നോക്കുകുത്തിയായി കൊല്ലങ്കോട് ബസ് സ്റ്റാൻഡ്

കൊ​ല്ല​ങ്കോ​ട്: ടൗ​ണി​ൽ ഗ​താ​ഗ​ത​ക്കു​രു​ക്ക് വ​ർ​ധി​ക്കു​മ്പോ​ഴും ബ​സ് സ്റ്റാ​ൻ​ഡ് നോ​ക്കു​കു​ത്തി​യാ​യി തു​ട​രു​ന്നു. പൊ​ലീ​സ് ന​ട​പ​ടി സ്വീ​ക​രി​ക്കാ​ത്ത​ത് വ​ഴി​യാ​ത്ര​ക്കാ​ർ​ക്കും വി​ദ്യാ​ർ​ഥി​ക​ൾ​ക്കും ദു​രി​ത​മാ​യെ​ന്ന് നാ​ട്ടു​കാ​ർ. ല​ക്ഷ​ങ്ങ​ൾ വ​ക​യി​രു​ത്തി ബ​സ് സ്റ്റാ​ൻ​ഡ് നി​ർ​മി​ച്ചി​ട്ടും ബ​സു​ക​ൾ സ്റ്റാ​ൻ​ഡി​ൽ ക​യ​റാ​തെ കൊ​ല്ല​ങ്കോ​ട് ടൗ​ണി​ൽ ത​ന്നെ നി​ർ​ത്തി​യി​ടു​ന്ന​താ​ണ് ഗ​താ​ഗ​ത​ക്കു​രു​ക്കി​ന് പ്ര​ധാ​ന കാ​ര​ണം. ദി​നം​പ്ര​തി 200ൽ ​അ​ധി​കം ബ​സു​ക​ൾ വ​ന്നു​പോ​കു​ന്ന ​ടൗ​ണി​ലെ ഗ​താ​ഗ​ത​ക്കു​രു​ക്ക് പ​രി​ഹ​രി​ക്കാ​ൻ 2007ൽ ​പ്ര​വ​ർ​ത്ത​നം ആ​രം​ഭി​ച്ച ബ​സ് സ്റ്റാ​ൻ​ഡ് സ​ജീ​വ​മാ​ക്കാ​ൻ മു​മ്പ് പൊ​ലീ​സ് സ​ജീ​വ​മാ​യി ഇ​ട​പെ​ട്ടി​രു​ന്നു​വെ​ങ്കി​ലും കോ​വി​ഡി​നു ശേ​ഷം ബ​സു​ക​ൾ സ്റ്റാ​ൻ​ഡി​ൽ ക​യ​റാ​ൻ പൊ​ലീ​സ് ന​ട​പ​ടി​യെ​ടു​ക്കു​നി​ല്ല. ട്രാ​ഫി​ക് പൊ​ലീ​സി​ന്റെ നേ​തൃ​ത്വ​ത്തി​ൽ ടൗ​ണി​ൽ ഗ​താ​ഗ​തം നി​യ​ന്ത്രി​ക്ക​ണ​മെ​ന്ന് ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി യോ​ഗ​ത്തി​ൽ നി​ർ​ദേ​ശ​മു​ണ്ടാ​യി​രു​ന്നെ​ങ്കി​ലും ഒ​ന്നും ന​ട​പ്പാ​യി​ല്ല. മൂ​ന്നു വ​ർ​ഷ​ത്തി​ല​ധി​ക​മാ​യി ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി യോ​ഗം വി​ളി​ച്ചു ചേ​ർ​ത്തി​ട്ട്.

കൊ​ല്ല​ങ്കോ​ട് ബ്ലോ​ക്ക് ഓ​ഫി​സ് റോ​ഡി​നെ കോ​വി​ഡി​നു മു​മ്പ് ബൈ​പ്പാ​സ് ആ​ക്കി​യി​ട്ടു​ണ്ടെ​ങ്കി​ലും ഇ​തി​ന്റെ ഇ​രു​വ​ശ​ങ്ങ​ളി​ലു​മാ​യി വാ​ഹ​ന​ങ്ങ​ൾ ത​ല​ങ്ങും വി​ല​ങ്ങും സ​ർ​വി​സ് ന​ട​ത്തു​ന്ന​തി​നാ​ൽ ടൗ​ണി​ൽ ഗ​താ​ഗ​ത​ക്കു​രു​ക്ക് വി​ട്ടൊ​ഴി​യാ​ത്ത സാ​ഹ​ച​ര്യ​മാ​ണ്. പാ​ല​ക്കാ​ട് റോ​ഡി​ലെ ബ​സ് സ്റ്റോ​പ്പ് കൈ​യേ​റി ഓ​ട്ടോ​ക​ൾ നി​ർ​ത്തി​യി​ടു​ന്ന​ത് ബ​സ് കാ​ത്തു​നി​ൽ​ക്കു​ന്ന യാ​ത്ര​ക്കാ​ർ​ക്ക് പ്ര​യാ​സ​മു​ണ്ടാ​ക്കു​ന്നു. പ​ല ത​വ​ണ പൊ​ലീ​സി​ൽ അ​റി​യി​ച്ചി​ട്ടും ന​ട​പ​ടി ഉ​ണ്ടാ​യി​ട്ടി​ല്ല. ബ​സു​ക​ൾ ക​യ​റാ​യ​തോ​ടെ സ്റ്റാ​ൻ​ഡി​ൽ സാ​മൂ​ഹി​ക​വി​രു​ദ്ധ​രു​ടെ ശ​ല്യം വ​ർ​ധി​ച്ചി​ട്ടു​ണ്ട്. 16 ക​ട​മു​റി​ക​ൾ ഉ​ള്ള ബ​സ്റ്റാ​ൻ​ഡ് കോം​പ്ല​ക്സി​ൽ നാ​ല് ഷോ​പ്പു​ക​ൾ മാ​ത്ര​മാ​ണ് തു​റ​ന്നി​രി​ക്കു​ന്ന​ത്. മോ​ട്ടോ​ർ വാ​ഹ​ന വ​കു​പ്പ്, പൊ​ലീ​സ്, ത്രി​ത​ല പ​ഞ്ചാ​യ​ത്ത് ജ​ന​പ്ര​തി​നി​ധി​ക​ൾ, വ്യാ​പാ​രി വ്യ​വ​സാ​യി ഭാ​ര​വാ​ഹി​ക​ൾ, ഓ​ട്ടോ-​ടാ​ക്സി ഭാ​ര​വാ​ഹി​ക​ൾ, വി​വി​ധ രാ​ഷ്ട്രീ​യ പാ​ർ​ട്ടി ഭാ​ര​വാ​ഹി​ക​ൾ എ​ന്നി​വ​രെ ഉ​ൾ​പ്പെ​ടു​ത്തി നി​ല​ച്ചു​പോ​യ ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി യോ​ഗം വി​ളി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

അ​തി​നി​ടെ, ടൗ​ണി​ലെ ഗ​താ​ഗ​ത​ക്കു​രു​ക്കി​ന് ശാ​ശ്വ​ത പ​രി​ഹാ​രം ക​ണ്ടെ​ത്താ​ൻ ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി​യു​ടെ യോ​ഗം അ​ടി​യ​ന്തി​ര​മാ​യി വി​ളി​ച്ചു​ചേ​ർ​ക്കു​മെ​ന്ന് കൊ​ല്ല​ങ്കോ​ട് ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് കെ. ​സ​ത്യ​പാ​ൽ പ​റ​ഞ്ഞു.