ഗ്രീൻഫീൽഡ് പാത; ഫീൽഡ് സർവേ പൂർത്തിയായില്ല

ക​ല്ല​ടി​ക്കോ​ട്: പാ​ല​ക്കാ​ട്-​കോ​ഴി​ക്കോ​ട് ഗ്രീ​ൻ​ഫീ​ൽ​ഡ് ഹൈ​വേ​ക്ക് സ്ഥ​ലം ഏ​റ്റെ​ടു​ക്കു​ന്ന​തി​ന് മു​ന്നോ​ടി​യാ​യി പാ​ല​ക്കാ​ട് ജി​ല്ല​യി​ൽ റ​വ​ന്യു ഉ​ദ്യോ​ഗ​സ്ഥ​രു​ടെ ഫീ​ൽ​ഡ് സ​ർ​വെ ഇ​നി​യും പൂ​ർ​ത്തി​യാ​യി​ല്ല. ഇ​തോ​ടെ ത്രി​മാ​ന വി​ജ്ഞാ​പ​ന​ത്തോ​ട​നു​ബ​ന്ധി​ച്ച് സ​ർ​വേ സ്കെ​ച്ച് ഉ​ന്ന​തോ​ദ്യോ​ഗ​സ്ഥ​ർ​ക്ക് ല​ഭി​ച്ചി​ല്ല.

പാ​ല​ക്കാ​ട് താ​ലൂ​ക്കി​ലെ പു​തു​ശ്ശേ​രി വി​ല്ലേ​ജി​ൽ ജ​നു​വ​രി ആ​ദ്യ​വാ​ര​മാ​ണ് സ​ർ​വേ ആ​രം​ഭി​ച്ച​ത്. മ​ണ്ണാ​ർ​ക്കാ​ട് താ​ലൂ​ക്കി​ൽ 90 ശ​ത​മാ​നം പൂ​ർ​ത്തി​യാ​യെ​ങ്കി​ലും പൊ​റ്റ​ശ്ശേ​രി വി​ല്ലേ​ജി​ൽ ന​ട​പ​ടി പൂ​ർ​ത്തി​യാ​ക്കാ​നു​ണ്ട്. ജി​ല്ല​യി​ൽ സ​ർ​വേ​ക്കാ​യി 13 ഉ​ദ്യോ​ഗ​സ്ഥ​രാ​ണു​ള്ള​ത്. ആ​വ​ശ്യ​ത്തി​ന് ഉ​ദ്യോ​ഗ​സ്ഥ​രി​ല്ലാ​ത്ത​താ​ണ് ന​ട​പ​ടി ഇ​ഴ​യാ​ൻ കാ​ര​ണം.

15 പേ​രെ​കൂ​ടി സ​ർ​വേ​ക്ക് നി​യോ​ഗി​ച്ച് റ​വ​ന്യൂ വ​കു​പ്പ് ഉ​ത്ത​ര​വി​റ​ക്കി​യി​ട്ടു​ണ്ട്. ഇ​വ​ർ എ​ത്തു​ന്ന​തോ​ടെ വേ​ഗം കൂ​ടും.

പാ​ത ക​ട​ന്നു പോ​കു​ന്ന സ്ഥ​ല​ങ്ങ​ളി​ലെ സ്കെ​ച്ച് തെ​യ്യാ​റാ​യാ​ൽ സ്ഥ​ലം ഏ​റ്റെ​ടു​പ്പി​ന്‍റെ അ​വ​സാ​ന​ഘ​ട്ട​മെ​ന്ന നി​ല​യി​ൽ ത്രി​മാ​ന വി​ജ്ഞാ​പ​നം പു​റ​ത്തി​റ​ക്കും. 2013ലെ ​ഏ​റ്റെ​ടു​ക്ക​ൽ നി​യ​മ​പ്ര​കാ​ര​മാ​ണ് സ്ഥ​ലം ഏ​റ്റെ​ടു​ക്കു​ന്ന​ത്. ഭൂ​മി​യു​ടെ നി​ർ​ണ​യി​ച്ച വി​ല​യു​ടെ ര​ണ്ട​ര ഇ​ര​ട്ടി തു​ക​യാ​വും ന​ഷ്ട​പ​രി​ഹാ​ര​മാ​യി ല​ഭി​ക്കു​ക. സ്ഥ​ലം ഒ​ഴി​യാ​ൻ പ​ര​മാ​വ​ധി ര​ണ്ട് മാ​സം ന​ൽ​കും. ദേ​ശീ​യ​പാ​ത 66 സ്ഥ​ല​മെ​റ്റേ​ടു​പ്പ് നി​യ​മം ഗ്രീ​ൻ​ഫീ​ൽ​ഡ് പാ​ത​ക്കും ബാ​ധ​ക​മാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് ഈ​യി​ടെ സം​സ്ഥാ​ന സ​ർ​ക്കാ​ർ ദേ​ശീ​യ​പാ​ത അ​തോ​റി​റ്റി​ക്ക് ക​ത്ത​യ​ച്ചി​രു​ന്നു. നി​ർ​മി​തി​ക​ളു​ടെ വി​ല നി​ർ​ണ​യി​ക്കു​മ്പോ​ൾ തേ​യ്മാ​ന ചെ​ല​വ് ഒ​ഴി​വാ​ക്ക​ണ​മെ​ന്നാ​ണ് മ​റ്റൊ​രു ആ​വ​ശ്യം.

അ​തേ​സ​മ​യം, വി​ള​ക​ളു​ടെ വി​ല നി​ർ​ണ​യം ഉ​യ​ർ​ത്ത​ണ​മെ​ന്നും ഇ​ര​ക​ളു​ടെ പു​ന​ര​ധി​വാ​സ​ത്തി​ന് പ്ര​ത്യേ​ക പാ​ക്കേ​ജ് അ​നു​വ​ദി​ക്ക​ണ​മെ​ന്നും ഭൂ​മി​യും കി​ട​പ്പാ​ട​വും ന​ഷ്ട​പ്പെ​ടു​ന്ന​വ​ർ ആ​വ​ശ്യ​പ്പെ​ടു​ന്നു​ണ്ട്. ഭാ​ര​ത് മാ​ല​പ​ദ്ധ​തി​ക്ക് കീ​ഴി​ൽ പാ​ല​ക്കാ​ട് മു​ത​ൽ കോ​ഴി​ക്കോ​ട് വ​രെ 121 കി​ലോ​മീ​റ്റ​ർ ദൈ​ർ​ഘ്യ​മു​ള്ള പാ​ത​യാ​ണ് നി​ർ​മി​ക്കു​ക. പാ​ത​ക്ക് മ​ല​പ്പു​റം, പാ​ല​ക്കാ​ട്, കോ​ഴി​ക്കോ​ട് ജി​ല്ല​ക​ളി​ൽ 547 ഹെ​ക്ട​ർ സ്ഥ​ലം ഏ​റ്റെ​ടു​ക്കും. പാ​ല​ക്കാ​ട് മാ​ത്രം പാ​ത​ക്ക് 62 കി​ലോ​മീ​റ്റ​ർ നീ​ള​മു​ണ്ട്.