യു​വ​തി​യെ​യും വ​യോ​ധി​ക​യെ​യും മർദി​ച്ച കേ​സ്; ബ​ന്ധു​വി​ന് ക​ഠി​ന​ത​ട​വും 20,000 രൂ​പ​ പി​ഴ​യും

കു​ഴ​ൽ​മ​ന്ദം: കു​ടും​ബ​സ്വ​ത്ത് സം​ബ​ന്ധ​മാ​യ വ​ഴ​ക്കി​നെ തു​ട​ർ​ന്നു​ള്ള വി​രോ​ധ​ത്താ​ൽ യു​വ​തി​യെ​യും അ​വ​രു​ടെ മാ​താ​വി​നെ​യും മ൪​ദി​ക്കു​ക​യും അ​സ​ഭ്യം പ​റ​യു​ക​യും ചെ​യ്ത കേ​സി​ൽ ബ​ന്ധു​വി​ന് ഒ​രു വ​ർ​ഷം ക​ഠി​ന​ത​ട​വും 20,000 രൂ​പ പി​ഴ​യും ശി​ക്ഷ.

പി​ഴ അ​ട​ച്ചി​ല്ലെ​ങ്കി​ൽ ര​ണ്ടു​മാ​സം അ​ധി​ക​ത​ട​വ് അ​നു​ഭ​വി​ക്ക​ണം. പാ​ല​ക്കാ​ട് അ​ഞ്ച് അ​ഡീ​ഷ​ന​ൽ സെ​ഷ​ൻ​സ് കോ​ട​തി ജ​ഡ്ജ് സി.​എം. സീ​മ ആ​ണ് ശി​ക്ഷ വി​ധി​ച്ച​ത്. മാ​ത്തൂ൪ ചു​ങ്ക​മ​ന്ദം കൂ​മ്മ​ൻ​കാ​ട് അ​നീ​ഷ​യു​ടെ (28) പ​രാ​തി​യി​ലാ​ണ് മാ​ത്തൂ൪ ചു​ങ്ക​മ​ന്ദം കൂ​മ്മ​ൻ​കാ​ട് പാ​ല​ക്കോ​ട് രാ​ധാ​കൃ​ഷ്​ണ​നെ (49) ശി​ക്ഷി​ച്ച​ത്. പി​ഴ​ത്തു​ക​യി​ൽ​നി​ന്ന് 15000 രൂ​പ അ​നീ​ഷ​ക്ക് ന​ൽ​ക​ണം. 2019 സെ​പ്റ്റം​ബ൪ 14ന് ​വൈ​കീ​ട്ട് 4.30നാ​ണ് സം​ഭ​വം.

അ​നീ​ഷ​യും മാ​താ​വും രാ​ധാ​കൃ​ഷ്ണ​നും ഒ​ന്നി​ച്ച് താ​മ​സി​ക്കു​ന്ന കൂ​മ​ൻ​കാ​ടു​ള്ള വീ​ട്ടി​ൽ​വെ​ച്ച് മാ​താ​വി​നെ രാ​ധാ​കൃ​ഷ്ണ​ൻ ത​ല്ലു​ന്ന​തു​ക​ണ്ട് പി​രി​ച്ചു​വി​ടാ​ൻ ശ്ര​മി​ക്ക​വെ രാ​ധാ​കൃ​ഷ്ണ​ൻ അ​സ​ഭ്യം പ​റ​ഞ്ഞ് കൊ​ല്ലു​മെ​ന്ന് ഭീ​ഷ​ണി​പ്പെ​ടു​ത്തി പ​ട്ടി​ക​വ​ടി കൊ​ണ്ട് അ​നീ​ഷ​യു​ടെ ത​ല​യി​ല​ടി​ച്ച് പ​രി​ക്കേ​ൽ​പ്പി​ച്ചു എ​ന്നാ​ണ് കേ​സ്. അ​നീ​ഷ​യു​ടെ അ​മ്മാ​വ​നാ​ണ് രാ​ധാ​കൃ​ഷ്ണ​ൻ. കു​ഴ​ൽ​മ​ന്ദം സ​ബ് ഇ​ൻ​സ്പെ​ക്ട​ർ എ. ​അ​നൂ​പ് കേ​സ് ര​ജി​സ്റ്റ​ർ ചെ​യ്ത് കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ചു. എ​ട്ട് സാ​ക്ഷി​ക​ളെ വി​സ്ത​രി​ച്ച് 12 രേ​ഖ​ക​ൾ സ​മ​ർ​പ്പി​ച്ചു. പ്രോ​സി​ക്യൂ​ഷ​നു വേ​ണ്ടി അ​ഡീ​ഷ​ന​ൽ പ​ബ്ലി​ക് പ്രോ​സി​ക്യൂ​ട്ട​ർ വി. ​ജ​യ​പ്ര​കാ​ശ് ഹാ​ജ​രാ​യി. എ​സ്.​സി.​പി.​ഒ സു​ഭാ​ഷ്, എ.​എ​സ്.​ഐ. ബി​ജി​ത എ​ന്നി​വ​ർ പ്രോ​സി​ക്യൂ​ഷ​നെ സ​ഹാ​യി​ച്ചു.