അന്താരാഷ്​ട്ര ച​ല​ച്ചി​ത്രോ​ത്സ​വം മാ​ർ​ച്ച് ഒ​ന്നു​മു​ത​ൽ പാ​ല​ക്കാ​ട്ട്​; സംഘാടക സമിതിയായി

പാ​ല​ക്കാ​ട്​: ​കോ​വി​ഡ്​ പ​ശ്ചാ​ത്ത​ല​ത്തി​ൽ അ​ന്താ​രാ​ഷ്​​ട്ര ച​ല​ച്ചി​ത്രോ​ത്സ​വം ഇ​ത്ത​വ​ണ നാ​ല്​ ജി​ല്ല​ക​ളി​ലാ​യി. ഫെ​ബ്രു​വ​രി 10 മു​ത​ൽ 14 വ​രെ തി​രു​വ​ന​ന്ത​പു​ര​ത്തും 17 മു​ത​ൽ 21 വ​രെ എ​റ​ണാ​കു​ള​ത്തും 23 മു​ത​ൽ 27 വ​രെ ത​ല​ശ്ശേ​രി​യി​ലും മാ​ർ​ച്ച് ഒ​ന്നു​മു​ത​ൽ അ​ഞ്ചു​വ​രെ പാ​ല​ക്കാ​ടു​മാ​യാ​ണ് ച​ല​ച്ചി​ത്രോ​ത്സ​വം ന​ട​ക്കു​ക. സ​മാ​പ​ന​വും പു​ര​സ്കാ​ര വി​ത​ര​ണ​വും പാ​ല​ക്കാ​ട്ടാ​യിരി​ക്കും. ഡെ​ലി​ഗേ​റ്റ്സി​നു​ള്ള ര​ജി​സ്ട്രേ​ഷ​ൻ അ​ടു​ത്ത ആ​ഴ്ച ആ​രം​ഭി​ക്കു​മെ​ന്ന് ക​മ​ൽ അ​റി​യി​ച്ചു.

ആ​ൻ​റി​ജ​ൻ ടെ​സ്​​റ്റിെൻറ അ​ടി​സ്ഥാ​ന​ത്തി​ലാ​യി​രി​ക്കും ര​ജി​സ്ട്രേ​ഷ​ൻ. പൊ​തു​വി​ഭാ​ഗ​ത്തി​ന് 750 രൂ​പ​യും വി​ദ്യാ​ർ​ഥി​ക​ൾ​ക്ക് 400 രൂ​പ​യു​മാ​ണ് ഫീ​സ്. ജി​ല്ല​യി​ലെ പ്രി​യ​ദ​ർ​ശ​നി, പ്രി​യ​ത​മ, പ്രി​യ, സ​ത്യ, ശ്രീ​ദേ​വി ദു​ർ​ഗ എ​ന്നീ അ​ഞ്ച് തി​യ​റ്റ​റു​ക​ളി​ലാ​യി​രി​ക്കും പ്ര​ദ​ർ​ശ​നം. ഫെ​ബ്രു​വ​രി 27, 28 തീ​യ​തി​ക​ളി​ലാ​ണ് പാ​സ് വി​ത​ര​ണം. ഒ​രു പാ​സ് കൊ​ണ്ട് അ​ഞ്ച് തി​​യ​റ്റ​റു​ക​ളി​ൽ എ​ല്ലാ ദി​വ​സ​വും എ​ല്ലാ പ്ര​ദ​ർ​ശ​ന​വും കാ​ണാ​ൻ സാ​ധി​ക്കും.

ന​ട​ത്തി​പ്പു​മാ​യി ബ​ന്ധ​പ്പെ​ട്ട് 251 അം​ഗ സം​ഘാ​ട​ക സ​മി​തി രൂ​പ​വ​ത്​​ക​രി​ച്ചു. ച​ല​ച്ചി​ത്ര അ​ക്കാ​ദ​മി ചെ​യ​ർ​മാ​ൻ ക​മ​ൽ അ​ധ്യ​ക്ഷ​ത വ​ഹി​ച്ചു. ഷാ​ഫി പ​റ​മ്പി​ൽ എം.​എ​ൽ.​എ ഉ​ദ്ഘാ​ട​നം ചെ​യ്തു. ജി​ല്ല പ​ബ്ലി​ക് ലൈ​ബ്ര​റി സെ​ക്ര​ട്ട​റി ടി.​ആ​ർ. അ​ജ​യ​ൻ ജ​ന​റ​ൽ ക​ൺ​വീ​ന​റാ​യ 17 പേ​ർ മെം​ബ​ർ​മാ​രാ​യു​ള്ള സം​ഘ​ട​ക സ​മി​തി​യാ​ണ് രൂ​പ​വ​ത്​​ക​രി​ച്ച​ത്. ജി​ല്ല പ​ഞ്ചാ​യ​ത്ത് പ്ര​സി​ഡ​ൻ​റ് കെ. ​ബി​നു മോ​ൾ ചെ​യ​ർ​പേ​ഴ്സ​നും ച​ല​ച്ചി​ത്ര അ​ക്കാ​ദ​മി അം​ഗം ജി.​പി. രാ​മ​ച​ന്ദ്ര​ൻ ക​ൺ​വീ​ന​റു​മാ​ണ്.