മു​ണ്ടൂ​ർ-​തൂ​ത സം​സ്ഥാ​ന​പാ​ത​യി​ൽ ഒഴി​യാ​തെ വാ​ഹ​നാ​പ​ക​ടം

കോ​ങ്ങാ​ട്: മു​ണ്ടൂ​ർ-​തൂ​ത സം​സ്ഥാ​ന​പാ​ത​യി​ൽ വാ​ഹ​നാ​പ​ക​ട​ങ്ങ​ൾ ഒ​ഴി​യു​ന്നി​ല്ല. രാ​ത്രി​യും പ​ക​ലും അ​പ​ക​ട​ങ്ങ​ൾ തു​ട​ർ​ക്ക​ഥ​യാ​വു​ക​യാ​ണ്. ച​ല്ലി​ക്ക​ൽ, പാ​റ​ശ്ശേ​രി, കൊ​ട്ട​ശ്ശേ​രി, അ​ഴി​യ​ന്നൂ​ർ 16ാം മൈ​ൽ എ​ന്നി​വി​ട​ങ്ങ​ളി​ലാ​ണ് അ​പ​ക​ട​ങ്ങ​ൾ ഏ​റെ​യും. അ​ഴി​യ​ന്നൂ​രി​ൽ ക​ഴി​ഞ്ഞ ദി​വ​സം ബ​സ് മ​റി​ഞ്ഞ് 18 പേ​ർ​ക്കാ​ണ് പ​രി​ക്കേ​റ്റ​ത്. ദി​വ​സ​ങ്ങ​ൾ​ക്ക് മു​ൻ​പ് പാ​റ​ശ്ശേ​രി​ക്കും കൊ​ട്ട​ശ്ശേ​രി​ക്കും ഇ​ട​യി​ൽ സ്വ​കാ​ര്യ ബ​സ് മ​റി​ഞ്ഞ് 33 പേ​ർ​ക്ക് പ​രി​ക്കേ​റ്റി​രു​ന്നു.

ഒ​ന്നി​ല​ധി​കം വ​ള​വു​ക​ളാ​ണ് ഈ ​സം​സ്ഥാ​ന പാ​ത​യു​ടെ ഭൂ​മി​ശാ​സ്ത്ര​പ​ര​മാ​യ പ്ര​ത്യേ​ക​ത. റോ​ഡ് ന​വീ​ക​രി​ച്ചി​ട്ടും പ​ല​യി​ട​ങ്ങ​ളി​ലും പാ​ത​ക്ക് വീ​തി കു​റ​വെ​ന്ന പ​രാ​തി ബാ​ക്കി​യാ​ണ്. അ​ശ്ര​ദ്ധ, അ​മി​ത​വേ​ഗ​ത, റോ​ഡി​നെ​പ്പ​റ്റി​യു​ള്ള അ​പ​രി​ചി​ത​ത്വം, മ​ത്സ​ര​പ്പാ​ച്ചി​ൽ എ​ന്നീ ഘ​ട​ക​ങ്ങ​ൾ അ​പ​ക​ട​ങ്ങ​ൾ​ക്ക് കാ​ര​ണ​മാ​കു​ന്നു. നി​ര​വ​ധി ഉ​ൾ​നാ​ട​ൻ പാ​ത​ക​ളു​മാ​യി ഇ​ഴ​ചേ​ർ​ന്ന് നി​ൽ​ക്കു​ന്ന പ്ര​ധാ​ന റോ​ഡ് കൂ​ടി​യാ​ണി​ത്. ഈ ​മേ​ഖ​ല​യി​ൽ മാ​ത്രം ഇ​ത്ത​ര​ത്തി​ൽ ര​ണ്ട് ഡെ​സ​നി​ൽ​പ​രം ക​വ​ല​ക​ളു​ണ്ട്.

അ​പ​ക​ടം പ​തി​വാ​യ സ്ഥ​ല​ങ്ങ​ളി​ലും വ​ള​വു​ക​ളി​ലും അ​ട​യാ​ള ബോ​ർ​ഡു​ക​ളും മു​ന്ന​റി​യി​പ്പ് ബോ​ർ​ഡു​ക​ളും സ്ഥാ​പി​ക്കു​ക​യും വാ​ഹ​ന പ​രി​ശോ​ധ​ന ക​ർ​ശ​ന​മാ​ക്കു​ക​യും ചെ​യ്യ​ണ​മെ​ന്ന ആ​വ​ശ്യം ശ​ക്ത​മാ​ണ്. വ​ഴി​വി​ള​ക്കു​ക​ൾ ഇ​ല്ലാ​ത്ത പ്ര​ദേ​ശ​ങ്ങ​ളി​ൽ അ​വ സ്ഥാ​പി​ക്ക​ണ​മെ​ന്നും ആ​വ​ശ്യ​മു​ണ്ട്. ക​ഴി​ഞ്ഞ വ​ർ​ഷ​ങ്ങ​ളെ അ​പേ​ക്ഷി​ച്ച് വാ​ഹ​നാ​പ​ക​ട​ത്തി​നി​ര​യാ​യി മ​രി​ക്കു​ന്ന ഇ​രു​ച​ക്ര​വാ​ഹ​ന​യാ​ത്ര​ക്കാ​രു​ടെ എ​ണ്ണ​ത്തി​ലും വ​ർ​ധ​ന​വു​ണ്ട്. പ്ര​തി​വ​ർ​ഷം എ​ട്ടി​ല​ധി​കം പേ​രു​ടെ ജീ​വ​ൻ ഈ ​റോ​ഡി​ൽ പൊ​ലി​യു​ന്നെ​ന്നാ​ണ് ക​ണ​ക്ക്. നൂ​റി​ല​ധി​കം പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്യു​ന്നു.