത്ത വാ​തി​ലു​ക​ളി​ല്ല. 2009ൽ ​റെ​യി​ൽ​വേ സ​ഹ​മ​ന്ത്രി​യാ​യി സ്ഥാ​ന​മേ​റ്റ ഇ. ​അ​ഹ​മ്മ​ദി​ന്റെ ജ​ന​സ​മ്പ​ർ​ക്ക പ​രി​പാ​ടി ഏ​റെ പ്ര​തീ​ക്ഷ ന​ൽ​കി​യി​രു​ന്നു. യാ​ത്രാ വ​ണ്ടി പ​ട്ടാ​മ്പി സ്റ്റേ​ഷ​നി​ലെ​ത്തി​യ​പ്പോ​ൾ വി​വി​ധ സം​ഘ​ട​ന​ക​ൾ വെ​വേ​റെ ന​ൽ​കി​യ നി​വേ​ദ​ന​ങ്ങ​ൾ​ക്ക് റെ​യി​ൽ​വേ ക​ട​ലാ​സ് വി​ല​പോ​ലും ക​ൽ​പി​ച്ചി​ല്ല. 2010 -11 റെ​യി​ൽ​വേ ടൈം ​ടേ​ബി​ളി​ൽ റെ​യി​ൽ​വേ ഡി​വി​ഷ​ൻ മാ​നേ​ജ​ർ സ്റ്റോ​പ്പ് ശി​പാ​ർ​ശ ചെ​യ്തി​രു​ന്നെ​ങ്കി​ലും ന​ട​പ്പാ​യി​ല്ല. 12 കി​ലോ​മീ​റ്റ​ർ വി​ട്ട് ഷൊ​ർ​ണൂ​ർ സ്റ്റേ​ഷ​നു​ണ്ടെ​ന്ന​താ​ണ് സ്റ്റോ​പ്പ് നി​ഷേ​ധി​ക്കാ​ൻ കാ​ര​ണ​മാ​യി ചൂ​ണ്ടി​ക്കാ​ണി​ച്ച​ത്.

എ​ന്നാ​ൽ, ഒ​മ്പ​ത് കി​ലോ​മീ​റ്റ​ർ മാ​ത്രം വ്യ​ത്യാ​സ​മു​ള്ള ച​ങ്ങ​നാ​ശ്ശേ​രി, തി​രു​വ​ല്ല സ്റ്റേ​ഷ​നു​ക​ളോ​ടോ എ​ട്ട് കി​ലോ​മീ​റ്റ​ർ വ്യ​ത്യാ​സ​മു​ള്ള മാ​വേ​ലി​ക്ക​ര, കാ​യം​കു​ളം സ്റ്റേ​ഷ​നു​ക​ളോ​ടോ ഈ ​തൊ​ട്ടു​കൂ​ടാ​യ്മ റെ​യി​ൽ​വേ​ക്കി​ല്ല. സ്റ്റോ​പ്പു​ള്ള പ​ര​പ്പ​ന​ങ്ങാ​ടി, താ​നൂ​ർ, വ​ള്ളി​ക്കു​ന്ന്, പ​യ്യോ​ളി സ്റ്റേ​ഷ​നു​ക​ൾ​ക്ക് മു​ന്നി​ലാ​ണ് വ​രു​മാ​ന​ത്തി​ന്റെ കാ​ര്യ​ത്തി​ലും പ​ട്ടാ​മ്പി.ജ​ന​പ്ര​തി​നി​ധി​ക​ളും നാ​ട്ടു​കാ​രും സം​ഘ​ട​ന​ക​ളും കൂ​ട്ടാ​യി ആ​വ​ശ്യ​പ്പെ​ട്ടി​ട്ടും നാ​ളി​തു​വ​രെ യാ​ഥാ​ർ​ഥ്യ​മാ​കാ​തി​രു​ന്ന ആ​വ​ശ്യ​ത്തി​ലാ​ണ് റെ​യി​ൽ​വേ കാ​തു തു​റ​ന്നി​രി​ക്കു​ന്ന​ത്.

സ്റ്റോ​പ്പ് അ​നു​വ​ദി​ച്ചെ​ന്ന വാ​ർ​ത്ത വ​ന്ന​തോ​ടെ അ​വ​കാ​ശ​വാ​ദ​ങ്ങ​ളും കൊ​ഴു​ക്കു​ക​യാ​ണ്. ബി.​ജെ.​പി ത​ങ്ങ​ളു​ടെ നേ​ട്ട​മാ​യി ആ​ഘോ​ഷം തു​ട​ങ്ങി​യ​പ്പോ​ൾ ലോ​ക്സ​ഭ​യി​ൽ വി.​കെ. ശ്രീ​ക​ണ്ഠ​ൻ എം.​പി സ​ബ്‌​മി​ഷ​ൻ ഉ​ന്ന​യി​ച്ച​താ​ണ് കോ​ൺ​ഗ്ര​സ് പ്ര​വ​ർ​ത്ത​ക​ർ ചൂ​ണ്ടി​ക്കാ​ട്ടു​ന്ന​ത്. യാ​തൊ​രു പ്ര​തീ​ക്ഷ​യു​മി​ല്ലാ​തെ നി​ര​ന്ത​രം ഇ​ക്കാ​ര്യ​മു​ന്ന​യി​ച്ച​പ്പോ​ൾ പ​രി​ഹ​സി​ച്ചി​രു​ന്ന​വ​രൊ​ക്കെ അ​വ​കാ​ശ​വാ​ദ​ങ്ങ​ളു​മാ​യി വ​രു​ന്ന​വ​രു​ടെ കൂ​ട്ട​ത്തി​ലു​ണ്ടെ​ന്ന​താ​ണ് കൗ​തു​കം.

പോരാടി നേടിയ വിജയം -വി.കെ. ശ്രീകണ്ഠൻ എം.പി

പ​ട്ടാ​മ്പി: ഇ​ന്റ​ർ​സി​റ്റി​ക്ക് ല​ഭി​ച്ച സ്റ്റോ​പ് പോ​രാ​ടി നേ​ടി​യ വി​ജ​യ​മാ​ണെ​ന്ന് വി.​കെ. ശ്രീ​ക​ണ്ഠ​ൻ എം.​പി. നാല് വർഷമായി റെ​യി​ൽ​വേ മ​ന്ത്രി​മാ​രോ​ട് നി​ര​ന്ത​ര​മാ​യി ആ​വ​ശ്യ​പ്പെ​ടു​ക​യും നി​ര​വ​ധി ത​വ​ണ പാ​ർ​ല​മെ​ന്റി​ൽ അ​വ​ത​രി​പ്പി​ക്കു​ക​യും ചെ​യ്ത എ​റ​ണാ​കു​ളം - ക​ണ്ണൂ​ർ ഇ​ന്റ​ർ​സി​റ്റി എ​ക്സ്പ്ര​സി​ന് പ​ട്ടാ​മ്പി​യി​ൽ സ്റ്റോ​പ്പ് വേ​ണ​മെ​ന്ന ആ​വ​ശ്യം അം​ഗീ​ക​രി​ച്ച​തി​ന് റെ​യി​ൽ​വേ മ​ന്ത്രാ​ല​യ​ത്തോ​ട് ന​ന്ദി രേ​ഖ​പ്പെ​ടു​ത്തു​ക​യാ​ണ്.

പ​ട്ടാ​മ്പി മേ​ഖ​ല​യി​ലെ യാ​ത്ര​ക്കാ​രു​ടെ വ​ർ​ഷ​ങ്ങ​ളാ​യു​ള്ള ആ​വ​ശ്യ​മാ​ണ് ഇ​തി​ലൂ​ടെ യാ​ഥാ​ർ​ഥ്യ​മാ​യ​ത്. എ​ല്ലാ വ​ർ​ഷ​വും ജ​ന​റ​ൽ മാ​നേ​ജ​ർ വി​ളി​ച്ചു​ചേ​ർ​ക്കു​ന്ന എം.​പി​മാ​രു​ടെ യോ​ഗ​ത്തി​ൽ ഈ ​വി​ഷ​യം ഉ​ന്ന​യി​ക്കു​മ്പോ​ൾ പ​ട്ടാ​മ്പി റെ​യി​ൽ​വേ സ്റ്റേ​ഷ​നി​ൽ ടി​ക്ക​റ്റ് വ​രു​മാ​നം കു​റ​വാ​ണെ​ന്ന മ​റു​പ​ടി​യാ​ണ് ല​ഭി​ച്ചി​രു​ന്ന​ത്. 2023 മാ​ർ​ച്ച് ര​ണ്ടി​ന് ജ​ന​റ​ൽ മാ​നേ​ജ​ർ പാ​ല​ക്കാ​ട്ട് വി​ളി​ച്ചു​ചേ​ർ​ത്ത എം.​പി​മാ​രു​ടെ യോ​ഗ​ത്തി​ൽ പ​രീ​ക്ഷ​ണാ​ടി​സ്ഥാ​ന​ത്തി​ൽ പ​ട്ടാ​മ്പി​യി​ൽ സ്റ്റോ​പ്പ് അ​നു​വ​ദി​ക്ക​ണ​മെ​ന്ന് ശ​ക്ത​മാ​യി വാ​ദി​ച്ചു. അ​തു​വ​ഴി വ​രു​മാ​നം വ​ർ​ധി​ക്കു​മെ​ന്നും സൂ​ചി​പ്പി​ച്ചു.

മ​റു​പ​ടി പ്ര​സം​ഗ​ത്തി​ൽ പ​രീ​ക്ഷ​ണാ​ടി​സ്ഥാ​ന​ത്തി​ലു​ള്ള സ്റ്റോ​പ്പ് പ​രി​ഗ​ണി​ക്കാ​മെ​ന്ന് ജ​ന​റ​ൽ മാ​നേ​ജ​ർ ഉ​റ​പ്പും ന​ൽ​കി​യി​രു​ന്നു. മാ​സ​ങ്ങ​ൾ പി​ന്നി​ട്ടി​ട്ടും സ്റ്റോ​പ്പ് അ​നു​വ​ദി​ക്കാ​ത്ത​തി​നാ​ൽ ജൂ​ലൈ 24ന് ​ലോ​ക്സ​ഭ​യി​ൽ റൂ​ൾ 377 പ്ര​കാ​രം ഇ​ക്കാ​ര്യം ഉ​ന്ന​യി​ച്ചി​രു​ന്നു. സ​തേ​ൺ റെ​യി​ൽ​വേ ജ​ന​റ​ൽ മാ​നേ​ജ​ർ, ചീ​ഫ് ഓ​പ​റേ​റ്റി​ങ് മാ​നേ​ജ​ർ എ​ന്നി​വ​രു​ടെ ഇ​ട​പെ​ട​ലു​ക​ളും സ്റ്റോ​പ്പ് അ​നു​വ​ദി​ക്കാ​ൻ സ​ഹാ​യ​ക​ര​മാ​യി. പ​രീ​ക്ഷ​ണാ​ടി​സ്ഥാ​ന​ത്തി​ൽ അ​നു​വ​ദി​ക്ക​പ്പെ​ട്ട ഈ ​സ്റ്റോ​പ്പ് സ്ഥി​ര​മാ​ക്കാ​ൻ മേ​ഖ​ല​യി​ലെ ട്രെ​യി​ൻ യാ​ത്ര​ക്കാ​രു​ടെ പി​ന്തു​ണ കൂ​ടി വേ​ണ​മെ​ന്ന് വി.​കെ. ശ്രീ​ക​ണ്ഠ​ൻ എം.​പി അ​ഭ്യ​ർ​ഥി​ച്ചു.

ന​ട​പ​ടി ര​ണ്ട് വ​ർ​ഷം മു​മ്പാ​രം​ഭി​ച്ചു -മു​ഹ​മ്മദ് മു​ഹ്സി​ൻ എം.​എ​ൽ.​എ

പ​ട്ടാ​മ്പി: ക​ണ്ണൂ​ർ - എ​റ​ണാ​കു​ളം ഇ​ന്റ​ർ​സി​റ്റി, മാ​വേ​ലി, വെ​സ്റ്റ് കോ​സ്റ്റ്, യ​ശ്വ​ന്ത​പു​രം എ​ക്സ്പ്ര​സു​ക​ൾ​ക്ക് പ​ട്ടാ​മ്പി​യി​ൽ സ്റ്റോ​പ്പ് അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ട് റെ​യി​ൽ​വേ ഉ​ന്ന​ത ഉ​ദ്യോ​ഗ​സ്ഥ​ർ​ക്ക് നി​വേ​ദ​നം ന​ൽ​കു​ക​യും ആ​വ​ശ്യം റെ​യി​ൽ​വേ മ​ന്ത്രാ​ല​യ​ത്തി​ന്റെ പ​രി​ഗ​ണ​ന​ക്കാ​യി സ​മ​ർ​പ്പി​ക്കു​ക​യും ചെ​യ്തി​രു​ന്നു​വെ​ന്ന് മു​ഹ​മ്മ​ദ് മു​ഹ​സി​ൻ എം.​എ​ൽ.​എ. നി​വേ​ദ​ന​ത്തി​ന്റെ അ​ടി​സ്ഥാ​ന​ത്തി​ൽ സ്റ്റോ​പ്പ് അ​നു​വ​ദി​ക്കാ​നു​ള്ള ന​ട​പ​ടി ര​ണ്ട് വ​ർ​ഷം മു​മ്പ് ത​ന്നെ ആ​രം​ഭി​ച്ചെ​ങ്കി​ലും ചി​ല സാ​ങ്കേ​തി​ക കാ​ര​ണ​ങ്ങ​ളാ​ൽ യാ​ഥാ​ർ​ഥ്യ​മാ​ക്കാ​ൻ സാ​ധി​ച്ചി​രു​ന്നി​ല്ല.

കൂ​ടാ​തെ യാ​ത്ര​ക്കാ​രും താ​ലൂ​ക്ക് ആ​സ്ഥാ​ന​ത്ത് ഉ​ദ്യോ​ഗ​സ്ഥ​ർ​ക്ക് എ​ത്തി​പ്പെ​ടാ​ൻ അ​നു​യോ​ജ്യ​മാ​യ സ​മ​യം എ​ന്ന നി​ല​ക്ക് സം​സ്ഥാ​ന സ​ർ​ക്കാ​റും ഈ ​ആ​വ​ശ്യം റെ​യി​ൽ​വേ​യു​ടെ മു​ന്നി​ൽ​വെ​ച്ചി​രു​ന്നു. ഈ ​ആ​വ​ശ്യ​ങ്ങ​ൾ​ക്ക് സാ​ധൂ​ക​ര​ണം ന​ൽ​കു​ന്ന തീ​രു​മാ​ന​മാ​ണ് ദ​ക്ഷി​ണ റെ​യി​ൽ​വേ സ്വീ​ക​രി​ച്ച ന​ട​പ​ടി​യെ​ന്നും എം.​എ​ൽ.​എ പ​റ​ഞ്ഞു.