മ​നു​ഷ്യ ജീ​വ​നെ​ടു​ത്ത് വൈ​ദ്യു​തി വേ​ലി​ക​ൾ

കൊ​ല്ല​ങ്കോ​ട്: കാ​ട്ടു​പ​ന്നി​യെ തു​ര​ത്താ​നാ​യി സ്ഥാ​പി​ക്കു​ന്ന അ​ന​ധി​കൃ​ത വൈ​ദ്യു​തി വേ​ലി​ക​ൾ മ​നു​ഷ്യ ജീ​വ​നെ​ടു​ക്ക​ത് തു​ട​ർ​ക്ക​ഥ​യാ​കു​ന്നു. തെ​ന്മ​ല അ​ടി​വാ​രം, കൊ​ല്ല​ങ്കോ​ട്, മു​ത​ല​മ​ട, എ​ല​വ​ഞ്ചേ​രി പ​ഞ്ചാ​യ​ത്തി​ലെ ചി​ല ക​ർ​ഷ​ക​രാ​ണ് പ​ന്നി​യെ തു​ര​ത്താ​നാ​യി ഉ​യ​ർ​ന്ന വോ​ൾ​ട്ടേ​ജ് ക​ട​ത്തി​വി​ടു​ന്ന വൈ​ദ്യു​ത വേ​ലി സ്ഥാ​പി​ക്കു​ന്ന​ത്. ഇ​താ​ണ് പ​ല​പ്പോ​ഴും അ​പ​ക​ടം വ​രു​ത്തി വെ​ക്കു​ന്ന​ത്. അ​ഞ്ച് വ​ർ​ഷ​ത്തി​നി​ടെ ഇ​ത്ത​ര​ത്തി​ൽ ആ​റി​ല​ധി​കം ഷോ​ക്കേ​റ്റു​ള്ള മ​ര​ണ​ങ്ങ​ൾ കൊ​ല്ല​ങ്കോ​ട് മേ​ഖ​ല​യി​ൽ ഉ​ണ്ടാ​യി​ട്ടും അ​ന​ധി​കൃ​ത വൈ​ദ്യു​തി വേ​ലി സ്ഥാ​പി​ക്ക​ൽ തു​ട​രു​ക​യാ​ണ്. അ​തി​നി​ടെ, മ​ല​യി​റ​ങ്ങി​യ കാ​ട്ടാ​ന​ക​ൾ ചെ​മ്മ​ണാ​മ്പ​തി മു​ത​ൽ എ​ല​വ​ഞ്ചേ​രി വ​രെ​യു​ള്ള പ്ര​ദേ​ശ​ത്തെ ര​ണ്ടു മാ​സ​മാ​യി മു​ൾ​മു​ന​യി​ൽ നി​ർ​ത്തി​യി​രി​ക്കു​ക​യാ​ണ്. ഇ​തി​നെ ചെ​റു​ക്കാ​ൻ ദ്രു​ത​ക​ർ​മ​സേ​ന രാ​ത്രി​യും പ​ക​ലു​മാ​യി ഓ​ടു​മ്പോ​ൾ ഇ​ത്ത​രം അ​ന​ധി​കൃ​ത വേ​ലി​ക​ൾ ഈ ​ഉ​ദ്യോ​ഗ​സ്ഥ​ർ​ക്കും അ​പ​ക​ട ഭീ​തി ഉ​യ​ർ​ത്തു​ക​യാ​ണ്. കാ​ട്ടാ​ന കൃ​ഷി​സ്ഥ​ല​ങ്ങ​ളി​ൽ ക​ട​ക്കാ​തി​രി​ക്കാ​നും ചി​ല​ർ വൈ​ദ്യു​ത വേ​ലി സ്ഥാ​പി​ച്ച് ഉ​യ​ർ​ന്ന വോ​ൾ​ട്ടേ​ജി​ൽ വൈ​ദ്യു​തി ക​ട​ത്തി വി​ടു​ന്നു​ണ്ടെ​ന്ന് അ​ധി​കൃ​ത​ർ​ക്ക് വി​വ​ര​മു​ണ്ട്. കെ.​എ​സ്.​ഇ.​ബി പ​രി​ശോ​ധ​ന ന​ട​ത്ത​ണ​മെ​ന്ന ആ​വ​ശ്യ​വും ശ​ക്ത​മാ​ണ്.