കാ​ഞ്ഞി​ര​പ്പു​ഴ ഡാം ​പ​ശ്ചാ​ത്ത​ല വി​ക​സ​ന പ​ദ്ധ​തി; അ​പ്രോ​ച്ച് റോ​ഡ് നി​ർ​മാ​ണം തു​ട​ങ്ങി

കാ​ഞ്ഞി​ര​പ്പു​ഴ: ഡാം ​പ​ശ്ചാ​ത്ത​ല ന​വീ​ക​ര​ണ വി​ക​സ​ന പ​ദ്ധ​തി​ക​ളു​ടെ പ്രാ​രം​ഭ പ്ര​വ​ർ​ത്ത​ന​ങ്ങ​ൾ തു​ട​ങ്ങി. ഡാ​മി​ലെ ഗാ​ല​റി​യി​ലേ​ക്കു​ള്ള അ​പ്രോ​ച്ച് റോ​ഡി​ന്റെ നി​ർ​മാ​ണ പ്ര​വ​ർ​ത്ത​ന​ങ്ങ​ളാ​ണ് പു​രോ​ഗ​മി​ക്കു​ന്ന​ത്. ലോ​ക ബാ​ങ്കി​ന്റെ ധ​ന​സ​ഹാ​യ​ത്തോ​ടെ ഡാം ​പു​ന​ര​ധി​വാ​സ മി​ക​വു​കൂ​ട്ട​ൽ പ​ദ്ധ​തി​യു​ടെ (ഡ്രി​പ്പ്) ഭാ​ഗ​മാ​യാ​ണ് ഡാ​മി​ന്റെ ര​ണ്ടാം​ഘ​ട്ട പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ച​ത്.

15 കോ​ടി രൂ​പ​യു​ടെ വി​ക​സ​ന പ​ദ്ധ​തി​ക​ൾ​ക്കാ​ണ് ഔ​ദ്യോ​ഗി​ക അം​ഗീ​കാ​രം ല​ഭി​ച്ച​ത്. ഒ​രു​വ​ർ​ഷം മു​മ്പാ​ണ് ര​ണ്ടാം​ഘ​ട്ട പ്ര​വ​ർ​ത്ത​ന​ങ്ങ​ളു​ടെ നി​ർ​മാ​ണോ​ദ്ഘാ​ട​നം നി​ർ​വ​ഹി​ച്ച​ത്. ക​ഴി​ഞ്ഞ സാ​മ്പ​ത്തി​ക വ​ർ​ഷം സാ​ങ്കേ​തി​കാ​നു​മ​തി കി​ട്ടി​യ 6.374 കോ​ടി രൂ​പ നി​ർ​മാ​ണ ചു​മ​ത​ല ക​ർ​ണാ​ട​ക കേ​ന്ദ്ര​മാ​ക്കി പ്ര​വ​ർ​ത്തി​ക്കു​ന്ന ബാ​ലാ​ജി ക​ൺ സ്ട്ര​ക്ഷ​ൻ നി​ർ​മാ​ണ ക​മ്പ​നി​ക്കാ​ണ്.

കാ​ഞ്ഞി​ര​പ്പു​ഴ ഉ​ദ്യാ​ന ക​വാ​ട​ത്തി​ന് സ​മീ​പം ബ​സ് സ്റ്റാ​ൻ​ഡ്, വാ​ച്ച് ട​വ​ർ, നി​ശ്ച​ല​കു​ള​ത്തി​ലേ​ക്കു​ള്ള കി​ണ​ർ ന​വീ​ക​ര​ണം, ജി.​പി.​എ​സ് ടോ​ട്ട​ൽ സ​ർ​വി​സ് സ്റ്റേ​ഷ​ൻ, ക​ൺ​ട്രോ​ൾ റും ​ന​വീ​ക​ര​ണം, ക്യാ​ച്ച്മെ​ന്റ് ഏ​രി​യ പു​ന​ർ​നി​ർ​ണ​യം, ശൗ​ചാ​ല​യ നി​ർ​മാ​ണം, ട​ർ​ഫി​ങ് എ​ന്നി​വ​യും പ​ദ്ധ​തി​യു​ടെ ഭാ​ഗ​മാ​യി പൂ​ർ​ത്തി​യാ​ക്കു​മെ​ന്ന് പ​ദ്ധ​തി​യു​ടെ നി​ർ​വ​ഹ​ണ ചു​മ​ത​ല​യു​ള്ള ജ​ല​സേ​ച​ന വ​കു​പ്പ് ഉ​ദ്യോ​ഗ​സ്ഥ​ൻ ‘മാ​ധ്യ​മ’​ത്തോ​ട് പ​റ​ഞ്ഞു.

കൂ​ടു​ത​ൽ വി​നോ​ദ സ​ഞ്ചാ​രി​ക​ളെ കാ​ഞ്ഞി​ര​പ്പു​ഴ​യി​ലേ​ക്ക് ആ​ക​ർ​ഷി​ക്കാ​ൻ ത​ക്ക സൗ​ക​ര്യ​ങ്ങ​ളാ​വും ഒ​രു​ങ്ങു​ക. ആ​ദ്യ​ഘ​ട്ട​ത്തി​ൽ കാ​ഞ്ഞി​ര​പ്പു​ഴ ഡാ​മി​ൻ്റെ പു​ന​രു​ദ്ധാ​ര​ണ പ്ര​വ​ർ​ത്തി​ക്ക് 18.44 കോ​ടി രൂ​പ​യാ​ണ് അ​നു​വ​ദി​ച്ചി​രു​ന്ന​ത്. ഡാ​മി​ന്റെ ഗാ​ല​റി​യി​ലേ​ക്കു​ള്ള ചോ​ർ​ച്ച ഒ​ഴി​വാ​ക്കാ​നും അ​നു​ബ​ന്ധ പ്ര​വ​ർ​ത്തി​ക​ൾ​ക്കു​മാ​ണ് ഈ ​തു​ക വി​നി​യോ​ഗി​ച്ച​ത്.