നെല്ല് സംഭരണം: കുടിശ്ശിക നൽകാൻ ഹൈകോടതി വിധി
text_fieldsകൊല്ലങ്കോട്: നെല്ല് സംഭരിച്ചതിന്റെ കുടിശ്ശിക പാടശേഖര സമിതിക്ക് നൽകാൻ ഹൈകോടതി വിധി. നെന്മേനി പാശേഖര സമിതിയിലെ നൂറ്റി അമ്പതോളം കർഷകർക്ക് സപ്ലൈകോ നൽകേണ്ട കുടിശ്ശിക ഒരാഴ്ചക്കകം നൽകാനാണ് ഉത്തരവ്. 400 ഏക്കർ വിസ്തൃതിയുള്ള പാടശേഖര സമിതിയിൽ 189 കർഷകരിൽ മുപ്പതോളം പേർക്ക് മാത്രമാണ് സംഭരിച്ച നെല്ലിന്റെ വില ലഭിച്ചത്. ശേഷിക്കുന്നവർക്ക് തുക ലഭിക്കാതെ വിളവിറക്കൽ പ്രയാസമാണ്. നെന്മേനി പാടശേഖര സമിതി പ്രസിഡന്റ് ആർ. കൃഷ്ണകുമാർ, വി. ചന്ദ്രൻ, പി.എ. സദാശിവൻ എന്നിവരാണ് കോടതിയെ സമീപിച്ചത്. ജസ്റ്റിസ് പി.വി. കുഞ്ഞികൃഷ്ണന്റെ ഉത്തരവിൽ കർഷകർ സന്തോഷത്തിലാണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.