വിറങ്ങലിച്ച് പാ​ല​ക്കാ​ട്

പാ​ല​ക്കാ​ട്: ശ​ക്ത​മാ​യ മ​ഴ​യി​ൽ പാ​ല​ക്കാ​ട് ടൗ​ൺ പ​രി​ധി​യി​ൽ രൂ​ക്ഷ​മാ​യ വെ​ള്ള​ക്കെ​ട്ട്. പു​ഴ​ക​ളും തോ​ടു​ക​ളും ക​ര​ക​വി​ഞ്ഞൊ​ഴു​കി നി​ര​വ​ധി വീ​ടു​ക​ളി​ൽ വെ​ള്ളം ക​യ​റി. ക​ല്ലേ​പ്പു​ള്ളി 10ാം വാ​ർ​ഡി​ൽ തേ​ക്കി​ൻ​കാ​ട് നാ​യാ​ട്ടും​പാ​റ പ്ര​ദേ​ശ​ത്തു​ള്ള റോ​ഡി​ൽ വെ​ള്ളം ക​യ​റി, വീ​ട്ടു​കാ​​രെ ഒ​ഴി​പ്പി​ച്ചു. 28 പേ​രെ ബ​ന്ധു​വീ​ട്ടു​ക​ളി​ലേ​ക്കും 12 പേ​രെ കു​മ​ര​പു​രം ക്യാ​മ്പി​ലേ​ക്കു​മാ​ണ് മാ​റ്റി​യ​ത്. പു​ല​ർ​ച്ചെ അ​ഞ്ചോ​ടെ​യാ​ണ് വെ​ള്ളം ക​യ​റി​ത്തു​ട​ങ്ങി​യ​ത്. ബോ​ട്ട് ഉ​ൾ​പ്പെ​ടെ സ​ജ്ജീ​ക​ര​ണ​ങ്ങ​ളു​മാ​യി എ​ത്തി​യ ര​ക്ഷാ​സം​ഘം വീ​ട്ടു​കാ​രെ സു​ര​ക്ഷി​ത സ്ഥാ​ന​ങ്ങ​ളി​ലേ​ക്ക് നീ​ക്കി.

രാ​വി​ലെ മു​ത​ൽ കൗ​ൺ​സി​ല​ർ ഡി. ​ഷി​ജി​ത്ത് കു​മാ​ർ ഉ​ൾ​പ്പെ​ടെ നാ​ട്ടു​കാ​ർ സ​ഹാ​യ​ത്തി​നെ​ത്തി​യി​രു​ന്നു. 32 ാം വാ​ർ​ഡ് പു​തു​പ്പ​ള്ളി​തെ​രു​വ് ഭാ​ര​ത് ന​ഗ​ർ, മു​ന​വ്വ​റ ന​ഗ​ർ ഭാ​ഗ​ങ്ങ​ളി​ൽ തോ​ടും ക​നാ​ലും ക​ര​ക​വി​ഞ്ഞൊ​ഴു​കി വീ​ടു​ക​ളി​ലേ​ക്ക് വെ​ള്ളം ക​യ​റി. ദു​രി​ത​മ​നു​ഭ​വി​ക്കു​ന്ന​വ​രെ കൗ​ൺ​സി​ല​ർ എം. ​സു​ലൈ​മാ​ന്‍റെ നേ​തൃ​ത്വ​ത്തി​ൽ നാ​ട്ടു​കാ​രു​ടെ​യും ടീം ​വെ​ൽ​ഫെ​യ​ർ വ​ള​ന്‍റി​യ​ർ​മാ​രു​ടെ​യും സ​ഹ​ക​ര​ണ​ത്തോ​ടെ മാ​റ്റി​പാ​ർ​പ്പി​ച്ചു. പു​തു​പ്പ​ള്ളി തെ​രു​വ് ഹു​ദാ മ​ദ്റ​സ​യി​ൽ ദു​രി​താ​ശ്വാ​സ​ക്യാ​മ്പ് തു​റ​ന്നി​ട്ടു​ണ്ട്.

ഒ​ല​വ​ക്കോ​ട് അ​മ്പ​ട്ടി തോ​ട് ക​വി​ഞ്ഞൊ​ഴു​കി പ​രി​സ​ര​ത്തെ സു​ന്നി ജു​മാ​മ​സ്ജി​ദി​ൽ വെ​ള്ളം ക​യ​റി. മേ​നോ​ൻ​സ് ആ​ശു​പ​ത്രി​ക്ക് പി​ന്നി​ലെ വീ​ടു​ക​ളി​ൽ വെ​ള്ളം ക​യ​റി​യ​തി​നാ​ൽ ആ​ളു​ക​ൾ വീ​ടു​ക​ളൊ​ഴി​ഞ്ഞു. കാ​വി​ൽ​പ്പാ​ട് ഭാ​ഗ​ത്തേ​ക്കു​ള്ള റെ​യി​ൽ​വേ അ​ടി​പാ​ത​യി​ൽ വെ​ള്ളം നി​റ​ഞ്ഞ​തി​നാ​ൽ ഇ​തു​വ​ഴി യാ​ത്ര അ​സാ​ധ്യ​മാ​യി. പ്ര​ദേ​ശ​ത്തെ മു​ത്ത് ഗാ​ർ​ഡ​ൻ​സ് നി​വാ​സി​ക​ൾ ഒ​റ്റ​പെ​ട്ടു. കാ​ത്ത​ലി​ക് സി​റി​യ​ൻ ബാ​ങ്കി​ന് പി​ൻ​വ​ശ​ത്ത് ഐ​ശ്വ​ര്യ ന​ഗ​റി​ൽ വീ​ടു​ക​ൾ പ​കു​തി​യോ​ളം വെ​ള്ള​ത്തി​ലാ​യി. ക​ൽ​പാ​ത്തി​ക്ക് സ​മീ​പം സു​ന്ദ​ര​ൻ കോ​ള​നി​യി​ൽ കു​ന്നും​പു​റം ശ​ങ്കു​വാ​ര​ത്തോ​ട്, കു​മാ​ര​സ്വാ​മി കോ​ള​നി എ​ന്നി​വി​ട​ങ്ങ​ളി​ൽ വെ​ള്ളം ക​യ​റി. തോ​ടി​നു സ​മീ​പ​ത്തെ കെ​ട്ടി​ട​ത്തി​ന് പി​ന്നി​ലെ ക​രി​ങ്ക​ൽ കെ​ട്ട് ഒ​ഴു​കി​പോ​യി. പ​ഴ​യ കാ​വി​ൽ​പാ​ട് റോ​ഡി​ൽ രൂ​പ​പ്പെ​ട്ട വെ​ള്ള​ക്കെ​ട്ടി​ൽ നി​ര​വ​ധി വീ​ടു​ക​ളി​ൽ വെ​ള്ളം ക​യ​റി. ന​വ​ജ്യോ​തി ന​ഗ​ർ, സ​ര​യൂ ന​ഗ​ർ, ഐ​ശ്വ​ര്യ കോ​ള​നി എ​ന്നി​വി​ട​ങ്ങ​ളി​ലെ വീ​ടു​ക​ളി​ൽ വെ​ള്ളം ക​യ​റി. ഇ​വി​ടെ റെ​യി​ൽ​വേ​യു​ടെ ഓ​വു​ചാ​ൽ മ​രം വീ​ണു അ​ട​ഞ്ഞു​കി​ട​ന്ന​ത് വൃ​ത്തി​യാ​കാ​ത്ത​തി​നാ​ൽ വെ​ള്ള​ക്കെ​ട്ട്‌ രൂ​ക്ഷ​മാ​ക്കി. ഇ​ന്ദി​ര​ഗാ​ന്ധി മു​നി​സി​പ്പ​ൽ സ്റ്റേ​ഡി​യം പ​രി​സ​ര​ത്ത് തോ​ടു​ക​ളി​ലെ മാ​ലി​ന്യ നീ​ക്കാ​ത്ത​തി​നാ​ൽ വെ​ള്ള​ക്കെ​ട്ട് രൂ​ക്ഷ​മാ​യി. വ്യാ​പാ​ര സ്ഥാ​പ​ന​ങ്ങ​ളി​ൽ വെ​ള്ളം ക​യ​റി ക​ന​ത്ത നാ​ശ​ന​ഷ്ട​മു​ണ്ടാ​യി.

കരകവിഞ്ഞ് ഗാ​യ​ത്രി പു​ഴ; ആ​ല​മ്പ​ള്ള​ത്ത് ക്യാ​മ്പ് തു​റ​ന്നു

വ​ട​വ​ന്നൂ​ർ: ഗാ​യ​ത്രി പു​ഴ​യി​ൽ നീ​രൊ​ഴു​ക്ക് വ​ർ​ധി​ച്ചു. വി.​പി. ത​റ​യി​ലെ 19 കു​ടും​ബ​ങ്ങ​ളെ ദു​രി​താ​ശ്വാ​സ ക്യാ​മ്പി​ലേ​ക്ക് മാ​റ്റി​പ്പാ​ർ​പ്പി​ച്ചു. പു​ഴ​യി​ലെ നീ​രൊ​ഴു​ക്ക് വ​ർ​ധി​ച്ച​തോ​ടെ​യാ​ണ് തി​ങ്ക​ളാ​ഴ്ച രാ​ത്രി 11.30 ഓ​ടെ ഇ​വ​രെ മാ​റ്റി​പ്പാ​ർ​പ്പി​ക്കാ​ൻ റ​വ​ന്യൂ വ​കു​പ്പും പൊ​ലീ​സും ത​യാ​റാ​യ​ത്.

ആ​ദ്യം ക​ല്യാ​ണ മ​ണ്ഠ​പ​ത്തി​ലും പി​ന്നീ​ട് ആ​ല​മ്പ​ലം എ.​യു.​പി സ്കൂ​ളി​ലും ക്യാ​മ്പ് ആ​രം​ഭി​ക്കു​ക​യാ​യി​രു​ന്നു. 19 കു​ടും​ബ​ങ്ങ​ളി​ലെ 56 അം​ഗ​ങ്ങ​ളെ ക്യാ​മ്പി​ലേ​ക്ക് മാ​റ്റി. വി​ദ്യാ​ർ​ഥി​ക​ൾ മു​ത​ൽ വ​യോ​ധി​ക​ർ വ​രെ ക്യാ​മ്പി​ലു​ണ്ട്.

ചി​ല​ർ​ക്ക് പ​നി​യും ചു​മ​യും ഉ​ണ്ടാ​യി​രു​ന്ന​തി​നാ​ൽ വ​ട​വ​ന്നൂ​ർ മെ​ഡി​ക്ക​ൽ ഓ​ഫി​സ​റു​ടെ നേ​തൃ​ത്വ​ത്തി​ൽ പ​രി​ശോ​ധ​ന ന​ട​ത്തി മ​രു​ന്നു ന​ൽ​കി. വി​ല്ലേ​ജ് അ​സി​സ്റ്റ​ന്‍റ് മോ​ഹ​ൻ​ദാ​സ് പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കി. 19 വീ​ടു​ക​ളി​ലും വെ​ള്ളം ക​യ​റി​യ​തി​നാ​ൽ ജ​ല​നി​ര​പ്പ് താ​ഴു​ന്ന​ത് വ​രെ ഇ​വ​ർ ക്യാ​മ്പി​ൽ തു​ട​രും.

അ​ല​മ്പ​ലം എ.​യു.​പി സ്കൂ​ളി​ൽ പ്ര​വ​ർ​ത്തി​ക്കു​ന്ന ദു​രി​താ​ശ്വാ​സ ക്യാ​മ്പി​ൽ ഭ​ക്ഷ​ണ​വും മ​രു​ന്നും അ​നു​ബ​ന്ധ സാ​മ​ഗ്രി​ക​ളും ഒ​രു​ക്കി​യി​ട്ടു​ണ്ടെ​ന്ന് വ​ട​വ​ന്നൂ​ർ വി​ല്ലേ​ജ് അ​സി​സ്റ്റ​ൻ​റ് മോ​ഹ​ൻ​ദാ​സ് പ​റ​ഞ്ഞു. ജ​ല​ജ​ന്യ രോ​ഗ​ങ്ങ​ൾ പ​ട​രാ​തി​രി​ക്കാ​നു​ള്ള പ​രി​ശോ​ധ​ന​ക​ളും മ​രു​ന്നു​ക​ളും ദു​രി​താ​ശ്വാ​സ ക്യാ​മ്പി​ൽ​നി​ന്ന് ന​ൽ​കു​ന്നു​ണ്ട്.വ​യോ​ജ​ന​ങ്ങ​ൾ​ക്ക് പ​ക​ർ​ച്ച പ​നി പ​ട​രാ​തി​രി​ക്കാ​നും കു​ട്ടി​ക​ൾ​ക്ക് വ​യ​റു​വേ​ദ​ന പോ​ലു​ള്ള രോ​ഗ​ങ്ങ​ൾ വ​രാ​തി​രി​ക്കാ​നു​മു​ള്ള മു​ൻ​ക​രു​ത​ൽ ന​ട​ത്തി​വ​രു​ന്ന​താ​യി വ​ട​വ​ന്നൂ​ർ മെ​ഡി​ക്ക​ൽ ഓ​ഫി​സ​ർ പ​റ​ഞ്ഞു.

കൊ​ല്ല​ങ്കോ​ട്ട് വീ​ടു​ക​ൾ ത​ക​ർ​ന്നു

കൊ​ല്ല​ങ്കോ​ട്: ത്രാ​മ​ണി​യി​ൽ രു​ഗ്മ​ണി​യു​ടെ വീ​ടും പ​യ്യ​ന്നൂ​ർ പൂ​ള​പ​റ​മ്പ് ഒ​ടി​ഞ്ഞാ​ൽ മാ​ധ​വി പ​ണി​ക്ക​ത്തി​യാ​രു​ടെ വീ​ടു​കൾ ത​ക​ർ​ന്നു. മാ​ധ​വി​യു​ടെ വീ​ടി​നു​മു​ക​ളി​ൽ മ​രം വീ​ഴു​ക​യാ​യി​രു​ന്നു. എ​ട്ടു​പേ​രാ​ണ് മാ​ധ​വി​യു​ടെ വീ​ട്ടി​ൽ താ​മ​സി​ക്കു​ന്ന​ത്. മ​രം വീ​ഴു​ന്ന സ​മ​യ​ത്ത് വീ​ടി​ന​ക​ത്ത് ആ​ളു​ണ്ടാ​യി​രു​ന്നെ​ങ്കി​ലും പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. ത്രാ​മ​ണി​യി​ൽ മ​ണി​യു​ടെ ഭാ​ര്യ രു​ഗ്മ​ണി​യു​ടെ വീ​ടി​ന്‍റെ ഭി​ത്തി​ക​ളാ​ണ് ത​ക​ർ​ന്ന​ത്. മൂ​ന്ന് മു​റി​ക​ളു​ടെ ഭി​ത്തി​ക​ൾ പു​ർ​ണ​മാ​യും ത​ക​രു​ക​യും മ​റ്റു ര​ണ്ടു മു​റി​ക​ളു​ടെ ഭി​ത്തി​ക​ൾ​ക്ക് വി​ള്ള​ൽ ഉ​ണ്ടാ​വു​ക​യും ചെ​യ്തു. വീ​ട്ടി​ൽ താ​മ​സി​ക്ക​രു​തെ​ന്നാ​ണ് അ​ധി​കൃ​ത​ർ നി​ർ​ദേ​ശി​ച്ച​ത്. ശ​ക്ത​മാ​യ മ​ഴ​മൂ​ലം കൊ​ല്ല​ങ്കോ​ട്, മു​ത​ല​മ​ട, എ​ല​വ​ഞ്ചേ​രി, പ​ല്ല​ശ്ശ​ന, പു​തു​ന​ഗ​രം മേ​ഖ​ല​ക​ളി​ൽ ഇ​രു​പ​തി​ല​ധി​കം വീ​ടു​ക​ളു​ടെ ഭി​ത്തി​ക​ൾ​ക്ക് വി​ള്ള​ലു​ണ്ടാ​യി​ട്ടു​ണ്ട്.

ച​ന്ദ​ന​പു​റ​ത്ത് വീ​ടു​ക​ൾ വെ​ള്ള​ത്തി​ൽ

മ​ണ്ണൂ​ർ: മ​ങ്ക​ര ച​വി​റ്റി​ല​തോ​ട് ക​ര​ക​വി​ഞ്ഞൊ​ഴു​കി​യ​തോ​ടെ ച​ന്ദ​ന​പു​റ​ത്തെ ര​ണ്ടു വീ​ടു​ക​ൾ വെ​ള്ള​ത്തി​ൽ മു​ങ്ങി. പാ​ണ്ട​ൻ​ത​റ അ​ർ​ഷാ​ദ്, വി​പി​ൻ​ദാ​സ് എ​ന്നി​വ​രു​ടെ വീ​ടാ​ണ് തി​ങ്ക​ളാ​ഴ്ച രാ​ത്രി​യോ​ടെ വെ​ള്ള​ത്തി​ൽ മു​ങ്ങി​യ​ത്. വി​പി​ൻ ദാ​സി​ന്‍റെ നാ​ലം​ഗ കു​ടും​ബ​വും അ​ർ​ഷാ​ദി​ന്‍റെ അ​ഞ്ചം​ഗ കു​ടും​ബ​വു​മാ​ണ് ദു​രി​ത​ത്തി​ലാ​യ​ത്. സ​മീ​പ​ത്തെ നെ​ൽ​പാ​ട​ങ്ങ​ളും മു​ങ്ങി​ന​ശി​ച്ചു. പ​ഞ്ചാ​യ​ത്ത് ഉ​പാ​ധ്യ​ക്ഷ​ൻ ഒ.​വി. സ്വാ​മി​നാ​ഥ​ൻ സ്ഥ​ലം സ​ന്ദ​ർ​ശി​ച്ചു.

മു​ള​ഞ്ഞൂ​ർ തോ​ട് ക​ര​ക​വി​ഞ്ഞൊ​ഴു​കി; വീ​ടു​ക​ൾ വെ​ള്ള​ത്തി​ൽ

ല​ക്കി​ടി: മു​ള​ഞ്ഞൂ​ർ തോ​ട് ക​ര​ക​വി​ഞ്ഞൊ​ഴു​കി നി​ര​വ​ധി വീ​ടു​ക​ളി​ൽ വെ​ള്ളം ക​യ​റി. സ​മീ​പ​ത്തെ ഏ​ക്ക​ർ ക​ണ​ക്കി​ന് നെ​ൽ​കൃ​ഷി ന​ശി​ച്ചു. പാ​ത​ക്ക​ട​വ് ശു​ദ്ധ​ജ​ല പ​ദ്ധ​തി​യും വെ​ള്ള​ത്തി​ലാ​യി. വീ​ടു​ക​ളി​ൽ വെ​ള്ളം ക​യ​റി​യ നാ​ലു​കു​ടും​ബ​ങ്ങ​ളെ മാ​റ്റി താ​മ​സി​പ്പി​ച്ചു. മ​പ്പാ​ട​ത്ത് നൊ​ട്ടി​യ​ത്ത് ഹ​രി, ശ്രീ​നി​ല​യം ഗോ​പ​കു​മാ​ർ, ബാ​ല​കൃ​ഷ്ണ​ൻ വെ​ള്ളി​കു​ള​ങ്ങ​ര, സ​ര​സ്വ​തി, എ​ന്നി​വ​രെ​യാ​ണ് ബ​ന്ധു​വീ​ടു​ക​ളി​ലേ​ക്ക് മാ​റ്റി​യ​ത്.

ക​ലി​തു​ള്ളി ക​ണ്ണാ​ടി​പ്പു​ഴ

പ​റ​ളി: ക​ണ്ണാ​ടി​പ്പു​ഴ ഇ​രു​ക​ര​യും ക​വി​ഞ്ഞൊ​ഴു​കി​യ​തോ​ടെ പ​റ​ളി ഓ​ട​നൂ​ർ പ​തി​പ്പാ​ലം വെ​ള്ള​ത്തി​ന​ടി​യി​ലാ​യി. വെ​ള്ള​ത്തോ​ടൊ​പ്പം കു​ള​ച്ച​ണ്ടി ഒ​ഴു​കി​യെ​ത്തി കൈ​വ​രി​ക​ളി​ലും മ​റ്റും അ​ടി​ഞ്ഞു​കൂ​ടി​യ​താ​ണ് വെ​ള്ളം ക്ര​മാ​തീ​ത​മാ​യി ഉ​യ​രാ​ൻ ഇ​ട​യാ​ക്കി​യ​ത്. പു​ഴ​യു​ടെ ഇ​രു​വ​ശ​ങ്ങ​ളി​ലും പൊ​ലീ​സ് വ​ടം​കെ​ട്ടി ആ​ളു​ക​ൾ ഇ​റ​ങ്ങു​ന്ന​ത് ത​ട​ഞ്ഞി​ട്ടു​ണ്ട്. പാ​ലം മു​ങ്ങി​യ​തോ​ടെ ഓ​ട​നൂ​ർ, ന​ടു​വ​ശ്ശേ​രി, വാ​ഴ​പ്പ​ള്ളം പ്ര​ദേ​ശ​ങ്ങ​ൾ തീ​ർ​ത്തും ഒ​റ്റ​പ്പെ​ട്ടി​രി​ക്കു​ക​യാ​ണ്.

ആ​ല​ത്തൂ​രി​ൽ 449 കു​ടും​ബ​ങ്ങ​ളെ മാ​റ്റി​

ആ​ല​ത്തൂ​ർ: താ​ലൂ​ക്കി​ന്‍റെ വി​വി​ധ ഭാ​ഗ​ങ്ങ​ളി​ൽ 20 ദു​രി​താ​ശ്വാ​സ ക്യാ​മ്പു​ക​ൾ തു​ട​ങ്ങി. 449 കു​ടും​ബ​ങ്ങ​ളെ മാ​റ്റി​പാ​ർ​പ്പി​ച്ചു. ക്യാ​മ്പു​ക​ൾ പു​തു​ക്കോ​ട് വി​ല്ലേ​ജി​ൽ നാ​ല്, കാ​വ​ശ്ശേ​രി​യി​ൽ മൂ​ന്ന്, വ​ട​ക്ക​ഞ്ചേ​രി​യി​ൽ നാ​ല്, കി​ഴ​ക്ക​ഞ്ചേ​രി ര​ണ്ട്, ആ​ല​ത്തൂ​ർ ര​ണ്ട്, വ​ണ്ടാ​ഴി ര​ണ്ട്, ക​ണ്ണ​ബ്ര ര​ണ്ട്, മേ​ലാ​ർ​ക്കോ​ട് വി​ല്ലേ​ജി​ൽ ഒ​ന്ന് എ​ന്നി​ങ്ങ​നെ​യാ​ണ് ക്യാ​മ്പു​ക​ൾ തു​ട​ങ്ങി​യ​ത്.

കൊ​ള റോ​ഡ് ക​നാ​ൽ ബ​ണ്ട് ത​ക​ർ​ന്നു

ആ​ല​ത്തൂ​ർ: ക​ന​ത്ത മ​ഴ​യി​ൽ നി​റ​ഞ്ഞൊ​ഴു​കു​ന്ന മ​ല​മ്പു​ഴ പ​ദ്ധ​തി​യു​ടെ ചൂ​ല​നൂ​ർ മെ​യി​ൻ ക​നാ​ലി​ന്‍റെ ബ​ണ്ട് തോ​ണി​പ്പാ​ടം കൊ​ള റോ​ഡ് ഭാ​ഗ​ത്ത് ഇ​ടി​ഞ്ഞു ത​ക​ർ​ന്നു. തോ​ണി​പാ​ട​ത്തു​നി​ന്ന് ചി​റ​ക്കോ​ട്ടി​ലേ​ക്ക് നി​ർ​മി​ച്ച ബ​ണ്ടാ​ണ് ത​ക​ർ​ന്ന​ത്. ഇ​തേ​തു​ട​ർ​ന്ന് ഇ​തു​വ​ഴി​യു​ള്ള സ​ഞ്ചാ​രം ത​ട​സ്സ​പ്പെ​ട്ടു.

ക​നാ​ലി​ന​ക​ത്ത് വ​ള​ർ​ന്ന മ​രം വെ​ട്ടി​ക​ള​യാ​ത്ത​തി​നാ​ൽ വേ​രു​ക​ളി​ലും ശി​ഖ​ര​ങ്ങ​ളി​ലും മാ​ലി​ന്യം നി​റ​ഞ്ഞ് വെ​ള്ളം ഒ​ഴു​കി​പോ​കാ​ൻ സാ​ധി​ക്കാ​ത്ത​താ​ണ് ബ​ണ്ട് ത​ക​ർ​ച്ച​ക്ക് കാ​ര​ണ​മാ​യ​ത്.

ക​നാ​ലി​ന്‍റെ ഇ​രു​വ​ശ​ങ്ങ​ളി​ലും നെ​ൽ​പാ​ട​ങ്ങ​ളാ​ണ്. ബ​ണ്ട് പൊ​ട്ടി​യാ​ൽ ഏ​ക്ക​ർ ക​ണ​ക്കി​ന് കൃ​ഷി ന​ശി​ക്കാ​നി​ട​വ​രും. ഇ​പ്പോ​ൾ ത​ക​ർ​ന്ന ബ​ണ്ടി​ന്‍റെ കു​റ​ച്ച​ക​ലെ അ​ഞ്ച് ഓ​വ് ഭാ​ഗ​ത്ത് 2018ലും ​ബ​ണ്ട് ത​ക​ർ​ന്നി​രു​ന്നു. അ​ന്ന് ആ ​ഭാ​ഗ​ത്തെ നെ​ൽ​കൃ​ഷി​യി​ടം നി​ക​ന്നു പോ​കു​ക​യും ബ​ണ്ട് പു​ന​ർ​നി​ർ​മ്മാ​ണം ന​ട​ത്താ​ൻ ല​ക്ഷ​ങ്ങ​ൾ ചി​ല​വ​ഴി​ക്കേ​ണ്ട​താ​യും വ​ന്നു. മെ​യി​ൻ ക​നാ​ലു​ക​ൾ സം​ര​ക്ഷി​ക്കാ​ൻ മു​ൻ​കാ​ല​ങ്ങ​ളി​ൽ ആ​ളു​ക​ളെ നി​യോ​ഗി​ച്ചി​രു​ന്നു. ഇ​പ്പോ​ൾ ആ ​സം​വി​ധാ​ന​മി​ല്ല. അ​തു​കൊ​ണ്ട് ചെ​റി​യ ത​ക​രാ​റു​ക​ൾ യ​ഥാ​സ​മ​യം അ​റി​യി​ക്കാ​നോ ന​ന്നാ​ക്കാ​നോ ക​ഴി​യാ​റി​ല്ല.

കോ​ട്ടാ​യി​യി​ൽ നെ​ൽ​കൃ​ഷി വെ​ള്ള​ത്തി​ൽ

കോ​ട്ടാ​യി: തി​മ​ർ​ത്തു​പെ​യ്ത മ​ഴ​യി​ൽ കോ​ട്ടാ​യി മേ​ഖ​ല​യി​ൽ ക​ന​ത്ത നാ​ശം. നൂ​റു​ക​ണ​ക്കി​ന് ന​ടീ​ൽ ക​ഴി​ഞ്ഞ വ​യ​ലു​ക​ൾ വെ​ള്ള​ത്തി​ന​ടി​യി​ലാ​യി. ക​ർ​ഷ​ക​ർ അ​ങ്ക​ലാ​പ്പി​ലാ​ണ്. കു​ന്താ​ല​തോ​ട് ക​ര​ക​വി​ഞ്ഞ​താ​ണ് കൃ​ഷി വെ​ള്ള​ത്തി​ൽ മു​ങ്ങാ​ൻ കാ​ര​ണം. കോ​ട്ടാ​യി ചെ​റു​കു​ളം മ​യ​ൻ​പ​റ​മ്പ് കോ​ള​നി​യി​ലും ചെ​റി​യ തോ​തി​ൽ വെ​ള്ളം ക​യ​റി.

ച​ക്കും​പു​റം തോ​ട്ടു​പാ​ലം മു​ങ്ങി

പെ​രി​ങ്ങോ​ട്ടു​കു​റു​ശ്ശി: പെ​രി​ങ്ങോ​ട്ടു​കു​റു​ശ്ശി മേ​ഖ​ല​യി​ൽ വ്യാ​പ​ക​നാ​ശം. വീ​ടു​ക​ൾ ത​ക​ർ​ന്നു. ന​ടു​വ​ത്ത​പ്പാ​റ ചേ​ട്ടി​യാ​ൻ​കാ​ട് വി​മ​ല​യു​ടെ വീ​ട് മ​ഴ​യി​ൽ നി​ലം​പ​തി​ച്ചു. ച​ക്കും​പു​റം തോ​ട് ക​ര​ക​വി​ഞ്ഞ് തോ​ട്ടു​പാ​ല​ത്തി​ൽ അ​ഞ്ച​ടി​യോ​ളം വെ​ള്ള​മു​യ​ർ​ന്നു. ഇ​തോ​ടെ ച​ക്കും​പു​റ​ത്തേ​ക്കു​ള്ള എ​ല്ലാ ബ​ന്ധ​വും നി​ല​ച്ച് തീ​ർ​ത്തും ഒ​റ്റ​പ്പെ​ട്ടു.

മ​ങ്ക​ര ക​ല്ലൂ​ർ പെ​രു​മ​ഞ്ചി​റ പാ​ലം ത​ക​ർ​ന്നു

മ​ങ്ക​ര: മ​ഴ​യി​ൽ തോ​ട് കു​ത്തി​യൊ​ഴു​കി മ​ങ്ക​ര ക​ല്ലൂ​ർ പെ​രു​മ​ഞ്ചി​റ തോ​ട്ടു​പാ​ലം ത​ക​ർ​ന്നു. ഇ​തോ​ടെ മ​ങ്ക​ര പെ​രു​മ​ഞ്ചി​റ ക​ല്ലൂ​ർ റോ​ഡി​ലെ ഗ​താ​ഗ​തം ത​ട​സ്സ​പെ​ട്ടു. നെ​ൽ​പാ​ട​ങ്ങ​ളും വെ​ള്ള​ത്തി​ലാ​യി. ഒ​രു വ​ർ​ഷം മു​മ്പും കാ​ല​വ​ർ​ഷ​ക്കെ​ടു​തി​യി​ൽ പാ​ലം ത​ക​ർ​ന്നി​രു​ന്നു. തു​ട​ർ​ന്ന് പ​ഞ്ചാ​യ​ത്ത് താ​ൽ​ക്കാ​ലി​ക​മാ​യി പ്ര​വൃ​ത്തി ന​ട​ത്തി ഗ​താ​ഗ​ത​ത്തി​ന് തു​റ​ന്ന് ന​ൽ​കി​യി​രു​ന്നു. സ​മീ​പ​ത്തെ പെ​രു​മ​ഞ്ചി​റ​ക്ഷേ​ത്ര​ത്തി​ന് മു​ന്നി​ലും വെ​ള്ളം ഉ​യ​ർ​ന്നു. മ​ങ്ക​ര-​കേ​ര​ള​ശേ​രി-​കോ​ങ്ങാ​ട് പ​ഞ്ചാ​യ​ത്തു​ക​ളെ ത​മ്മി​ൽ ബ​ന്ധി​പ്പി​ക്കു​ന്ന റോ​ഡാ​ണി​ത്. സ്ഥ​ലം മ​ങ്ക​ര ഗ്രാ​മ പ​ഞ്ചാ​യ​ത്ത് പ്ര​സി​ഡ​ന്‍റ് എം.​എ​ൻ. ഗോ​കു​ൽ​ദാ​സ് സ​ന്ദ​ർ​ശി​ച്ചു.

കൂ​ട്ടി​ല​ക്ക​ട​വ് റോ​ഡ് അ​ട​ച്ചു

ശ്രീ​കൃ​ഷ്ണ​പു​രം: ഇ​രു​ക​ര​മു​ട്ടി ക​രി​മ്പു​ഴ നി​റ​ഞ്ഞൊ​ഴു​കി​യ​തോ​ടെ റോ​ഡു​ക​ളി​ലും വീ​ടു​ക​ളി​ലും വെ​ള്ളം ക​യ​റി. ക​രി​മ്പു​ഴ-​കൂ​ട്ടി​ല​ക്ക​ട​വ് റോ​ഡ് വെ​ള്ളം ക​യ​റി​യ​തി​നാ​ൽ അ​ട​ച്ചു. കൂ​ട്ടി​ല​ക്ക​ട​വ് ചെ​റു​പു​ഴ പാ​ലം ക​വി​ഞ്ഞൊ​ഴു​കി​യ​തി​നാ​ൽ കൂ​ട്ടി​ല​ക്ക​ട​വ്-​മ​ണ്ണ​മ്പ​റ്റ റോ​ഡും അ​ട​ച്ചു. മ​ണ്ണ​മ്പ​റ്റ പാ​റ​ക്ക​ട​വ് സു​ബ്ര​ഹ്മ​ണ്യ​സ്വാ​മി ക്ഷേ​ത്ര​ത്തി​ൽ വെ​ള്ളം ക​യ​റി. രാ​വി​ല​ത്തെ നി​ത്യ​പൂ​ജ​ക​ളും ഔ​ഷ​ധ​ക്ക​ഞ്ഞി വി​ത​ര​ണം, രാ​മാ​യ​ണ പാ​രാ​യ​ണം എ​ന്നി​വ മു​ട​ങ്ങി. ക​രി​മ്പു​ഴ ഗ്രാ​മ പ​ഞ്ചാ​യ​ത്തി​ലെ ചെ​റാ​യ പ്ര​ഭാ​ക​ര​ൻ, പു​ലാ​ശ്ശേ​രി ഷെ​രീ​ഫ്, ചെ​റാ​യ മു​ര​ളി, വി​ത്ത് പ​റ​മ്പി​ൽ ഗോ​പാ​ല​കൃ​ഷ്ണ​ൻ എ​ന്നി​വ​രു​ടെ വീ​ടു​ക​ളി​ൽ വെ​ള്ളം ക​യ​റി. ഇ​വ​രെ മാ​റ്റി പാ​ർ​പ്പി​ച്ചു. വെ​ള്ളം ക​യ​റി​യ വീ​ടു​ക​ളും പ്ര​ദേ​ശ​ങ്ങ​ളും ക​രി​മ്പു​ഴ ഗ്രാ​മ പ​ഞ്ചാ​യ​ത്ത്‌ പ്ര​സി​ഡ​ന്‍റ് കെ.​എം. ഹ​നീ​ഫ സ​ന്ദ​ർ​ശി​ച്ചു.

വെ​ള്ള​ക്കെ​ട്ട്; മം​ഗ​ലം-​ഗോ​വി​ന്ദാ​പു​രം പാ​ത​യി​ൽ ഗ​താ​ഗ​ത ത​ട​സ്സം

കൊ​ല്ല​ങ്കോ​ട്: മം​ഗ​ലം-​ഗോ​വി​ന്ദാ​പു​രം റോ​ഡി​ൽ വെ​ള്ള​ക്കെ​ട്ട്. പ​ത്ത് മ​ണി​ക്കൂ​റോ​ളം ഗ​താ​ഗ​തം ത​ട​സ്സ​പ്പെ​ട്ടു. വ​ട്ടേ​ക്കാ​ട് പ്ര​ദേ​ശ​ത്ത് തോ​ടു​ക​ൾ ക​ര​ക​വി​ഞ്ഞ​തി​നാ​ൽ വെ​ള്ളം റോ​ഡി​ലൂ​ടെ ക​വി​ഞ്ഞൊ​ഴു​കി.ഇ​തു​മൂ​ലം ചെ​റി​യ വാ​ഹ​ന​ങ്ങ​ളു​ടെ ഗ​താ​ഗ​ത ത​ട​സ്സം ഉ​ണ്ടാ​യി. ചൊ​വ്വാ​ഴ്ച പു​ല​ർ​ച്ചെ നാ​ലി​ന് ആ​രം​ഭി​ച്ച ഗ​താ​ഗ​ത ത​ട​സ്സം ഉ​ച്ച​ക​ഴി​ഞ്ഞ് മൂ​ന്ന​ര​വ​രെ നീ​ണ്ടു​നി​ന്നു. ചെ​റി​യ വാ​ഹ​ന​ങ്ങ​ൾ പ​ല്ല​ശ്ശ​ന വ​ഴി​യാ​ണ് പോ​യ​ത്. ചാ​ത്ത​ൻ​പാ​റ-​അ​ടി​വാ​രം റോ​ഡി​ൽ ഇ​ക്ഷു​മ​തി പു​ഴ ക​ര​ക​വി​ഞ്ഞ് ഒ​ഴു​കി​യ​തി​നാ​ൽ ഗ​താ​ഗ​തം ത​ട​സ്സ​പ്പെ​ട്ടു. സീ​താ​ർ​കു​ണ്ട് പു​ഴ​യും ക​ര​ക​വി​ഞ്ഞു. കൊ​ല്ല​ങ്കോ​ട് ടൗ​ണി​ൽ പാ​ല​ക്കാ​ട് റോ​ഡി​ൽ ബ​സ് സ്റ്റാ​ൻ​ഡ് ജ​ങ്ഷ​നി​ൽ വെ​ള്ളം ക​യ​റി. പെ​ട്രോ​ൾ ബ​ങ്കി​ൽ വെ​ള്ളം ക​യ​റി​യ​തി​നെ തു​ട​ർ​ന്ന് ഇ​ന്ധ​ന വി​ത​ര​ണം നി​ല​ച്ചു. പാ​ല​ക്കാ​ട് വ​ഴി ഇ​രു​ച​ക്ര​വാ​ഹ​ന​ങ്ങ​ളു​ടെ ഗ​താ​ഗ​തം നാ​ലു മ​ണി​ക്കൂ​ർ ത​ട​സ്സ​പ്പെ​ട്ടു.

ല​ക്കി​ടി​യി​ൽ വീ​ട് ത​ക​ർ​ന്നു

ല​ക്കി​ടി: ല​ക്കി​ടി ന​മ്പ്യാ​ർ​ത്തൊ​ടി ര​ത്ന​കു​മാ​രി​യു​ടെ വീ​ട് ചു​മ​രി​ടി​ഞ്ഞ് ത​ക​ർ​ന്ന​ു. അ​ന്തി​യു​റ​ങ്ങാ​ൻ ക​ഴി​യാ​ത്ത അ​വ​സ്ഥ​യി​ലാ​ണ് കു​ടും​ബം. വാ​ർ​ഡം​ഗം കെ. ​ശ്രീ​വ​ത്സ​ൻ സ്ഥ​ലം സ​ന്ദ​ർ​ശി​ച്ചു.

റോ​ഡു​ക​ളി​ൽ വെ​ള്ളം ക​യ​റി; ആ​ല​ത്തൂ​രി​ൽ ഗ​താ​ഗ​തം മു​ട​ങ്ങി

ആ​ല​ത്തൂ​ർ: താ​ലൂ​ക്കി​ന്‍റെ വി​വി​ധ പ്ര​ദേ​ശ​ങ്ങ​ളി​ലെ പ്ര​ധാ​ന റോ​ഡു​ക​ളി​ൽ വെ​ള്ളം ക​യ​റി. ഇ​തേ​തു​ട​ർ​ന്ന് ആ​ല​ത്തൂ​ർ വ​ഴി​യു​ള്ള ബ​സ് ഗ​താ​ഗ​തം മു​ട​ങ്ങി. ചൊ​വ്വാ​ഴ്ച ആ​ല​ത്തൂ​രി​ൽ സ്വ​കാ​ര്യ ബ​സു​ക​ൾ ഓ​ടി​യി​ല്ല. ദേ​ശീ​യ​പാ​ത വ​ഴി കെ.​എ​സ്.​ആ​ർ.​ടി.​സി​യു​ടെ ദീ​ർ​ഘ​ദൂ​ര സ​ർ​വി​സു​ക​ൾ ഓ​ടി​യെ​ങ്കി​ലും തൃ​ശൂ​ർ-​പാ​ല​ക്കാ​ട് ബ​സു​ക​ളും ഓ​ടി​യി​ല്ല. പ​ല​യി​ട​ത്തും റോ​ഡി​ൽ വെ​ള്ളം ക​യ​റി​യ​താ​ണ് ബ​സ് സ​ർ​വി​സ് മു​ട​ങ്ങാ​ൻ കാ​ര​ണം. ആ​ല​ത്തൂ​ർ പ​ഴ​യ​ന്നൂ​ർ റൂ​ട്ടി​ൽ മ​ല​മ​ൽ​പാ​ടം, കാ​വ​ശ്ശേ​രി ക​ലാ​മ​ണി മു​ത​ൽ ക​ഴ​നി​ച്ചു​ങ്കം വ​രെ​യും പാ​ടൂ​ർ ചെ​മ്മ​ണാം​കു​ന്ന് മു​ത​ൽ തോ​ണി​ക്ക​ട​വ് വ​രെ​യും റോ​ഡി​ൽ വെ​ള്ളം ക​യ​റി ഗ​താ​ഗ​തം ത​ട​സ്സ​പ്പെ​ട്ടു. പാ​ടൂ​രി​ൽ വെ​ള്ളം ക​യ​റി​യ മു​ഴു​വ​ൻ വീ​ടു​ക​ളി​ലേ​യും ആ​ളു​ക​ളെ മാ​റ്റി​പാ​ർ​പ്പി​ച്ചു. ഞാ​യ​റാ​ഴ്ച രാ​ത്രി മു​ത​ൽ ചൊ​വ്വാ​ഴ്ച രാ​വി​ലെ 10 മ​ണി വ​രേ​യും ശ​ക്ത​മാ​യ മ​ഴ​യാ​ണ് ഇ​വി​ടെ പെ​യ്ത​ത്. 10 മ​ണി​ക്ക് ശേ​ഷം വൈ​കീ​ട്ട് വ​രെ മ​ഴ​ക്ക് കു​റ​വു​ണ്ട്.

ഓ​ഡി​റ്റോ​റി​യ​ത്തി​ന്‍റെ അ​രി​കു​ഭി​ത്തി അ​ട​ർ​ന്നു​വീ​ണ് വീ​ട് ത​ക​ർ​ന്നു

ശ്രീ​കൃ​ഷ്ണ​പു​രം: ഓ​ഡി​റ്റോ​റി​യ​ത്തി​ന്റെ അ​രി​കു​ഭി​ത്തി ത​ക​ർ​ന്ന് സ​മീ​പ​ത്തെ വീ​ടി​ന് നാ​ശ​ന​ഷ്ടം. ശ്രീ​കൃ​ഷ്ണ​പു​രം ഗ്രാ​മ​പ​ഞ്ചാ​യ​ത്തി​ലെ 12ാം വാ​ർ​ഡി​ൽ കെ.​എ​സ്.​ഇ.​ബി സ​ബ്സ്റ്റേ​ഷ​നു സ​മീ​പ​മു​ള്ള മേ​ലേ​തി​ൽ വാ​സു​ദേ​വ​ന്റെ വീ​ടി​നാ​ണ് നാ​ശ​ന​ഷ്ട​മു​ണ്ടാ​യ​ത്. നി​ർ​മാ​ണ​ത്തി​ലി​രി​ക്കു​ന്ന വീ​ടി​ന്റെ ഒ​രു​വ​ശം പൂ​ർ​ണ​മാ​യും ത​ക​ർ​ന്നു.

20 അ​ടി​യോ​ളം ഉ​യ​ര​ത്തി​ൽ​നി​ന്ന് മ​ണ്ണും ക​ല്ലും കി​ട​പ്പു​മു​റി​യു​ള്ള ഭാ​ഗ​ത്തേ​ക്ക് പ​തി​ക്കു​ക​യാ​യി​രു​ന്നു. ഓ​ണ​ത്തി​ന് കേ​റി താ​മ​സം ന​ട​ത്താ​ൻ​നി​ന്ന വീ​ടാ​ണ് ത​ക​ർ​ന്ന​ത്. ചൊ​വ്വാ​ഴ്ച പു​ല​ർ​ച്ചെ ഒ​രു മ​ണി​യോ​ടെ​യാ​ണ് മ​ണ്ണ് ഇ​ടി​ഞ്ഞു വീ​ണ​ത്.