തു​ടി​കൊ​ട്ടി​ൻ താ​ള​വും പാ​ട്ടു​മി​ല്ലാ​തെ തി​രു​വാ​തി​ര

കൂ​റ്റ​നാ​ട്: ഗ​ത​കാ​ല​സ്മ​ര​ണ​ക​ളെ ഉ​ണ​ര്‍ത്തി വീ​ണ്ടു​മൊ​രു തി​രു​വാ​തി​ര വി​രു​ന്നെ​ത്തു​മ്പോ​ഴും ആ​ഘോ​ഷ​ത്തി​ന് മു​ന്നോ​ടി​യാ​യു​ണ്ടാ​യി​രു​ന്ന തു​ടി​കൊ​ട്ടും പാ​ട്ടും വി​സ്മൃ​തി​യി​ലാ​ണ്ടു. തി​ങ്ക​ളാ​ഴ്ച​യാ​ണ് തി​രു​വാ​തി​ര. മ​ല​യാ​ളി​ക​ളെ സം​ബ​ന്ധി​ച്ചി​ട​ത്തോ​ളം ഒ​രാ​ഴ്ച മു​മ്പു​ത​ന്നെ തി​രു​വാ​തി​ര കു​ളി പ​തി​വാ​യി​രു​ന്നു.

മം​ഗ​ല്യ​വ​തി​ക​ളാ​യ സ്ത്രീ​ക​ൾ നെ​ടു​മാം​ഗ​ല്യ​ത്തി​നും മ​ക്ക​ളു​ടെ ഐ​ശ്വ​ര്യ​ത്തി​നു​മാ​യും അ​വി​വാ​ഹി​ത​ക​ൾ ഉ​ത്ത​മ വി​വാ​ഹ​ത്തി​നാ​യും തി​രു​വാ​തി​ര വ്ര​തം എ​ടു​ക്കു​ന്നു. പാ​ർ​വ​തി ദേ​വി​യെ സ്തു​തി​ച്ചു കൊ​ണ്ടു സൂ​ര്യോ​ദ​യ​ത്തി​നു മു​മ്പ് കു​ള​ത്തി​ൽ പോ​യി തി​രു​വാ​തി​ര​പ്പാ​ട്ട് പാ​ടി തു​ടി​ച്ച് കു​ളി​ക്കും. പൊ​ട്ടു​തൊ​ട്ട്, ദ​ശ​പു​ഷ്പം ചൂ​ടി വ​രി​ക​യാ​ണ് പ​തി​വ്. തി​രു​വാ​തി​ര​ത​ലേ​ന്ന് പാ​തി​രാ​പൂ ചൂ​ടു​ന്ന സ​മ്പ്ര​ദാ​യ​വും നി​ല​നി​ന്നി​രു​ന്നു.

തു​ട​ര്‍ന്ന് നൊ​യ​മ്പ് നോ​ൽ​ക്ക​ൽ, നാ​മ​ജ​പം, തി​രു​വാ​തി​ര​ക്ക​ളി, ഉ​റ​ക്ക​മൊ​ഴി​പ്പ്, എ​ട്ട​ങ്ങാ​ടി വ​ച്ച് ക​ഴി​യ്ക്ക​ൽ, പാ​തി​രാ​പ്പൂ ചൂ​ട​ൽ, ശി​വ​ക്ഷേ​ത്ര ദ​ർ​ശ​നം എ​ന്നി​വ​യൊ​ക്കെ​യാ​ണ് തി​രു​വാ​തി​ര ആ​ഘോ​ഷ​ത്തി​ന്റെ പ്ര​ധാ​ന ച​ട​ങ്ങു​ക​ൾ. ശി​വ​പാ​ർ​വ​തി പ്ര​ധാ​ന​മാ​യ ക്ഷേ​ത്ര​ങ്ങ​ളി​ൽ ഉ​ത്സ​വം, തി​രു​വാ​തി​ര​ക്ക​ളി, ഉ​മാ​മ​ഹേ​ശ്വ​ര പൂ​ജ, മ​റ്റു വി​ശേ​ഷാ​ൽ പൂ​ജ​ക​ൾ, പൊ​ങ്കാ​ല എ​ന്നി​വ​യൊ​ക്കെ ഈ ​അ​വ​സ​ര​ത്തി​ൽ ന​ട​ക്കാ​റു​ണ്ട്. രേ​വ​തി നാ​ൾ മു​ത​ൽ ആ​ണ് ശ​രി​ക്കും തി​രു​വാ​തി​ര ആ​ഘോ​ഷ​ങ്ങ​ൾ തു​ട​ങ്ങു​ന്ന​ത്. ശി​വ​പാ​ർ​വ​തി ക്ഷേ​ത്ര ദ​ർ​ശ​ന​വും ന​ട​ത്തു​ന്നു. കാ​ച്ചി​ൽ, കൂ​ർ​ക്ക, ചേ​ന, ന​ന​കി​ഴ​ങ്ങ്, ചെ​റു​കി​ഴ​ങ്ങ്, മ​ധു​ര​ക്കി​ഴ​ങ്ങ്, വെ​ട്ടു​ചേ​മ്പ്, ചെ​റു​ചാ​മ്പ് എ​ന്നി​വ ചേ​ർ​ത്തു​ണ്ടാ​ക്കു​ന്ന തി​രു​വാ​തി​ര പു​ഴു​ക്ക് ആ​ഘോ​ഷ​ത്തി​ലെ പ്ര​ധാ​ന​പ്പെ​ട്ട ഒ​രു ഭ​ക്ഷ​ണ​മാ​ണ്‌.