പ്രാ​ചീ​ന ചേ​ര​നാ​ടി​നെ​ക്കു​റി​ച്ച ക​ണ്ടെ​ത്ത​ലു​മാ​യി ഡോ. ​വി. സ​ന​ൽ​കു​മാ​റി​ന്റെ പു​സ്ത​കം

കൊ​ല്ല​ങ്കോ​ട്: തെ​ന്മ​ല താ​ഴ്വ​ര​യി​ൽ​നി​ന്ന് പ്രാ​ചീ​ന ച​രി​ത്ര ഗ​വേ​ഷ​ണാ​ർ​ഥം ക​ണ്ടെ​ത്തി​യ അ​വ​ശേ​ഷി​പ്പു​ക​ൾ ഉ​ള്ള​ട​ക്കം ചെ​യ്ത ‘കേ​ര​ള​ത്തി​ന്റെ പ്രാ​ചീ​ന ച​രി​ത്രം പാ​ല​ക്കാ​ട​ൻ ഭൂ​മി​ക​യി​ലൂ​ടെ’ എ​ന്ന ഗ്ര​ന്ഥ​മാ​ണ് ച​രി​ത്ര ഗ​വേ​ഷ​ക​ൻ ഡോ. ​വി. സ​ന​ൽ​കു​മാ​ർ പു​റ​ത്തി​റ​ക്കു​വാ​ൻ ത​യാ​റെ​ടു​ക്കു​ന്ന​ത്.

അ​തി​പ്രാ​ചീ​ന​കാ​ലം മു​ത​ൽ നാ​ളി​തു​വ​രെ കൊ​ല്ല​ങ്കോ​ട് മേ​ഖ​ല​യി​ലെ പു​രാ​വ​സ്തു ക​ണ്ടെ​ത്ത​ലു​ക​ൾ, 2000 വ​ർ​ഷ​ത്തി​നി​പ്പു​റ​മു​ള്ള ദ്രാ​വി​ഡ ദേ​ശ​ത്തു​നി​ന്ന് കൊ​ല്ല​ങ്കോ​ട്, നെ​ന്മേ​നി ഉ​ൾ​പ്പെ​ടു​ന്ന പ്ര​ദേ​ശ​ങ്ങ​ളി​ലേ​ക്കു​ള്ള കു​ടി​യേ​റ്റ​ങ്ങ​ളും അ​ധി​നി​വേ​ശ​ങ്ങ​ളും ഉ​ൾ​പ്പെ​ടു​ത്തി​യാ​ണ് കൊ​ല്ല​ങ്കോ​ട് നെ​ന്മേ​നി സ്വ​ദേ​ശി​യും ദേ​ശീ​യ, സം​സ്ഥാ​ന അ​ധ്യാ​പ​ക പു​ര​സ്കാ​ര ജേ​താ​വു​മാ​യ ഡോ. ​വി. സ​ന​ൽ​കു​മാ​ർ ഗ്ര​ന്ഥ​ര​ച​ന പൂ​ർ​ത്തീ​ക​രി​ച്ച​ത്.

ച​രി​ത്ര​കാ​ര​ന്മാ​ർ ഇ​നി​യും കൃ​ത്യ​മാ​യ ഉ​ത്ത​രം ക​ണ്ടെ​ത്താ​ത്ത പ്രാ​ചീ​ന ചേ​ര​നാ​ടി​ന്റെ പ്ര​ധാ​ന ത​ല​സ്ഥാ​ന​ന​ഗ​രി​ക​ളു​ടെ സ്ഥാ​ന നി​ർ​ണ​യ​ങ്ങ​ൾ, സം​ഘ-​സം​ഘ​കാ​ലാ​ന​ന്ത​ര കൃ​തി​ക​ളി​ൽ പ​രാ​മ​ർ​ശി​ക്കു​ന്ന ചേ​ര​നാ​ടി​ന്റെ സ്ഥ​ല​നാ​മ​ബ​ന്ധ​ങ്ങ​ൾ തു​ട​ങ്ങി​യ​വ ഗ്ര​ന്ഥ​ത്തി​ലു​ണ്ട്.

സ​ന​ൽ കു​മാ​റി​ന്റെ ക​ണ്ടെ​ത്ത​ലു​ക​ൾ സ​ർ​ക്കാ​റി​നെ അ​റി​യി​ച്ച ശേ​ഷം സം​സ്ഥാ​ന പു​രാ​വ​സ്തു വ​കു​പ്പി​ന്റെ നേ​തൃ​ത്വ​ത്തി​ൽ 1998ലും ​നെ​ന്മേ​നി കോ​വി​ല​കം പ​റ​മ്പി​ലും മ​റ്റും ന​ട​ത്തി​യ ഉ​ദ്ഖ​ന​ന​ങ്ങ​ളി​ൽ നി​ര​വ​ധി പു​രാ​വ​സ്തു തെ​ളി​വു​ക​ളും ലി​പി​യും ക​ണ്ടെ​ത്തി​യി​രു​ന്നു. മു​ത​ല​മ​ട ആ​ട്ട​യാം​പ​തി സ്നേ​ഹ ടീ​ച്ചേ​ഴ്സ് ട്രെ​യ്നി​ങ് കോ​ള​ജ് പ്രി​ൻ​സി​പ്പ​ലാ​ണ് സ​ന​ൽ​കു​മാ​ർ.