പനി പാ​ല​ക്കാ​ട് ജില്ലയിൽ ജാഗ്രതയിൽ

പാ​ല​ക്കാ​ട്: മ​ഴ​ക്കാ​ല​മെ​ത്തി​യ​തോ​ടെ പ​നി​യ​ട​ക്കം പ​ക​ർ​ച്ച​വ്യാ​ധി​ക​ളും ത​ല​പൊ​ക്കു​ന്നു. ഡെ​ങ്കി ബാ​ധി​ച്ചു​ള്ള മ​ര​ണം ക​ഴി​ഞ്ഞ​ദി​വ​സം റി​പ്പോ​ർ​ട്ട് ചെ​യ്ത​തോ​ടെ അ​തീ​വ ജാ​ഗ്ര​ത​യി​ലാ​ണ് ജി​ല്ല. ക​രി​മ്പ ഗ്രാ​മ​പ​ഞ്ചാ​യ​ത്തി​ലെ ക​ല്ല​ടി​ക്കോ​ട് മ​ണ്ണാ​ത്തി​പ്പാ​റ സ്വ​ദേ​ശി ജി​നു (34) ആ​ണ് ശ​നി​യാ​ഴ്ച രാ​വി​ലെ കോ​യ​മ്പ​ത്തൂ​ർ സ്വ​കാ​ര്യ ആ​ശു​പ​ത്രി​യി​ൽ മ​രി​ച്ച​ത്. പ​നി ല​ക്ഷ​ണ​ങ്ങ​ളു​മാ​യി കൂ​ടു​ത​ൽ പേ​ർ ചി​കി​ത്സ തേ​ടു​ന്ന സാ​ഹ​ച​ര്യ​ത്തി​ൽ രോ​ഗ​പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍ ശ​ക്ത​മാ​ക്കി​യ​താ​യി ജി​ല്ല മെ​ഡി​ക്ക​ല്‍ ഓ​ഫി​സ​ര്‍ കെ.​പി. റീ​ത്ത അ​റി​യി​ച്ചു. ഈ​ഡി​സ് വി​ഭാ​ഗ​ത്തി​ൽ​പെ​ട്ട കൊ​തു​കു​ക​ളാ​ണ് ഡെ​ങ്കി​പ്പ​നി പ​ര​ത്തു​ന്ന​ത്. ഒ​രി​ക്ക​ല്‍ ഡെ​ങ്കി​പ്പ​നി വ​ന്ന​വ​ര്‍ക്ക് വീ​ണ്ടും രോ​ഗം വ​ന്നാ​ല്‍ മാ​ര​ക​മാ​യേ​ക്കാം. കൊ​തു​ക് വ​ള​രു​ന്ന സാ​ഹ​ച​ര്യ​ങ്ങ​ള്‍ ഒ​ഴി​വാ​ക്കി​യും പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍ ന​ട​ത്തി​യും ഡെ​ങ്കി​പ്പ​നി വ​രാ​തി​രി​ക്കാ​ന്‍ പൊ​തു​ജ​നം ശ്ര​ദ്ധി​ക്ക​ണ​മെ​ന്നും ആ​രോ​ഗ്യ വി​ഭാ​ഗം അ​റി​യി​ച്ചു.

കൊ​തു​കി​നെ ക​രു​താം, കു​ടി​വെ​ള്ള​വും

വേ​ന​ൽ​മ​ഴ കാ​ര്യ​മാ​യി ല​ഭി​ച്ച​തോ​ടെ ഡ​ങ്കി ​പ​ര​ത്തു​ന്ന ഈ​ഡി​സ് കൊ​തു​കു​ക​ളു​ടെ സാ​ന്ദ്ര​ത കൂ​ടു​ന്ന​താ​യി ​ആ​രോ​ഗ്യ​വ​കു​പ്പ്​ മു​ന്ന​റി​യി​പ്പ്​ ന​ൽ​കു​ന്നു. കെ​ട്ടി​ക്കി​ട​ക്കു​ന്ന ശു​ദ്ധ​ജ​ല​ത്തി​ലാ​ണ് ഡെ​ങ്കി, ചി​ക്കു​ൻ ഗു​നി​യ, വെ​സ്റ്റ് നൈ​ൽ പ​നി തു​ട​ങ്ങി​യ​വ പ​ക​ർ​ത്തു​ന്ന ഈ​ഡി​സ് കൊ​തു​കു​ക​ൾ വ​ള​രു​ന്ന​ത്. ടെ​റ​സ്, പൂ​ച്ച​ട്ടി, ഫ്രി​ഡ്ജ് ട്രേ, ​വീ​ടി​ന് ചു​റ്റും വെ​ള്ളം കെ​ട്ടി​ക്കി​ട​ക്കാ​ൻ സാ​ധ്യ​ത​യു​ള്ള ട​യ​റു​ക​ൾ,​ പ്ലാ​സ്റ്റി​ക് ക​വ​റു​ക​ൾ എ​ന്നി​വ​യെ​ല്ലാം നീ​ക്ക​ണം.

റ​ബ​ർ തോ​ട്ട​ങ്ങ​ളി​ലെ ചി​ര​ട്ട​ക​ളി​ൽ കെ​ട്ടി​ക്കി​ട​ക്കു​ന്ന വെ​ള്ളം ക​ള​ഞ്ഞ് ക​മ​ഴ്ത്തി​വെ​ക്ക​ണം. ഡ്രൈ ​ഡേ ആ​ഴ്ച​യി​ലൊ​രു ദി​വ​സം ന​ട​ത്ത​ണം. കൊ​തു​കു​വ​ല ഉ​പ​യോ​ഗി​ച്ചും ശ​രീ​രം മു​ഴു​വ​ൻ മൂ​ടു​ന്ന വ​സ്ത്രം ധ​രി​ച്ചും കൊ​തു​കു ക​ടി​യി​ൽ​നി​ന്ന് ര​ക്ഷ തേ​ടു​ന്ന​ത്​ ഡെങ്കി​യ​ട​ക്കം പ​ക​ർ​ച്ച​വ്യാ​ധി​ക​ൾ​ക്ക്​ ത​ട​യി​ടാ​ൻ സ​ഹാ​യ​ക​മാ​ണ്. തി​ള​പ്പി​ച്ചാ​റി​യ വെ​ള്ളം മാ​ത്രം കു​ടി​ക്കാ​നും കി​ണ​റു​ക​ൾ കൃ​ത്യ​മാ​യ ഇ​ട​വേ​ള​ക​ളി​ൽ ബ്ലീ​ച്ചി​ങ് പൗ​ഡ​ർ ഉ​പ​യോ​ഗി​ച്ച് അ​ണു​ന​ശീ​ക​ര​ണം ന​ട​ത്താ​നും ശ്ര​ദ്ധി​ക്ക​ണം. കോ​വി​ഡ് രോ​ഗി​ക​ളു​ടെ എ​ണ്ണം വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ ഡെ​ങ്കി ഉ​ൾ​പ്പെ​ടെ​യു​ള്ള രോ​ഗം ബാ​ധി​ച്ച് ആ​ളു​ക​ളെ ആ​ശു​പ​ത്രി​യി​ൽ പ്ര​വേ​ശി​പ്പി​ക്കേ​ണ്ടി വ​രു​ന്ന സാ​ഹ​ച​ര്യം ഒ​ഴി​വാ​ക്കാ​ൻ കൂ​ട്ടാ​യ പ്ര​വ​ർ​ത്ത​ന​വും ജാ​ഗ്ര​ത​യും ആ​വ​ശ്യ​മാ​ണ്.

ഡെങ്കി​യെ​ന്ന വി​ല്ല​ൻ

ക​ഴി​ഞ്ഞ 17ദി​വ​സ​ത്തി​നി​ടെ പ​നി​യും അ​നു​ബ​ന്ധ ല​ക്ഷ​ണ​വു​മാ​യി ജി​ല്ല​യി​ൽ ആ​ശു​പ​ത്രി​യി​ലെ​ത്തി​യ​ത് 10,180 പേ​രാ​ണ്. ഇ​തി​ൽ കി​ട​ത്തി​ച്ചി​കി​ത്സ​ക്ക് വി​ധേ​യ​രാ​യ​ത് 150 പേ​ർ. ജി​ല്ല​യി​ൽ വി​വി​ധ ആ​ശു​പ​ത്രി​ക​ളി​ലാ​യി അ​വ​സാ​നം ല​ഭി​ക്കു​ന്ന ക​ണ​ക്കു​ക​ള​നു​സ​രി​ച്ച് ഈ ​ദി​വ​സ​ത്തി​നി​ടെ ഡെ​ങ്കി ല​ക്ഷ​ണ​ങ്ങ​ളോ​ടെ ചി​കി​ത്സ​യി​ലു​ള്ള​ത് 292 പേ​രാ​ണ്. 30 പേ​ർ​ക്ക് ഡെ​ങ്കി സ്ഥി​രീ​ക​രി​ച്ചു.

ഡെ​ങ്കി​യ​ട​ക്ക​മു​ള്ള അ​സു​ഖ​ങ്ങ​ൾ​ക്കെ​തി​രെ ജാ​ഗ്ര​ത പു​ല​ർ​ത്തേ​ണ്ട​തു​ണ്ടെ​ന്ന്​ അ​ധി​കൃ​ത​ർ ഓ​ർ​മി​പ്പി​ക്കു​ന്നു. പ​നി, ത​ല​വേ​ദ​ന, ശ​രീ​ര​വേ​ദ​ന, ക​ണ്ണി​ൽ ചു​വ​പ്പും വേ​ദ​ന​യും എ​ന്നി​വ ഉ​ണ്ടാ​യാ​ൽ ശ്ര​ദ്ധി​ക്ക​ണം. കോ​വി​ഡ് പ​ശ്ചാ​ത്ത​ല​ത്തി​ൽ ആ​ദ്യം അ​ടു​ത്തു​ള്ള ആ​ശാ പ്ര​വ​ർ​ത്ത​ക​രെ വി​വ​രം അ​റി​യി​ക്ക​ണം. ഇ​വ​ർ മു​ഖേ​ന ചി​കി​ത്സ സൗ​ക​ര്യം ല​ഭി​ക്കും. പ​ല രോ​ഗ​ങ്ങ​ളു​ടെ​യും ല​ക്ഷ​ണ​മാ​യ​തി​നാ​ല്‍ പ​നി വ​ന്നാ​ല്‍ സ്വ​യം ചി​കി​ത്സ ഒ​ഴി​വാ​ക്ക​ണം.

ഡെ​ങ്കി​പ്പ​നി വി​വി​ധ​ രോ​ഗ​ല​ക്ഷ​ണ​ങ്ങ​ളോ​ടെ പ്ര​ക​ട​മാ​കാം. രോ​ഗ​ല​ക്ഷ​ണ​ങ്ങ​ൾ കാ​ര്യ​മാ​യി പ്ര​ക​ട​മാ​ക്കാ​തെ​യും ഒ​രു വൈ​റ​ൽ പ​നി പോ​ലെ​യും ഡെ​ങ്കി​പ്പ​നി വ​ന്നു​പോ​കാം.

ചി​ല​പ്പോ​ൾ രോ​ഗം സ​ങ്കീ​ർ​ണ​മാ​യി രോ​ഗി​യു​ടെ ജീ​വ​ന് ത​ന്നെ ഭീ​ഷ​ണി​യാ​കു​ന്ന ഡെ​ങ്കു ഹെ​മ​റേ​ജി​ക് ഫീ​വ​ർ, ഡെ​ങ്കു ഷോ​ക്ക് സി​ൻ​ഡ്രോം എ​ന്നീ ഗു​രു​ത​ര​മാ​യ അ​വ​സ്ഥ ഉ​ണ്ടാ​കാം. ഡെ​ങ്കി​പ്പ​നി ര​ണ്ടാ​മ​തും പി​ടി​പെ​ട്ടാ​ൽ കൂ​ടു​ത​ൽ ഗു​രു​ത​ര​മാ​കാം. ആ​ദ്യം രോ​ഗം വ​ന്നു​പോ​യ​ത് ചി​ല​പ്പോ​ൾ അ​റി​യ​ണ​മെ​ന്നി​ല്ല. അ​തി​നാ​ൽ ഡെ​ങ്കി​പ്പ​നി ഉ​ണ്ടാ​യാ​ൽ ര​ണ്ടാ​മ​ത് രോ​ഗം വ​രാ​ത്ത രീ​തി​യി​ൽ ത​ന്നെ അ​തീ​വ ശ്ര​ദ്ധ പു​ല​ർ​ത്ത​ണം.

കി​ണ​റു​ക​ൾ വൃ​ത്തി​യാ​ക്കു​ന്ന​തി​ങ്ങ​നെ..

ഒ​മ്പ​ത​ടി വ്യാ​സ​മു​ള്ള കി​ണ​റി​ന് ഒ​രു​കോ​ൽ വെ​ള്ള​ത്തി​ലേ​ക്ക് (ഒ​രു​പ​ട​വ്) അ​ര ടേ​ബി​ൾ സ്പൂ​ൺ ബ്ലീ​ച്ചി​ങ് പൗ​ഡ​ർ ക​ണ​ക്കി​ലാ​ണ്​ ചേ​ർ​ക്കേ​ണ്ട​ത്. ആ​ദ്യ​മാ​യാ​ണ്​ ചെ​യ്യു​ന്ന​തെ​ങ്കി​ൽ സൂ​പ്പ​ർ ക്ലോ​റി​നേ​ഷ​ൻ ചെ​യ്യ​ണം. ഇ​തി​നാ​യി ബ്ലീ​ച്ചി​ങ് പൗ​ഡ​റി​ന്റെ മേ​ൽ​പ്പ​റ​ഞ്ഞ അ​ള​വ് ഇ​ര​ട്ടി​യാ​ക്ക​ണം. ആ​വ​ശ്യ​ത്തി​നു​ള്ള ബ്ലീ​ച്ചി​ങ് പൗ​ഡ​ർ ഒ​രു പ്ലാ​സ്റ്റി​ക് ബ​ക്ക​റ്റി​ൽ വെ​ള്ള​വു​മാ​യി ന​ന്നാ​യി ഇ​ള​ക്കി ചേ​ർ​ത്ത ശേ​ഷം പ​ത്തു മി​നി​റ്റോ​ളം ഊ​റാ​ൻ അ​നു​വ​ദി​ക്ക​ണം. തു​ട​ർ​ന്ന്​ തെ​ളി​ഞ്ഞ വെ​ള്ളം മാ​ത്രം കി​ണ​റ്റി​ലേ​ക്ക് ഒ​ഴി​ച്ച് ന​ന്നാ​യി ഇ​ള​ക്കു​ക​യും വേ​ണം.