അ​ധി​കൃ​ത​രു​ടെ ശ്ര​ദ്ധ​ക്ക്, പാ​ല​ക്കാ​ട് ന​ഗ​ര​ഹൃ​ദ​യം ഇ​രു​ട്ടി​ലാ​ണ്

പാ​ല​ക്കാ​ട്: ന​ഗ​ര​ഹൃ​ദ​യ​ത്തി​ൽ അ​ന്തി​മ​യ​ങ്ങി​യാ​ൽ ആ​ശ​ങ്ക​യാ​ണ്. കോ​ട്ട​മൈ​താ​നം മു​ത​ൽ ഐ.​എം.​എ ജ​ങ്ഷ​ൻ വ​രെ സ​മാ​ന സ്ഥി​തി. സ​മീ​പ​ത്തു​ള്ള തെ​രു​വു​വി​ള​ക്കു​ക​ൾ എ​ല്ലാം ക​ണ്ണ​ട​ച്ചി​ട്ട് മാ​സ​ങ്ങ​ൾ ക​ഴി​ഞ്ഞു. പ​രാ​തി​യു​മാ​യി വ്യാ​പാ​രി​ക​ളും നാ​ട്ടു​കാ​രും വി​വി​ധ കേ​ന്ദ്ര​ങ്ങ​ളെ സ​മീ​പി​ച്ചെ​ങ്കി​ലും ന​ട​പ​ടി​ക​ളൊ​ന്നു​മാ​യി​ല്ല.

ഉ​ട​ൻ അ​റ്റ​കു​റ്റ​പ്പ​ണി ന​ട​ത്തു​മെ​ന്ന് അ​ധി​കൃ​ത​ർ ആ​വ​ർ​ത്തി​ക്കു​മ്പോ​ഴും എ​പ്പോ​ൾ എ​ന്ന ചോ​ദ്യ​ത്തി​ന് മ​റു​പ​ടി​യി​ല്ലെ​ന്ന് വ്യാ​പാ​രി​യാ​യ ഹ​സ​ൻ മു​ഹ​മ്മ​ദ് ‘മാ​ധ്യ​മ’​ത്തോ​ട് പ​റ​ഞ്ഞു. റോ​ഡി​ന് വ​ശ​ങ്ങ​ളി​ലു​ള്ള ക​ട​ക​ളി​ൽ​നി​ന്ന് വ​രു​​ന്ന വെ​ളി​ച്ച​മി​ല്ലെ​ങ്കി​ൽ റോ​ഡി​ൽ കു​റ്റാ​ക്കൂ​രി​രു​ട്ടാ​ണ്. സ​മീ​പ​ത്തെ ബ​സ് സ്റ്റോ​പ്പു​ക​ള​ട​ക്ക​മു​ള്ള​വ ഇ​രു​ട്ടി​ൽ ത​ന്നെ. ല​ക്ഷ​ങ്ങ​ൾ മു​ട​ക്കി ഹൈ​മാ​സ് ലൈ​റ്റും സ്ട്രീ​റ്റ് ലൈ​റ്റു​മെ​ല്ലാം ഇ​വി​ടെ സ്ഥാ​പി​ച്ചി​ട്ടു​ണ്ട്.

എ​ങ്കി​ലും ഒ​ന്നു​പോ​ലും പ്ര​വ​ർ​ത്ത​ന​സ​ജ്ജ​മ​ല്ല. അ​ടി​യ​ന്ത​ര​മാ​യി തെ​രു​വു​വി​ള​ക്കു​ക​ൾ അ​റ്റ​കു​റ്റ​പ്പ​ണി ന​ട​ത്ത​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. എ​ന്നാ​ൽ, ന​ഗ​ര​ത്തി​ലെ വി​വി​ധ പാ​ർ​ക്കു​ക​ള​ട​ക്കം ന​വീ​ക​രി​ക്കു​ന്ന​തി​ന്റെ ഭാ​ഗ​മാ​യാ​ണ് അ​റ്റ​കു​റ്റ​പ്പ​ണി വൈ​കു​ന്ന​തെ​ന്ന് ന​ഗ​ര​സ​ഭാ​ധി​കൃ​ത​ർ അ​റി​യി​ച്ചു. ന​ഗ​ര​ഹൃ​ദ​യ​ത്തി​ൽ മൈ​താ​ന​മ​ട​ക്ക​മി​ട​ങ്ങ​ളി​ൽ സ്വ​കാ​ര്യ പ​ങ്കാ​ളി​ത്ത​ത്തോ​ടെ ക​ഫ്റ്റീ​രി​യ​ക​ള​ട​ക്കം പ​ദ്ധ​തി​ക​ൾ ആ​സൂ​ത്ര​ണം ചെ​യ്തു​വ​രി​ക​യാ​ണ്. ഇ​ത് യു​ദ്ധ​കാ​ലാ​ടി​സ്ഥാ​ന​ത്തി​ൽ ന​ട​പ്പാ​ക്കു​മെ​ന്നും ന​ഗ​ര​സ​ഭ അ​റി​യി​ച്ചു.