ശ്രീ​കാ​ന്തി​ന്‍റെ ആ​ത്മ​വീ​ര്യത്തിൽ ര​ണ്ടുപേ​രു​ടെ ജീ​വി​തം തി​രി​കെ​പി​ടി​ച്ചു

കൂ​റ്റ​നാ​ട്: കാ​ല​വ​ര്‍ഷ​ക്ക​ലി​യി​ല്‍ ജ​ല​പ്ര​വാ​ഹ​ത്തി​ന്‍റെ സൗ​ന്ദ​ര്യം ആ​സ്വ​ദി​ക്കാ​നെ​ത്തി ഒ​ടു​വി​ല്‍ മ​ര​ണ​ത്തി​ന്‍റെ നൂ​ലി​ഴ​യി​ല്‍നി​ന്നും ജീ​വി​തം തി​രി​കെ എ​ത്തി​ച്ച് വി​ദ്യാ​ർ​ഥി. തി​രു​മി​റ്റ​ക്കോ​ട് പ​ഞ്ചാ​യ​ത്തി​ലെ ഒ​ഴു​വ​ത്ര വ​ട​ക്ക​ത്ത് വീ​ട്ടി​ൽ കൃ​ഷ്ണ​കു​മാ​റി​ന്റെ മ​ക​ൻ ശ്രീ​കാ​ന്ത് (14) ആ​ണ് സ്വ​ന്തം അ​മ്മ ര​മ്യ​യെ​യും അ​മ്മാ​വ​ന്റെ മ​ക​ൾ സ​ന്ധ്യ​യെ​യും സ്വ​ജീ​വ​ന്‍ പ​ണ​യം വ​ച്ച് ജീ​വി​ത​ത്തി​ലേ​ക്ക്‌ തി​രി​കെ എ​ത്തി​ച്ച​ത്.

തി​രു​മി​റ്റ​ക്കോ​ട് പ്ര​ദേ​ശ​ത്തെ കു​ള​ത്തി​ലാ​ണ് ര​ണ്ടു​പേ​രും മു​ങ്ങി​ത്താ​ഴ്ന്ന​ത്. വീ​ടി​ന​ടു​ത്തു​ള്ള നി​റ​ഞ്ഞു​ക​വി​ഞ്ഞു കി​ട​ക്കു​ന്ന കു​ളം കാ​ണാ​ൻ ര​മ്യ​യും സ​ന്ധ്യ​യു​മ​ട​ക്കം കു​ടും​ബ​ത്തി​ലെ മൂ​ന്ന് സ്ത്രീ​ക​ളും ര​ണ്ട് കു​ട്ടി​ക​ളും പോ​കു​ക​യാ​യി​രു​ന്നു.

കു​ള​ത്തി​ന്റെ ഒ​രു​ഭാ​ഗ​ത്ത് വെ​ള്ളം വ​ന്നു​ചാ​ടു​ക​യും മ​റു​ഭാ​ഗ​ത്തു കൂ​ടി ഒ​ലി​ച്ചു​പോ​കു​ക​യും ചെ​യ്യു​ന്നു​ണ്ട്. കൗ​തു​കം തോ​ന്നി​യ സ​ന്ധ്യ ആ​ദ്യം കു​ള​ത്തി​ലി​റ​ങ്ങി. അ​ൽ​പ​ദൂ​രം നീ​ന്തി വെ​ള്ള​ത്തി​ൽ ഒ​ഴു​ക്കു​ള്ള ഭാ​ഗ​ത്തെ​ത്തി. അ​വി​ടെ​നി​ന്നു തി​രി​ച്ചു​നീ​ന്താ​ൻ ശ്ര​മി​ച്ച​പ്പോ​ഴേ​ക്കും കൈ​കാ​ലു​ക​ൾ കു​ഴ​ഞ്ഞു​. ഇ​തു​ക​ണ്ട ര​മ്യ ര​ക്ഷി​ക്കാ​നാ​യി നീ​ന്തി അ​ടു​ത്തെ​ത്തി​യെ​ങ്കി​ലും ഇ​രു​വ​രും മു​ങ്ങി​ത്താ​ഴ്ന്ന്കൊ​ണ്ടി​രു​ന്നു. ക​ര​യി​ലു​ണ്ടാ​യി​രു​ന്നവ​ർ​ക്കാ​ണെ​ങ്കി​ൽ നീ​ന്ത​ൽ അ​റി​യി​ല്ലാ​യി​രു​ന്നു.

ര​ണ്ടു​പേ​രും മു​ങ്ങാ​ൻ തു​ട​ങ്ങി​യ​തോ​ടെ അ​തി​ലൂ​ടെ പോ​വു​ക​യാ​യി​രു​ന്ന ശ്രീ​കാ​ന്തി​നെ വി​ളി​ക്കു​ക​യും ഓ​ടി​യെ​ത്തി​യ ശ്രീ​കാ​ന്ത് കു​ള​ത്തി​ലേ​ക്ക് എ​ടു​ത്തു​ചാ​ടി ആ​ദ്യം സ​ന്ധ്യ​യെ ര​ക്ഷി​ക്കാ​നാ​യി അ​വ​രു​ടെ വ​സ്ത്ര​ത്തി​ൽ പി​ടി​ച്ചു​വ​ലി​ച്ച് ക​ര​ക്കെ​ത്തി​ച്ച് അ​വി​ടെ ഉ​ണ്ടാ​യി​രു​ന്ന​വ​രെ ഏ​ൽ​പ്പി​ച്ചു.

മ​നോ​ധൈ​ര്യം കൈ​വി​ടാ​തെ വീ​ണ്ടും കു​ള​ത്തി​ലേ​ക്ക്. നീ​ന്തി കു​റ​ച്ച​ക​ലെ മു​ങ്ങി​ത്താ​ഴു​ക​യാ​യി​രു​ന്ന അ​മ്മ​യെ അ​വ​രു​ടെ കാ​ലി​ൽ പി​ടി​ച്ച​ശേ​ഷം വ​ലി​ച്ച് ക​ര​ക്കെ​ത്തി​ക്കു​ക​യാ​യി​രു​ന്നു. ജീ​വി​ത​ത്തി​നും മ​ര​ണ​ത്തി​നു​മി​ട​യി​ൽ ശ്രീ​കാ​ന്തി​ന്റെ സ​മ​യോ​ചി​ത​മാ​യ ഇ​ട​പെ​ട​ലാ​ണ് ഇ​രു​വ​രു​ടെ​യും ജീ​വ​ൻ ര​ക്ഷി​ച്ച​ത്.

ചാ​ത്ത​ന്നൂ​ർ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ​ത്താം ക്ലാ​സ് വി​ദ്യാ​ർ​ഥി​യാ​ണു ശ്രീ​കാ​ന്ത്. സ​ഹോ​ദ​ര​ൻ: ശ്രീ​രാ​ഗ്.

പി​താ​വ് കൃ​ഷ്ണ​കു​മാ​ർ വി​ദേ​ശ​ത്താ​ണ്. ശ്രീ​കാ​ന്തി​ന്റെ ധീ​ര​ത​യെ അ​ഭി​ന​ന്ദി​ച്ച് നാ​ട്ടു​കാ​രും വി​വി​ധ സം​ഘ​ട​ന​ക​ളും രം​ഗ​ത്തെ​ത്തി. സം​ഭ​വ​മു​ണ്ടാ​യ കു​ള​ത്തി​ൽ ഇ​തി​നു​മു​മ്പ് മു​ങ്ങി മ​ര​ണ​ങ്ങ​ൾ ഉ​ണ്ടാ​യ​താ​യി നാ​ട്ടു​കാ​ർ പ​റ​ഞ്ഞു.