ക​ൽ​പ്പാ​ത്തി ര​ഥോ​ത്സ​വ​വു​മാ​യി ബ​ന്ധ​പ്പെ​ട്ട് ത​റ​വാ​ട​ക പി​രി​ക്ക​ൽ: നഗരസഭയുടെ മു​ൻ​കൂ​ർ അനു​മ​തി​​യി​ൽ പ​ട​ല​പ്പി​ണ​ക്കം; ബ​ഹ​ളം

പാ​ല​ക്കാ​ട്: ക​ൽ​പ്പാ​ത്തി ര​ഥോ​ത്സ​വ​വു​മാ​യി ബ​ന്ധ​പ്പെ​ട്ട് ത​റ​വാ​ട​ക പി​രി​ക്കാ​ൻ ചെ​യ​ർ​പേ​ഴ്സ​ൻ ന​ൽ​കി​യ മു​ൻ​കൂ​ർ അ​നു​മ​തി​ക്കെ​തി​രെ ഭ​ര​ണ​ക​ക്ഷി​യം​ഗ​ങ്ങ​ൾ ത​ന്നെ രം​ഗ​ത്തെ​ത്തി​യ​തോ​ടെ ശ​ബ്ദ​മ​യാ​ന​മാ​യി ന​ഗ​ര​സ​ഭ. ബി.​ജെ.​പി കൗ​ൺ​സി​ല​ർ​മാ​ർ​ക്കി​ട​യി​ലെ പ​ട​ല​പ്പി​ണ​ക്കം ന​ഗ​ര​സ​ഭ​യു​ടെ പ്ര​വ​ർ​ത്ത​ന​ത്തെ ബാ​ധി​ച്ച​താ​യി ആ​രോ​പി​ച്ച് പ്ര​തി​പ​ക്ഷ ക​ക്ഷി​ക​ൾ മു​ദ്രാ​വാ​ക്യം വി​ളി​ച്ച് പ്ര​തി​ഷേ​ധി​ച്ചു.

ത​റ​വാ​ട​ക​യി​ലെ ‘ത​റ​യും ത​മ്മി​ല​ടി’​യും

വ്യാ​ഴാ​ഴ്ച ചേ​ർ​ന്ന അ​ടി​യ​ന്തി​ര കൗ​ൺ​സി​ൽ യോ​ഗ​ത്തി​ലാ​യി​രു​ന്നു നാ​ട​കീ​യ​മാ​യ സം​ഭ​വ​ങ്ങ​ൾ അ​ര​ങ്ങേ​റി​യ​ത്. ക​ൽ​പ്പാ​ത്തി ര​ഥോ​ത്സ​വ​ത്തി​ൽ ത​റ​വാ​ട​ക പി​രി​ക്കാ​ൻ ടെ​ൻ​ഡ​ർ അം​ഗീ​ക​രി​ച്ച് ക​രാ​റു​കാ​ര​ന് മു​ൻ​കൂ​ർ അ​നു​മ​തി ന​ൽ​കി​യ​ത് പ​രി​ഗ​ണി​ക്കു​ന്ന​തി​നി​ടെ ഭ​ര​ണ​ക​ക്ഷി കൗ​ൺ​സി​ല​ർ​മാ​ർ ത​ന്നെ അ​നു​മ​തി റ​ദ്ദ് ചെ​യ്യ​ണ​മെ​ന്നാ​വ​ശ്യ​പ്പെ​ട്ട് രം​ഗ​ത്തെ​ത്തു​ക​യാ​യി​രു​ന്നു. മു​തി​ർ​ന്ന ബി.​ജെ.​പി കൗ​ൺ​സി​ല​ർ പ്ര​മീ​ള ശ​ശി​ധ​ര​നാ​ണ് അ​ജ​ണ്ട​ക്കി​ടെ ആ​ദ്യം ചെ​യ​ർ​പേ​ഴ്സ​ന്റെ തീ​രു​മാ​ന​ത്തെ എ​തി​ർ​ത്ത​ത്. തു​ട​ർ​ന്ന് സം​സാ​രി​ച്ച വൈ​സ് ചെ​യ​ർ​മാ​ൻ അ​ഡ്വ. ഇ. ​കൃ​ഷ്ണ​ദാ​സ് അ​നു​മ​തി​ക്ക് നി​യ​മ​പ​ര​മാ​യ ത​ട​സ്സ​മു​ണ്ടെ​ന്നും ചൂ​ണ്ടി​ക്കാ​ട്ടു​ക​യാ​യി​രു​ന്നു.

ഇ​തി​നി​ടെ ചെ​യ​ർ​പേ​ഴ്സ​ൻ മു​ൻ​കൂ​ർ അ​നു​മ​തി സ​ദു​ദ്ധേ​ശ​പ​ര​മാ​ണെ​ന്ന് മ​ന​സി​ലാ​ക്കു​ന്നെ​ന്നും അം​ഗീ​ക​രി​ക്കു​ന്നെ​ന്നും കാ​ണി​ച്ച് സി.​പി.​എ​മ്മും യു.​ഡി.​എ​ഫും തീ​രു​മാ​ന​ത്തി​ന് പി​ന്തു​ണ​യു​മാ​യി രം​ഗ​ത്തെ​ത്തി​യ​തോ​ടെ പ്ര​തി​പ​ക്ഷ- ഭ​ര​ണ​പ​ക്ഷ ക​ക്ഷി​ക​ൾ ത​മ്മി​ൽ ബ​ഹ​ള​മാ​യി. ര​ഥോ​ത്സ​വ​വു​മാ​യി ബ​ന്ധ​പ്പെ​ട്ട് ടെ​ൻ​ഡ​ർ വി​ളി​ച്ച് ഉ​യ​ർ​ന്ന നി​ര​ക്ക് സ​മ​ർ​പ്പി​ച്ച​യാ​ൾ​ക്കാ​ണ് ക​രാ​ർ ന​ൽ​കി​യ​തെ​ന്ന് ചെ​യ​ർ​പേ​ഴ്സ​ൻ കൗ​ൺ​സി​ലി​നെ അ​റി​യി​ച്ചു. മു​ൻ​വ​ർ​ഷ​ങ്ങ​ളി​ലും സ​മാ​ന​മാ​യി അ​നു​മ​തി ന​ൽ​കി​യി​രു​ന്നു​വെ​ന്നും ചെ​യ​ർ​പേ​ഴ്സ​ൻ വി​ശ​ദീ​ക​രി​ച്ചെ​ങ്കി​ലും വൈ​സ് ചെ​യ​ർ​മാ​ന​ട​ക്ക​മു​ള്ള​വ​ർ ഇ​ത് നി​യ​മ​വി​രു​ദ്ധ​മാ​ണെ​ന്ന വാ​ദ​ത്തി​ൽ ഉ​റ​ച്ചു​നി​ന്ന​തോ​ടെ ചെ​യ​ർ​പേ​ഴ്സ​ൻ വി​ഷ​യ​ത്തി​ൽ കൗ​ൺ​സി​ലി​ന് തീ​രു​മാ​ന​മെ​ടു​ക്കാ​മെ​ന്ന് അ​റി​യി​ച്ചു. ഇ​തി​നി​ടെ ബി.​ജെ.​പി അം​ഗ​ങ്ങ​ൾ സ്വ​ന്തം ചെ​യ​ർ​പേ​ഴ്സ​നോ​ട് പ​ക വീ​ട്ടു​ക​യാ​ണെ​ന്ന് യു.​ഡി.​എ​ഫ് കൗ​ൺ​സി​ല​ർ​മാ​ർ ആ​രോ​പി​ച്ച​ത് വീ​ണ്ടും ബ​ഹ​ള​ത്തി​ന് കാ​ര​ണ​മാ​യി.

വാ​ദം

ക​ഴി​ഞ്ഞ മാ​ർ​ച്ച്‌ 30ന്‌ ​മു​നി​സി​പ്പ​ൽ ബ​സ്‌ സ്റ്റാ​ൻ​ഡി​ൽ ക​രാ​ർ പ്ര​വൃ​ത്തി ഏ​റ്റെ​ടു​ത്ത​യാ​ളാ​ണ് നി​ല​വി​ൽ ക​ൽ​പ്പാ​ത്തി ര​ഥോ​ത്സ​വ​ത്തി​ന് ത​റ​വാ​ട​ക പി​രി​ക്കാ​നും ക​രാ​റി​ന് അ​നു​മ​തി നേ​ടി​യി​രി​ക്കു​ന്ന​ത്. മു​നി​സി​പ്പ​ൽ ബ​സ് സ്റ്റാ​ൻ​ഡു​മാ​യി ബ​ന്ധ​പ്പെ​ട്ട ക​രാ​റ​നു​സ​രി​ച്ച് മേ​യ്‌ മു​ത​ൽ ഡി​സം​ബ​ർ വ​രെ നി​ശ്ചി​ത തു​ക അ​ത​ത് മാ​സം പ​ത്താം തീ​യ​തി​ക​ൾ​ക്ക്‌ മു​മ്പാ​യി അ​ട​ക്ക​ണ​മെ​ന്ന് നി​ബ​ന്ധ​ന​യു​ണ്ടാ​യി​രു​ന്നു. വൈ​കി​യാ​ൽ 12ശ​ത​മാ​നം പ​ലി​ശ പി​ഴ​യാ​യി അ​ട​ക്ക​ണം. എ​ന്നാ​ൽ ചി​ല മാ​സ​ങ്ങ​ളി​ൽ ദി​വ​സ​ങ്ങ​ളോ​ളം വൈ​കി​യാ​ണ്‌ ക​രാ​റു​കാ​ര​ൻ തു​ക​യ​ട​ച്ച​തെ​ന്നും പി​ഴ അ​ട​ച്ചി​രു​ന്നി​​ല്ലെ​ന്നു​മാ​ണ് വൈ​സ് ചെ​യ​ർ​മാ​നും ഒ​രു​വി​ഭാ​ഗം ബി.​ജെ.​പി അം​ഗ​ങ്ങ​ളും കൗ​ൺ​സി​ലി​ൽ ചൂ​ണ്ടി​ക്കാ​ണി​ച്ച​ത്. ഇ​ത്ത​ര​ത്തി​ൽ പ​ണ​മൊ​ടു​ക്കാ​നു​ള്ള ഒ​രാ​ൾ​ക്ക് പു​തി​യ ടെ​ൻ​ഡ​റി​ൽ പ​​ങ്കെ​ടു​ക്കാ​നാ​വി​ല്ലെ​ന്നും ഇ​വ​ർ പ​റ​ഞ്ഞു. ഇ​തി​ന് പു​റ​മെ ക​ൽ​പാ​ത്തി​യി​ൽ ക​ച്ച​വ​ടം ന​ട​ത്തു​ന്ന കു​ടും​ബ​ശ്രീ അം​ഗ​ങ്ങ​ളെ ഇ​യാ​ൾ ത​ട​ഞ്ഞു. നി​ല​വി​ലെ അ​നു​മ​തി റ​ദ്ദ് ചെ​യ്ത് ന​ഗ​ര​സ​ഭ ത​റ​വാ​ട​ക നേ​രി​ട്ട് പി​രി​ക്ക​ണ​മെ​ന്നും വൈ​സ് ചെ​യ​ർ​മാ​ന​ട​ക്ക​മു​ള്ള​വ​ർ ആ​വ​ശ്യ​പ്പെ​ട്ടു.

മ​റു​വാ​ദം

ഭ​ര​ണ​ക​ക്ഷി​യാ​യ ബി.​ജെ.​പി​യി​ലെ ഉ​ൾ​പ്പോ​ര് മ​റ​നീ​ക്കി പു​റ​ത്തു​വ​രി​ക​യാ​ണെ​ന്നും ചി​ല​രു​ടെ വ്യ​ക്തി താ​ത്പ​ര്യ​ങ്ങ​ളാ​ണ് മു​ൻ​കൂ​ർ അ​നു​മ​തി​ക്കെ​തി​രെ രം​ഗ​ത്ത് വ​രു​ന്ന​തി​ന്റെ പി​ന്നി​ലെ​ന്നും പ്ര​തി​പ​ക്ഷ ക​ക്ഷി അം​ഗ​ങ്ങ​ൾ ആ​രോ​പി​ക്കു​ന്നു. ഇ​തു​വ​രെ ഇ​ല്ലാ​ത്ത കാ​ർ​ക്ക​ശ്യം ഈ ​ക​രാ​റി​ൽ മാ​ത്രം ഉ​യ​ർ​ന്നു​വ​രു​ന്ന​ത് ചെ​യ​ർ​പേ​ഴ്സു​മാ​യു​ള്ള ഭ​ര​ണ​ക​ക്ഷി​യി​ലെ മ​റ്റം​ഗ​ങ്ങ​ളു​ടെ അ​ഭി​പ്രാ​യ ഭി​ന്ന​ത​യാ​ണ്. അ​നു​മ​തി റ​ദ്ദ് ചെ​യ്ത് ന​ഗ​ര​സ​ഭ സ്വ​ന്തം നി​ല​ക്ക് ത​റ​വാ​ട​ക പി​രി​ച്ചാ​ൽ നാ​ളെ ടെ​ൻ​ഡ​ർ തു​ക​യു​മാ​യി വ്യ​ത്യാ​സ​മു​ണ്ടാ​കു​ന്ന സാ​ഹ​ച​ര്യ​ത്തി​ൽ കൗ​ൺ​സി​ലി​ന് മു​ക​ളി​ൽ സാ​മ്പ​ത്തി​ക​ഭാ​രം വ​രും. നി​ല​വി​ലെ ക​രാ​റു​കാ​​ര​നെ​തി​രെ ഉ​ന്ന​യി​ക്കു​ന്ന ആ​രോ​പ​ണം ബാ​ലി​ശ​മാ​ണെ​ന്നും ക​രാ​ർ ന​ൽ​കു​ന്ന​തി​ന് ത​ട​സ്സ​മി​ല്ലെ​ന്നും പ്ര​തി​പ​ക്ഷ ക​ക്ഷി​ക​ൾ പ​റ​ഞ്ഞു.

ഒ​ടു​വി​ൽ ​അ​നു​മ​തി ഇ​ല്ലാ​താ​യി

​ചെ​യ​ർ​പേ​ഴ്സ​ന്റെ തീ​രു​മാ​ന​ത്തെ അ​നു​കൂ​ലി​ച്ചും പ്ര​തി​കൂ​ലി​ച്ചും വെ​ല്ലു​വി​ളി​ച്ചും ബ​ഹ​ളം മു​റു​കു​ന്ന​തി​നി​ടെ ഭൂ​രി​പ​ക്ഷാ​ഭി​പ്രാ​യം മു​ൻ​നി​ർ​ത്തി മു​ൻ​കൂ​ർ അ​നു​മ​തി റ​ദ്ദ് ചെ​യ്യു​ന്ന​താ​യി ചെ​യ​ർ​പേ​ഴ്സ​ൻ കൗ​ൺ​സി​ലി​​നെ അ​റി​യി​ച്ചു.

താ​ൻ താ​മ​ര ചി​ഹ്ന​ത്തി​ൽ മ​ത്സ​രി​ച്ച് ജ​യി​ച്ചാ​ണ് ചെ​യ​ർ​പേ​ഴ്സ​നാ​യ​തെ​ന്നും ന​ഗ​ര​സ​ഭ​യി​ലെ 146000 ജ​ന​ങ്ങ​ളു​ടെ ചെ​യ​ർ​മാ​നാ​ണ്‌ താ​നെ​ന്നും ചെ​യ​ർ​പേ​ഴ്സ​ൻ കൗ​ൺ​സി​ലി​ൽ പ​റ​ഞ്ഞു.

വി​ഷ​യ​ത്തി​ൽ അ​നു​മ​തി റ​ദ്ദാ​ക്കി​യ​തി​നെ​തി​രെ പ്ര​തി​പ​ക്ഷ ക​ക്ഷി​യം​ഗ​ങ്ങ​ൾ പ്ര​തി​ഷേ​ധി​ച്ച് മു​ദ്ര​വാ​ക്യം വി​ളി​ച്ച് ഇ​റ​ങ്ങി​പ്പോ​യി.