യു​വാ​ക്ക​ളെ കാ​ണാ​താ​യി​ട്ട് 27 മാ​സം; എ​ങ്ങു​മെ​ത്താ​തെ അ​ന്വേ​ഷ​ണം

കൊ​ല്ല​ങ്കോ​ട്: മു​ത​ല​മ​ട​യി​ൽ ആ​ദി​വാ​സി യു​വാ​ക്ക​ളെ കാ​ണാ​താ​യി ര​ണ്ട് വ​ർ​ഷ​വും മൂ​ന്നു മാ​സം ക​ഴി​ഞ്ഞി​ട്ടും അ​ന്വേ​ഷ​ണം എ​ങ്ങു​മെ​ത്തി​യി​ട്ടി​ല്ല. ക്രൈം​ബ്രാ​ഞ്ച് ഇ​രു​ട്ടി​ൽ ത​പ്പു​ന്ന സാ​ഹ​ച​ര്യ​ത്തി​ൽ അ​ന്വേ​ഷ​ണം സി.​ബി.​ഐ​ക്ക് കൈ​മാ​റ​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു. ച​പ്പ​ക്കാ​ട് ആ​ദി​വാ​സി സ​ങ്കേ​ത​ത്തി​ൽ നി​ന്നു​മാ​ണ് സാ​മു​വ​ൽ(​സ്റ്റീ​ഫ​ൻ-28), അ​യ​ൽ വാ​സി​യാ​യ സു​ഹൃ​ത്ത് മു​രു​കേ ശ​ൻ (28) എ​ന്നി​വ​രെ ക​ഴി​ഞ്ഞ 2021 ആ​ഗ​സ്റ്റ് 30 മു​ത​ൽ കാ​ണാ​താ​യ​ത്.

രാ​ത്രി ഇ​രു​വ​രും സാ​മു​വ​ൽ ജോ​ലി ചെ​യ്തി​രു​ന്ന ച​പ്പ​ക്കാ​ട് തോ​ട്ടം ഭാ​ഗ​ത്തേ​ക്ക് പോ​കു​ന്ന​താ​ണ് നാ​ട്ടു​കാ​ർ അ​വ​സാ​ന​മാ​യി ക​ണ്ട​ത്. സാ​മു​വ​ൽ ഉ​പ​യോ​ഗി​ച്ചി​രു​ന്ന ഫോ​ൺ അ​ന്നു​രാ​ത്രി 10.30 മു​ത​ലാ​ണ് ഓ​ഫാ​യ​ത്. രാ​വി​ലെ മു​ത​ൽ വി​ളി​ച്ചി​ട്ടും കി​ട്ടാ​താ​യ​തി​നാ​ൽ പ​രാ​തി പൊ​ലീ​സി​ലെ​ത്തി. തു​ട​ക്ക​ത്തി​ൽ കൊ​ല്ല​ങ്കോ​ട് പൊ​ലീ​സ് സ​ജീ​വ​മാ​യി അ​ന്വേ​ഷ​ണം ന​ട​ത്തി​യി​രു​ന്നു. സൈ​ബ​ർ സെ​ല്ലി​ന്റെ സ​ഹാ​യ​ത്തോ​ടെ​യു​ള്ള അ​ന്വേ​ഷ​ണ​വും ഫ​ല​വ​ത്താ​യി​ല്ല. പൊ​ലീ​സ് നാ​യെ ഉ​പ​യോ​ഗി​ച്ച് സ്വ​കാ​ര്യ തോ​ട്ട​ങ്ങ​ളി​ലും വ​ന​പ്ര​ദേ​ശ​ത്തും പ​രി​ശോ ധ​ന ന​ട​ത്തി​യി​രു​ന്നു. പി​ന്നീ​ട് മ​ണ്ണി​ന​ടി​യി​ലു​ള്ള മൃ​ത​ശ​രീ​രം തി​രി​ച്ച​റി​യാ​ൻ ശേ​ഷി​യു​ള്ള ബെ​ൽ​ജി​യം ഇ​നം നാ​യെ ഉ​പ​യോ​ഗി​ച്ച് പ​രി​ശോ​ധ​ന ന​ട​ത്തി​യെ​ങ്കി​ലും തു​മ്പൊ​ന്നും ല​ഭി​ച്ചി​ല്ല.

ഡ്രോ​ൺ പ​റ​ത്തി​യും വ​നം വ​കു​പ്പി​നൊ​പ്പം വ​ന​ത്തി​ലും സ്വ​കാ​ര്യ തോ​ട്ട​ങ്ങ​ളി​ലു​മെ​ല്ലാം പൊ​ലീ​സ് പ​രി​ശോ​ധ​ന ന​ട​ത്തി. അ​ഗ്നി​ര​ക്ഷാ​സേ​ന ദി​വ​സ​ങ്ങ​ളോ​ളം ച​പ്പ​ക്കാ​ട് മേ​ഖ​ല​യി​ലെ തോ​ട്ട​ങ്ങ​ളി​ലെ കൊ​ക്ക​ർ​ണി​ക​ൾ, കി​ണ​റു​ക​ൾ എ​ന്നി​വ​യി​ൽ പാ​താ​ള​ക​ര​ണ്ടി ഉ​ൾ​പ്പെ​ടെ​യു​ള്ള​വ​കൊ​ണ്ട് തി​ര​ച്ചി​ൽ ന​ട​ത്തി​യി​രു​ന്നു.

ക്രൈം​ബ്രാ​ഞ്ച് അ​ന്വേ​ഷ​ണ​ത്തി​ലൂ​ടെ തി​രോ​ധാ​നം സം​ബ​ന്ധി​ച്ച പ​രാ​തി​ക്ക് പ​രി​ഹാ​ര​മാ​കു​മെ​ന്ന പ്ര​തീ​ക്ഷ ഇ​ല്ലാ​താ​യ​താ​യി ച​പ്പ​ക്കാ​ട് വാ​സി​ക​ൾ പ​റ​യു​ന്നു.