ബി.ജെ.പി ജില്ല നേതൃത്വത്തിനെതിരെ പ്രാദേശിക തലത്തിൽ വിഭാഗീയത രൂക്ഷം

പാ​ല​ക്കാ​ട്: ബി.​ജെ.​പി ജി​ല്ല നേ​തൃ​ത്വ​വും പ്ര​ദേ​ശി​ക നേ​തൃ​ത്വ​വും ത​മ്മി​ലെ ഭി​ന്ന​ത ശ​ക്ത​മാ​കു​ന്നു. ക​ഴി​ഞ്ഞ ദി​വ​സം ക​ണ്ണാ​ടി ഹ​യ​ർ സെ​ക്ക​ൻ​ഡ​റി സ്കൂ​ളി​ന്റെ വി​ജ​യോ​ത്സ​വം പ​രി​പാ​ടി ഉ​ദ്ഘാ​ട​ക​നാ​യി കേ​ന്ദ്ര മ​ന്ത്രി ജോ​ർ​ജ് കു​ര്യ​ൻ പ​ങ്കെ​ടു​ക്കു​ന്ന​ത് പാ​ർ​ട്ടി ജി​ല്ല നേ​തൃ​ത്വം ക​ണ്ണാ​ടി പ​ഞ്ചാ​യ​ത്ത്‌ ക​മ്മി​റ്റി​യെ അ​റി​യി​ക്കാ​ത്ത​തി​ൽ പ​ഞ്ചാ​യ​ത്ത്‌ ഭാ​ര​വാ​ഹി​ക​ൾ ക​ടു​ത്ത പ്ര​തി​ഷേ​ധ​ത്തി​ലാ​ണ്.

ക​ണ്ണാ​ടി, പെ​രി​ങ്ങോ​ട്ടു​കു​റു​ശ്ശി, ത​ച്ച​മ്പാ​റ തുടങ്ങിയ​ പഞ്ചായത്തുകളിലാണ് അണികൾ നേതൃത്വത്തിനെതിരെ രംഗത്തുവന്നത്മ​ന്ത്രി​യു​ടെ പ​രി​പാ​ടി ന​ട​ക്കു​ന്ന സ​മ​യ​ത്ത് ത​ന്നെ പ​ഞ്ചാ​യ​ത്ത്‌ ക​മ്മി​റ്റി​യു​ടെ നേ​തൃ​ത്വ​ത്തി​ൽ സ​മീ​പ​ത്തെ കൃ​ഷി ഭ​വ​ന് മു​ന്നി​ൽ നെ​ല്ല് സം​ഭ​ര​ണം വൈ​കു​ന്ന​തി​ൽ പ്ര​തി​ഷേ​ധ പ​രി​പാ​ടി ന​ട​ത്തി​യാ​ണ് പ്ര​ദേ​ശി​ക നേ​തൃ​ത്വം എ​തി​ർ​പ്പ് പ​ര​സ്യ​മാ​ക്കി​യ​ത്. സ്കൂ​ൾ അ​ധി​കൃ​ത​ർ പോ​ലും പാ​ർ​ട്ടി ക​മ്മി​റ്റി പ്ര​സി​ഡ​ൻ​റി​നെ ക്ഷ​ണ​ക്ക​ത്തി​ൽ പേ​ര് വെ​ച്ച് വി​ളി​ച്ചെ​ങ്കി​ലും ബി.​ജെ.​പി ജി​ല്ല നേ​തൃ​ത്വം സാ​മാ​ന്യ മ​ര്യാ​ദ പോ​ലും പ്ര​വ​ർ​ത്ത​ക​ർ​ക്ക് ന​ൽ​കി​യി​ല്ലെ​ന്നാ​ണ് ആ​രോ​പ​ണം. പെ​രി​ങ്ങോ​ട്ടു​കു​റു​ശ്ശി പ​ഞ്ചാ​യ​ത്തി​ലും പ്രാ​ദേ​ശി​ക നേ​തൃ​ത്വ​ത്തെ അ​റി​യി​ക്കാ​തെ ജി​ല്ല നേ​താ​ക്ക​ൾ നേ​രി​ട്ട് ഇ​ട​പെ​ടു​ന്ന​തി​ൽ ശ​ക്ത​മാ​യ എ​തി​ർ​പ്പു​ണ്ട്.

ത​ച്ച​മ്പാ​റ​യി​ൽ അ​ടു​ത്ത കാ​ല​ത്ത് ബി.​ജെ.​പി​യി​ലേ​ക്ക് ചേ​ക്കേ​റി​യ ജ​ന​പ്ര​തി​നി​ധി ഉ​ൾ​പ്പെ​ടെ പ​തി​ന​ഞ്ചോ​ളം ആ​ളു​ക​ൾ നേ​തൃ​ത്വ​ത്തി​നെ​തി​രെ ആ​രോ​പ​ണം ഉ​ന്ന​യി​ച്ച് ബി.​ജെ.​പി​യി​ൽ നി​ന്ന് അ​ക​ന്നി​ട്ടു​ണ്ട്.